Brahma aur Atmā kō samajhanē kē liē Lagōs kā dēhadhāraṇ

Bhagavān Brahmā brahmānḍ kē Sṛṣṭikartā kī pahachān kē rūp mēn pāyā jānē vālā sāmāny nām hai. Prāchīn Rigvēd (1500 īsā pūrva) mēn Prajāpati kō āmataur Sṛṣṭikartā kē liē upayōg kiyā gayā thā, parantu Purāṇōn mēn isē Bhagavān Brahmā kē sāth badal diyā gayā. Aaj kē upayōg mēn, Bhagavān Brahmā, Sṛṣṭikartā kē rūp mēn, divy trimūrti (tri-tatvī Bhagavān) kē tīn pahaluōn, Viṣṇu (pālak) aur Shiv (vināśak) mēn sē ēk kē rūp mēn milatā hai. Eśvar (Dēv) Brahma kā paryāyavhācī hai, kyōnki yah us param Atmā kō bhī darśātā hai, jō sṛṣṭi kē hōnē kā kāraṇ ban gaī.

Yadyapi Brahma kō samajhanā ēk prāthamik lakṣy hai, tathāpi vyavahār mēn yah māyāvī hai. Bhakti aur pūjā kē sandarbh mēn, Shiv aur Viṣṇu, apanī sahachariyōn aur avatārōn kē sāth Bhagavān Brahmā kī tulanā mēn adhik dhyāna kō ākarṣit karatē hain. Ham śīghr hī Shiv aur Viṣṇu sē sambandhit avatārōn aur paramparāōn kā nām lē sakatē hain, parantu Brahmā kē liē ham laḍkhaḍaā jātē hain.

Kyōn?

Brahmā, Brāhm yā Eśvarā aur Dēv, yadyapi Sṛṣṭikartā hai, tathāpi hamasē dūr, pahunch sē parē pratīt hōtā hai, kyōnki ham pāpōn, andhakār aur asthāyī kē lagāv sē jūjhatē hain. Yadyapi Brahm sabhī kā srōt hai, aur hamēn isa srōt kī ōr lauṭanē kī āvaśyakatā hai, tathāpi is īśvarīy siddhānt kō samajhanē kē liē hamārī kṣamatā aparyāpt hai. Isaliē ham āmataur par dēvatāōn kī bhakti kiē jānē par dhyān kēndrit karatē hain, jō adhik mānavīy lagatē hain, hamārē nikaṭ hōnā pratīt hōtē hain, aur hamēn pratiuttar dē sakatē hain. Ham Brahm kē svabhāv kā dūr sē hī anumān lagātē hain. Apanē vyavahār mēn, Brahmā ēk agjyāt dēvatā hai, jisakī apēkṣākṛt durlabh mūrtiyān hī pāī jātī hain.

Us anumān kā ēk bhāg prāṇ (Atmā) kā Paramatmā (Brahm) kē sāth sambandh kē chārōn ōra ghūmatā hai. Vibhinn Riṣiyōn nē is praśn par vichār kē vibhinn śikṣā paddhatiyōn kō janm diyā hai. Is arth mēn, Manōvigyān kā adhyayan, hamārā Atmā (ātman), Dharmavigyān, arthāt Paramēśvar yā Brahma kē adhyayan sē sambandhit hai. Yadyapi vividh vichār vidyamān hain, kyōnki ham Paramēśvar kī vaigayānik tarīkē sē jānch nahīn kar sakatē hain, aur kyōnki Paramēśvar dūwra hai, tattvavigyānōn mēn sabasē adhik buddhimān bhī andhērē mēn ēk tīr kō chalānē jaisī hai.

