susamaachaar

Aap, main, aur bākī kī mānavajāti aisa jīvan vyatīt karate hain jo māya, pāp aur mrtyu se lipata hua hai. Mānav itihās ke ārambh se, vichārak, rśi aur bhaviśyadvaktaon ne hamārī mānavīy paristhiti ke ūpar chintan kiya hai aur is astitv se bachane ke lie mārg prāpt karane ka prayās kiya hai. Adhikānś pavitr sāhity in praśnon ko lekar ārambh ke samay se in pavitr logon ke dvāra likhe gae hain. Bhāratīy upmahādvīp se, lagabhag Isa Pūrv 2000-1000 varśon ke madhy mein likhe hue Rg Ved sabase ārambhik pavitr lekh hain. Rg Ved ke pavitr bhajan Parameśvar kī khoj aur māya, pāp aur mrtyu ke hamāre is chakr se mokś arthāt uddhār kī gambhīr khoj ko pragat karate hain.

Upaniśad kī Prārthana

Upaniśad (Vedon ke paśchāt Isa Pūrv 800 mein likha hue pavitr sāhity) kī ek jānī-pahacānī prārthana is khoj ko uddhrt karatī hai. Isaka Sanskrt mein aur isaka Romannagri bhāśāntaran yahān nīche diya gaya hai

Sabhī Sanskrtiyon, bhāśaon aur dharmon ko ek taraph karate hue, yah prārthana amaratav ke mārg ko jānane kī mānavīy iccha ko vyakt karatī hai.

Pratigya: Prārthana ka uttar ā raha hai

Jab Bhāratīy upmahādvīp mein rachit Upaniśadon mein Sanskrt bhāśa mein yah prārthana likhe jāne ke samay ke ās pās hī, gyān se bhara hua ek Iśvarīy sandeś Madhy Pūrv ke dvīpon mein sāmī Ibrānī mein Yaśāyāh nām ke Israelī rśi ya bhaviśyadvakta ko diya gaya. Jab āp ise padhate hain to āp dhyān denge ki yah pratigyaen uparokt Upaniśad kī prārthana ke uttar mein Parameśvar ke dvāra dī gaī hain.

“Mujh Yahova ne tujhako dharm se bula liya hai;

Main tera hāth thām kar terī rakśa karūnga.

Main tujhe praja ke liye vācha

Aur jātiyon ke liye prakāś thaharaūnga,

Ki tū andhon kī ānkhen khole

Bandiyon ko bandīgrh se nikāle

Aur jo andhiyāre mein baithe hain

Unako kālakotharī se nikāle.

Main andhon ko ek mārg se le chalūnga jise ve nahin jānate

Aur unako aise pathon se chalaūnga jinhen ve nahin jānate;

Unake āge main andhiyāre ko ujiyāla karūnga

Aur tedhe mārgon ko sīdha karūnga

Main aise aise kām karūnga

Aur unako na tyāgūnga.

Jo log andhiyāre mein chal rahe the

Unhonne bada ujiyāla dekha;

