Yadi avadhāraṇāon ke matabhedon ko ṭhīk se na samajhā jāe to sambandhit avadhāraṇāen bhram paidā kar sakatī hain. Dakṣiṇ Eśiyāī bhāṣāain isakā ek acchā udāharaṇ pradān karatī hain.
Kī Paśchimī log Hindī (bhāṣā) aur Hindū (jīvan kā karmakāṇḍī yā dhārmik tarīkā) men antar nahīn karate hain. Sabd ek jaise lagate hain aur chūnki ‘donon Bhārat se āte hain’ isalie unhen lagatā hai ki ve ek jaise hain. Apane logon ko yah kahate hue sunā hogā ki ‘vah puruṣ Hindū bolatā hai’ aur ‘vah strī ek Hindī hai’, jo śabdon ke prati galataphahamī ko darśātā hain.
Kuch Paśchimī logon ko to yah bhī patā nahīn hai ki Dakṣiṇ Eśiyā men kī bhāṣāain bolī jātī hain. Aksar yah mānā jātā hai ki har koī ‘vahāan par’ Hindī (yā Hindū) bolatā hai. Ve is bāat kī sarāhanā nahīn karate ki lākhon log Malayālam, Tamil, Telegu, Oḍiyā, Marāṭhī, Bangālī, Gujarātī, Kannaḍ, Panjābī, Nepālī jaisī vividh bhāṣāon ko bolate hain.
Isamen koī sandeh nahīn hai ki Hindī Hindū dharm se prabhāvit hai aur Hindū avadhāraṇāin aksar Hindī men vyakt kī jātī hain. Yadyapi, kī Hindī bhāṣī log aise hain, jo Hindū nahīn hain. Isī tarah Hindū bhakt any bhāṣāon (Tamil, Malayālam, ādi) men prārthanā aur pūjā karate hain. In donon par ek dūsare kī paraten pāī jātī hain aur yah ek dūsare ko prabhāvit karate hain – tathāpi ve ek jaise nahīn hain.
Dakṣiṇ Eśiyāī bhāṣā kī lipiyāan
Yadyapi ye bhāṣāain ek dūsare se bhinn hain, tathāpi ve apane itihāas ke dvārā ektā men pāī jātī hain. Dakṣiṇ Eśiyā men pāī jāne vālī sabhī tarah kī lekhan paddhatiyāṁ Brāhmī lipi se ātī hain. Yah lipi īsā pūrv pahalī sahastrābdī ke madhy pūrv men prāchīn Phaonīśiyā (= Pāliyo-Ibrānī) se prāpt huī thī.
Yah spaṣṭ nahīn hai ki yah lipi Dakṣiṇ Eśiyā men kaise āī, yadyapi Eśiyā men Ibrānī logon ke nirvāsan par ādhārit ek pramukh siddhānt is bāat kā tark prastut karatā hai. Brāhmī lipi do mukhy samūhon: Uttarī aur Dakṣiṇī Brāhmī lipi men vibhājit hai. Uttarī Brāhmī lipi Devanāgarī aur Nandināgarī men vikasit huī jo Sanskṛt aur Uttarī Bhārat (Hindī, Marāṭhī, Gujarātī, Bangālī, Nepālī, Panjābī) kī bhāṣā ban gī. Draviḍ bhāṣāon ne Dakṣiṇī Brāhmī lipi ko apanāyā, jise āaj mukhy rūp se Tamil, Telugu, Kannaḍ aur Malayālam men sunā jātā hai.