Dūrasth rahanē vālē divy Sṛṣṭikartā kē sāth juḍanē kī yah akṣamatā vyāpak rūp sē prāchīn sansār mēn jānī jātī thī. Prāchīn Yūnāniyōn nē is siddhānt yā kārak kā varṇan karanē kē liē śabd Lagōs kā upayōg kiyā thā, jisakē dvārā sansār kī rachanā huī thī, aur unakē lēkhanakāryōn nē Lagōs kī carchā kī. Sabd tark kī vyutpatti śabd Lagōs sē huī hai, aur isaliē vigyān kī sabhī śākhāēn (jaisē Dharmavigyān, Nanōvigyān, Jīv vigyān ādi) śabd vigyān kō Lagōs sē hī prāpt karatī huī pratyay kē rūp mēn jōḍatī  hain. Lagōs Brahm yā Brahmā kē tuly hai.

Ibrānī Vēdōn nē Ibriyōn (yā Yahūdiyōn) kē sāth Sṛṣṭikartā kē vyavahār kō Shrī Abrāham kē sāth ārambh karatē huē, jō unakē rāṣṭr kā janak thā, Shrī Nūsā, tak jinhōnnē das āgyāōn kō prāpta kiyā, varṇan kiyā hai. Unakē itihās mēn, hamārī hī tarah, Ibriyōn nē mahasūs kiyā ki Sṛṣṭikartā nē unhēn apanī dṛṣṭi sē dūr kar diyā thā, aur isaliē vē any dēvatāōn kī pūjā karanē kē liē taiyār hō gaē thē, jō unhēn sabasē nikaṭ aur adhik vyaktigat jān paḍatē thē. Isaliē Ibrānī Vēdōn nē aksar in any dēvatāōn sē alag karanē kē liē Sṛṣṭikartā kō Param Pradhāna Paramēśvar kahā hai. Hamanē is bāt kī parikalpanā kī hai ki Prajāpati sē lēkar Brahmā tak kī sōch mēn parivartit hōnē kī prakriyā īsā pūrv 700 mēn huē Isrāēliyōn kē nirvāsan kē kāraṇ pūrī huī, kyōnki isī Paramēśvar kō unakē mūlapuruṣ, Shrī Abrāham dvārā sūchit kiyā gayā thā, aur Abrāham sāth ke juḍaā hua Paramēśvar (A)Brahm ban gayā.

Chūnki ham Brahm kō apanī indriyōn sē nahīn dēkh sakatē hain, aur na hī apanī atmā kē svabhāv kī gaṇanā kar sakatē hain, na hī Brahm kō apanē man sē samajh sakatē hain, isaliē niśchit gyān prāpti kā kēval ēk hī mārg yah hai ki isē kēval Brahm hī ham par pragaṭ karē.

Susamāchār, Yīśu (Yīśu Satsang) kō Sṛṣṭikartā, yā Param Pradhān Paramēśvar, Brahm yā Lagōs kē dēhadhāraṇ kē rūp mēn prastut karatē hain. Vah samay kī sīmāōn kō pār karatē huē aur sanskṛtiyōn kē mādhyam sē jisē ham sabhī lōgōn dvārā mahasūs kiyā jātā hai, is sansār mēn āyā. Yūhannā kā Susamāchār Yīśu kā parichay kuch isa tarah sē dētā hai. Hahān ham śabd Vachan kō paḍhatē hain, jō ki mūl Yūnānī mūlapāṭh sē anuvādit kiyā huā śabd Lagōs hī hai. Vachan/Lagōs kā upayōg isaliē kiyā gayā thā tāki ham yah samajh sakēn ki yah kisī ēk jāti kē dēvatā par charchā nahīn kar rahā hai, parantu tatv siddhānt yā kārak kē ūpar jisasē sabhī kī utpatti huī hain. Aap śabd Brahm kō jahān kahīn bhī śabd Vachan āyā hai, usakē sthān par upayōg kar sakatē hain aur is mulpāṭh kā sandēś nahīn badalēgā.

1ādi mēn ‘Vachan’ thā, aur ‘Vachan’ Paramēśvar kē sāth thā, aur ‘Vachan’ Paramēśvar thā.

2yahī ādi mēn Paramēśvar kē sāth thā.

3sab kuch usī kē dvārā utpann huā, aur jō kuch utpann huā hai usamēn sē kōī bhī vastu usakē binā utpann nahīn huī.

4usamēn jīvan thā aur vah jīvan manuṣyōn kī jyōti thā.