Aur jo log ghor andhakār se bhare hue mrtyu ke deś mein rahate the,

Un par jyoti chamakī.” Yaśāyāh 42:6-7, 16, 9:2

Saikadon varśon pahale likhī gaī Upaniśad kī ye prārthanaen aur Yaśāyāh ke ye Iśvarīy sandeś ne sansār ko us bāt se ulat pulat kar diya jise Subh Sandeś kah kar pukāra jāta hai. Is samāchār ne us samay ke sansār ko aur āj ke hamāre jīvanon ko parivartit kar diya hai, chāhe ham ise jānate hain ya nahin, parantu is samāchār se ham mūl rūp se prabhāvit hue hain. Isane pustakon ke āviśkār (kundal patron ke viparīt) ko mārgadarśan diya hai, do śabdon ke madhy rikt sthān, virām cinhon, śabdon ke ūpar aur nīche likhe jāne ke dhānche ko, Mahāvidyālayon, aspatālon aur yahān tak anāthālay jinhen logon ke dvāra tab sthāpit kiya gaya jab unhonne yah samajh liya tha ki kaise śubh sandeś ko samāj ko prabhāvit karana chāhie. Parantu isase bhī adhik maulik, is samāchār ke āgaman ne logon ke svayam ko, anyon ko, jīvan, mrtyu aur Parameśvar ke amaratv ko dekhane ke drśtikon ko hī badī gahanata se parivartit kar diya. Is Subh Sandeś ko Susamāchār ke nām se jāna gaya, aur us yug se lekar āj tak isane kaiyon ke hrdayon aur manon kī niśtha ko prāpt kar liya hai, akśaraś: kyonki saty, svatantrata aur amaratv ke lie hamārī maulik āvaśyakata ke uttaron ko detī hai.

Susamāchār ka sandeś Nāsarat ke Yīśu nāmak vyakti ke ūpar kendrit hai. Usane Parameśvar ke mānavīy dehadhāran hone ka dāva kiya (aur hamane usake dāvon ko is Saīt mein dekh liya hai) jo saty, svatantrata aur amaratv kī hamārī āvaśyakata ko pūra kar sakata hai.

Mainne is VebaSaīt ko un sabhī rūchi rakhanevāle logon ke lie is śubh sandeś ke ūpar, Rg Ved ke drśtikon ke sāth sāth, Baibal ke drśtikon se bhī vichār karane ke lie ek avasar pradān karane ke lie nirmit kiya hai. Jab Baibal ko sabase pahale Hindī bhāśāntarit kiya gaya to ise ‘Ved Pustak’ ya ‘Sarvocch Gyān kī Pustak kī Pustak’ kah kar pukāra gaya tha. Yah donon Ved amaratv ke path ko dikhāne kī pratigya karate hain. Niśchit hī is par vichār karana lābhaprad hai. Main āpako in donon Vedon se susamāchār ke ūpar vichār karane ke lie nimantran deta hūn.

Yah Saīt khuśakhabarī arthāt Susamāchār ke bāre mein hai. Parantu āp soch sakata hain ki is Saīt ka uddeśy Masīhiyat ke bāre mein hai. Parantu jaisa āp sochate hain vaisa nahin hai. Main is bhinnata ko āpako batāna chāhata hūn.

Jaise ki ek Hindū aur Hindī bhāśa bolane vāle mein bhinnata hotī hai, thīk vaisa hī kuch āp isake prati soch sakate hain. Adhikānś log jahān main rahata hūn vahān aisa sochate hain ki ye donon ek hī hain aur mainne yahān logon ko in śabdon ko miśrit karate hue suna hai. Isamen koī sandeh nahin hai, ki in donon ka ek dūsare ke ūpar bahut adhik prabhāv hai. Hindī bhāśa bahut adhik Hindū dharm se prabhāvit huī hai aur Hindū dharm isase samrddh aur vikasit hua aur sāmāny rūp mein Hindū mein hī vyakt hota hai. Parantu phir bhī, aise bahut se Hindī bhāśa bolane vāle hain jo Hindū nahin hai (merī Māta unamen se ek hai), aur isī tarah se ve Hindū bhakt jo dūsarī bhāśaon (udāharan ke lie Tamil, Malayālam, Sanskrt ādi) mein prārthana aur ārādhana karate bhī hain. Yadyapi in donon ka ek ke sthān par prayog aur prabhāv hai – parantu phir yah donon ek nahin hai.