Isāī dharm aur Susamāchāar bhī ek jaise nahīn hain
Jaisā ki Hindī aur Hindū ne ek-dūsare ko prabhāvit kiyā hai, parantu ve ek jaise nahīn hain, ṭhīk aisā hī Susamāchāar aur Isāī dharm ke sāth bhī hai. Isāī dharm ek sandeś ke prati ek sānskṛtik pratikriyā hai. isalie Isāī dharm men rīti-rivāj, mānyatāain aur prathāain pāī jātī hain, jabaki Susamāchāar men aisā nahīn milta hai. Udāharaṇ ke lie, Esṭar aur Krisamas ke prasiddh tyohāron ko len, jo śāyad Isāī dharm kā sabase jyādā pratinidhitv karate hain. Ye tyauhāar Yīśu Masīh ke janm, mṛtyu aur punarutthāan, aur Susamāchāar men prakaṭ hue Parameśvar ke dehadhāraṇ kī yāad dilāte hain. Parantu inamen kahīn bhī Susamāchāar kā sandeś nahīn milatā hai, aur na hī Ved Pustak (Bāibal) in tyohāron ke bāre men koī sandarbh yā inhen manāe jāne kā ādeś detī hai. Susamāchāar aur Isāī dharm ke ūpar ek dūsare kī parat to avaśy pāī jātī parantu ve ek jaise nahīn hain. Vāstav men, pūrī Bāibal (Ved Pustak) men keval tīn bāar hī śabd ‘Masīhī’ yā dūsare śabdon men Isāī kā ullekha milatā hai.
Jaisā ki Dakṣiṇ Eśiyāī bhāṣāon kī apanī lipiyon ke vikāas kā ek lambā aur jaṭil Itihāas hai, ṭhīk vaise hī Susamāchāar Isāī dharm kī tulanā men atyādhik purānā hai. Susamāchāar ke sandeś kī ghoṣaṇā mānavīy Itihāas ke ārambh men hī kar dī gī thī, is prakāar yah Rg Ved ke sabase purāne hisson men bhī dekhā jātā hai. Abrāham ne ise 4000 varṣon pahale hī gatimāan karate hue sthāpit kar diyā thā, jisake vanśaj Dakṣiṇ Eśiyā men (a)brāhmik lipi ko lāe. Dakṣiṇ Eśiyāī bhāṣāon ke sātha hī, Susamāchāar ne vibhinna lipiyon kā vistāar kiyā, jo ki āīn aur samāpt ho gīn, aur aise sāmrājyon kā jo āe aur khatm ho ge. Parantu ārambh se hī isakā dāyarā sabhī deśon ke logon ke lie thā, chāhe unakī sanskṛti, bhāṣā, ling, jāti yā sāmājik sthiti koī bhī kyon na rahī ho. Susamāchāar ek prem kahānī hai, jisakā samāpan ek vivāh ke sāth hotā hai.
Susamāchāar kisake bāre men hai?
Yah vebasāiṭ Susamāchāar ke bāre men hai, Isāī dharm ke bāre men nahīn. Mūl rūp se Susamāchāar ko varṇan karane ke lie upayog kie jāne vāle śabd mārg aur sīdhā mārg (isamen dharm kā vichār milatā hai) hain. Jo log Susamāchāar kā anusaraṇ karate hain, unhen viśvāsī, chele (isamen bhakt kā vichāar milatā hai) kahā jātā hai. Susamāchāar kā kendrīy vichāar ek vyakti, Nāsarat kā Yīśu, Parameśvar kā dehadhārī, guru hai, jisane mujh aur āap par bhakti ko pradarśit kiyā hai. Usake āne kī yojanā samay ke ārambh men banā lī gī thī. Use samajhanā ek yogy viṣay hai, chāhe ek vyakti Hindū, Muslim, Isāī, Sikh, yā phir dūsare kisī bhī dharm kā kyon na ho – yā phir Nāstik ho.
Yadi āap Jīvan ke bāre men, Pāap aur Mṛtyu se Mukti aur Parameśvar ke sāth sambandh, Susamāchāar ke viṣayon ke bāre men āśchary karate hain, to yah vaibasāiṭ āpake lie hai. Isāī dharm kī sanskṛti ko ek kināre rakhate hue, āap pāenge ki Susamāchāar atyādhik romānchak aur santoṣ pradān karane vālā hai. Aap ise nimnalikhit Dakṣiṇ Eśiyāī bhāṣāon men dekh sakate hain: Angrejī, Hindī, Romananāgarī, Bangālī, Marāṭhī, Gujarātī, Panjābī, Nepālī, Kannaḍ, Tamil, Telugu, Malayālam.