5jyōti andhakār mēn chamakatī hai, aur andhakār nē usē grahaṇ na kiyā.

6ēk manuṣy Paramēśvar kī ōr sē ā upasthit huā jisakā nām yūhannā thā.

7vah gavāhī dēnē āyā ki jyōti kī gavāhī dē, tāki sab usakē dvārā viś‍vās lāēn.

8vah āap tō vah jyōti na thā, parantu us jyōti kī gavāhī dēnē kē liyē āyā thā.

9sac‍chī jyōti jō har ēk manuṣy kō prakāśit karatī hai, jagat mēn ānēvālī thī.

10vah jagat mēn thā, aur jagat usakē dvārā utpann huā, aur jagata nē usē nahīn pahichānā.

11vah apanē ghar āyā aur usakē apanōn nē usē grahaṇ nahīn kiyā.

12parantu jitanōn nē usē grahaṇa kiyā, usanē unhēn Paramēśvar kī santān hōnē kā adhikār diyā, arthāt unhēn jō usakē nām par viś‍vās rakhatē hain.

13vē na tō lahū sē, na śarīr kī icchā sē, na manuṣy kī icchā sē, parantu Paramēśvar sē utpann huē hain.

14aur ‘Vachan’ dēhadhārī huā; aur anugrah aur sac‍chāī sē paripūrṇ hōkar hamārē bīch mēn ḍērā kiyā, aur ham nē usakī aisī mahimā dēkhī, jaisī Pitā kē ēkalautē kī mahimā.

15Yūhannā nē usakē viṣay mēn gavāhī dī, aur pukārakar kahā, “yah vahī hai, jisakā main nē varṇana kiyā ki jō mērē bād ā rahā hai, vah mujh sē baḍhakar hai kyōnki vah mujh sē pahalē thā.”

16kyōnki usakī paripūrṇatā mēn sē ham sab nē prāp‍t kiyā arthāt anugrah par anugrah.

17isaliyē ki vyavasthā tō Mūsā kē dvārā dī gaī, parantu anugrah aur sac‍chāī Yīśu Masīh kē dvārā pahunchī.

18Paramēśvar kō kisī nē kabhī nahīn dēkhā, ēkalautā Putr jō Pitā kī gōd mēn hai, usī nē usē pragaṭa kiyā.

Yūhannā 1:1-18

Susamāchār Yīśu kē ēk pūrē vṛtānt kō chitrit karanē kē liē āgē baḍhatē hain, tāki ham samajh sakēn ki vah kaun hai, usakē ānē kā uddēśy kyā hai aur hamārē liē isakā kyā artha hai. (‘Yyūhannā’ kō yahān samajhāyā gayā hai). Chūnki Susamāchār Yīśu kō Paramēśvar kē Lagōs kē rūp mēn prastut karatā hai, isaliē ham jānatē hain ki yah kēval masīhiyōn kē liē nahīn likhā gayā hai, apitu un sabhī kē liē ēk sārvabhaumik lēkhanakāry hai jō Paramēśvar, yā Brahm kō adhik mūrt rūp mēn samajhanā chāhatē hain aur svayan kō bhī adhik spaṣṭatā kē sāth samajhanā chāhatē hain. Chūnki śabd Lagōs  Dharmavigyān aur Manōvigyān mēn antarnihit hai aur chūnki ‘kisī nē kabhī bhī Eśvar kō nahīn dēkhā hai’, isaliē hamāre liye Atmā (ātman) aur Paramēśvar (Brahm) kō samajhanē kā isasē acchā tarīkā aur kyā hō sakatā hai ki Yīśu nām kē vyakti kē ūpar vichār kiyā jāē? Vah hamārē bīch mēn rahā, aur chalā-phirā aur usanē pramāṇit hōnē vālē itihās mēn śikṣā dī. Ham usakē janm sē ārambh karatē hain, is ghaṭanā kō susamāchārōn mēn ‘Vachan dēhadhārī huā’ kē dvārā varṇit kiyā gayā hai.

Leave a Reply

Your email address will not be published. Required fields are marked *