Thīk yahī kuch Masīhiyat aur Susamāchār ke lie hai. Aisī bahut sī bāten, mānyataen aur prathaen Masīhiyat mein hain jo Susamāchār ka bhāg nahin hai. Udāharan ke lie, jaise Estar aur Krisamas ke jāne-pahacāne tyohār hain. Jo kadāchit Masīhiyat ko acchī tarah se pratinidhitv karane vāle hain. Aur ye tyohār Prabhu Yīśu Masīh ke janm aur mrtyu aur usake punarūtthān ko smaranārthī hain jo ki Susamāchār mein pragat kiya hua ka dehadhārī Parameśvar hai. Parantu Susamāchār ke sandeś mein ya Ved Pustak – Baibal – mein kahīn par bhī ham aise kisī bhī sandarbh ya ādeś (ya aisī kisī bāt) ko nahin pāte jisaka lena dena in tyohāron ke sāth hai. Main in tyohāron ko manāte hue harśit hota hūn – aise hī mere adhikānś mitr bhī jinakī Susamāchār mein bilkul bhī kisī bhī tarah kī koī rūchi nahin hai. Masīhiyat ke in tyohāron ko manāne ke prati Susamāchār kī koī dilachaspī nahin hai. Sacchaī to yah hai, ki pūre varś mein tyohār ke rūp mein manāne ke lie bhinn Esaī sampradāyon ke apane bhinn bhinn din hain jinamen ve in tyohāron ko manāte hain.

Isī tarah Divālī ka tyohār bhī ek Esaī tyohār nahin hai. Parantu phir bhī Ved Pustak – Baibal – mein Yūhanna ka Susamāchār yah ghośana karate hue ārambh hota hai ki Yīśu ke dehadhāran se is andhakār se bhare hue sansār mein jyoti ka praveś hua. Yah tyohār Susamāchār se bahut acchī tarah sambaddh hota hai. Sārānś mein, Masīhī viśvāsiyon ko aksar tyohāron ko mānane, viśeś tarah ke bhojan khāne aur niśchit dhārmik rīti rivājon ko pālan karane ke lie jāna jāta hai. Inaka Susamāchār se kuch bhī lena dena nahin hai.

Yadyapi yah Susamāchār aur Masīhiyat ke madhy mein ek dūsare ko prabhāvit karate hain – parantu yah ek hī nahin hain. Saccaī to yah hai, ki pūrī Baibal mein śabd ‘Masīhī’ ka ullekh mātr tīn bār hī kiya gaya hai, aur isake pahalī bār ullekh yah ingit karata hai ki yah vah śabd tha jise Susamāchār ke virodhiyon ne upayog karana ārambh kiya (Preriton ke kām 11:26). Ved Pustak – Baibal – mein śabd aur dhāranaon ka upayog sāmāny rūp se Susamāchār ko Mārg aur Sīdha Mārg hone ka vivaran dene ke lie kiya gaya hai; aur ve jo Susamāchār ka anusaran karate hain unhen Viśvāsī , Siśy, Mārg ka anusaran karane vāle kah kar pukāra jāta hai.

Ss Saīt ka lakśy svayam kī jānakārī ke yah khoj karana hai, ki kaise prāchīn Rg Ved kī svatantrata aur amaratv, saty kī khoj aur pratyāśa, sāth hī sāth ārambhik Ibrānī bhaviśyadvaktaon ya rśiyon kī apekśaen Yīśu ke dehadhāran mein pūrn huī hain aur ab yah ham sabhon ke lie upalabdh hai. Yah vah śikśa hai jisake bāre mein socha jāna chāhie chāhe ek vyakti Hindū, Muslim, Esaī, ya kisī bhī any dharm ka anusaran karane vāla kyon na ho – ya phir chāhe ek vyakti kisī bhī dharm ka bhakt na ho.

Is kāran, yah Saīt un logon ke lie jo jīvan, pāp aur mrtyu se svatantrata aur Parameśvar ke sāth sambandh ke bāre mein jānane kī utsukata rakhate hon. Ham Masīhiyat ke vivādon ko any Saīton aur any logon kī soch ke lie chod dete hain kyonki Susamāchār ko Masīhiyat kī jatilataon ke bina samajhana jāna chāhie. Main sochata hūn āp ise pa lenge, jaise mainne pāya, aur is ādhār par Susamāchār paryāpt rūp se rūchipūrn aur santośajanak ban jaega.