Banāras sāat pavitr śaharōn (Sapt purī) mēn sabasē pavitr śahar hai. Yahān par tīrth-yātrā kē liē prativarṣ Das Lākh sē adhik tīrthyātrī ātē hain, isakā kāraṇ isakā aisē sthāan par basā huā hōnā hai, (jahān Varuṇā aur Assī nadiyān gangā mēn ākar mil jātī hain), aur paurāṇik kathāōn aur itihāas mēn isakī pramukhatā pāī jātī hai. Banāras, Vārāṇasī, Avimuktā yā Kāśī (“Rōśaniyōn kā śahar”) kē rūp mēn bhī jānā jātā hai, Banāras vah sthāan thā jahān Shiv kō pāpōn kē liē kṣamā milī.
Kāśīkhaṇḍ (pramukh tīrth sthalōn kē liē ‘yātrā mārgadarśikā’ purāaṇ) kē anusāar, Shiv nē, Bhairav kē rūp mēn, Brahmā kē sāth ēk tīkhī bahas mēn, Brahmā kē sir kō usakē śarīr sē kāṭatē huē alag kar diyā thā. Unakē is gaṃbhīr aparādh kē kāraṇ, kaṭā huā sir unakē hāth sē chipak gayā – dōṣ unakē pāas sē dūr nahī hō rahā thā. Shiv/Bhairav nē svayaṃ kō aparādhabōdh (aur chipakē huē sir) sē chuṭakārā pānē kē liē kaī sthānō kī yātrā kī, parantu jab vah Banāras āē tab hī kaṭā huā sir unakē hāth sē alag hō kar gir giyā. Isaliē, Shiv nē any sabhī tīrthōn sē adhik Banāras kō pasand kiyā aur āaj Banāras mēn unakē liē kaī tīrth aur Shivaling pāē jātē hain.
Banāras: Mṛtakōn kā pavitr śahar
kāal Bhairav Shiv kē bhayānak guṇō kā prakaṭīkaraṇ hai, aur Sanskṛt śabd : kāal kā arth ‘mṛtyu’ yā ‘kāal’ hō sakatā hai. Yah Bhairav kō Banāras mēn mṛtakōn kā sanrakṣak banātā hai. Yam, mṛtyu kā ēk aur dēvatā Vārāṇasī mēn pravēś karanē mēn asamarth hai. Is prakāar Bhairav ātmāōn kō danḍ dēnē aur unhēn ikaṭṭhā karanē kī bhūmikā kō pūrā karatā hai. Aisā kahā jātā hai ki Vārāṇasī mēn maranē vālōn kā sāmanā Bhairav (Bhairavī Yātanā) sē hōgā.
Is tarah maranē aur antim sanskāar kē liē Banāras ēk śubh sthāan hai, kyōnki mṛtyu kā viṣay vahān atyādhik dṛḍhatā sē pāyā jātā hai, aur mṛtyu aur sansāar sē mukti kī āśā baḍhjātī hai. Kaī lōg Vārāṇasī mēn ākar apanī śīghr ānē vālī mṛtyu kī pratikṣā, dharmaśālā mēn ṭhaharatē huē karatē hain. Is arth mēn, Vārāṇasī jīvan kī tīrthyātrā kā antim gantavy sthāan hai. Banāras mēn dō pramukh śmaśāan ghāaṭ pāē jātē hain, Maṇikarṇikā aura Hariśchandr. Maṇikarṇikā in dōnō mēn sē adhik lōkapriy hai, jisē mṛtyu kē pavitr sthāan kē rūp mēn jānā jātā hai, yah nadī kē ghāaṭ par banā huā hai, jahān dāah sanskāar kē liē āag nirantar jalatī rahatī hai. Kisī bhī din Banāras kē ghāṭōn sē 30000 tak śraddhālu Gangā mēn snāan kar sakatē hain.
Is anusāar, lōg pūrē Bhārat sē Banāras mēn maranē kē liē ātē hain tāki unakī mṛtyu kē samay unhēn nirdēś diyā jāē ki vē punarjanm kē chakr kō kaisē tōḍaēn aur is prakāar mōkṣ kō prāpt karēn. Sankṣēp mēn kahanā, Banāras mṛtakōn kā śahar hai. Parantu is tarah kā ēk aur śahar hai aur yah utanā hī pavitr hai, jitanā ki prāchīn …
Yarūśalēm: Mṛtakōn kā pavitr śahar
Yarūśalēm ēk aur pavitr śahar hai, jisakē bārē mēn jānanā yōgy bātēn pāī jātī hain. Vahān par kabr banavānā śubh mānā jātā hai kyōnki aisā mānā jātā hai ki jō lōg vahān par gāḍaē jātē hain, vē mṛtyu sē phir sē jīvit hō jāēngē, vē us bandhan sē chuṭakārā pāēngē jō mṛtyu kē dvārā unakē ūpara hai. Pariṇāmasvarūp, sahasrābdī sē, Yahūdiyōn nē is ānē vālī svatantratā kī pratīkṣā karatē huē vahīn par gāḍaē jānē arthāt daphan hōnē kī māng kī hai.
Yah vahī pavitr śahar hai, jahān par Yīśu āyā thā, us din kō ab Khajūrī Etavāar kahā jātā hai. Jis tarah sē vah isamēn āyā, aur usakē āgaman kē samay nē usē ēk Jīvan-muktā (jīvit rahatē huē bhī mṛtyu sē mukti) dikhāyā. Parantu vah na kēval svayaṃ kē liē Jīvan-muktā thā, apitu vah āpakē aur mērē liē bhī Jīvan-muktā hōnē kā prastāav dētā hai. Ham śikṣā pātē hain ki usanē aisā kaisē kiyā thā jab vah Lājar kō jīvit karanē kē bāad pavitr śahar mēn āyā. Susamāchār batātā hai ki:
Yīśu Yarūśalēm mēn Rājā kē rūp mēn ātā hai
12 Dūsarē din bahut sē lōgōn nē jō parv mēn āē thē yah sunā ki Yīśu Yarūśalēm mēn ā rahā hai.
13 Isaliyē unhōnē khajūr kī ḍāliyāan līn aur usasē bhēnṭ karanē kō nikalē, aur pukāranē lagē, “Hōśānā! dhany Isrāēl kā Rājā, jō prabhu kē nāam sē ātā hai.”
14 Jab Yīśu kō gadahē kā ēk bacchā milā; tō vah us par baiṭh gayā, jaisā likhā hai,
15 “Hē Siyyōn kī bēṭī ,mat ḍar; dēkh, tērā Rājā gadahē kē bacchē par chaḍhaā huā chalā ātā hai.”
16 Usakē chēlē yē bātēn pahalē na samajhē thē, parantu jab Yīśu kī mahimā pragaṭ huī tō unakō smaraṇ āyā ki yē bātēn usakē viṣay mēn likhī huī thīn aur lōgōn nē usasē isī prakāar kā vyavahāar kiyā thā.
17 Tab bhīḍkē un lōgōn nē gavāhī dī, jō us samay usakē sāth thē jab usanē Lājar kō kabr mēn sē bulākar marē huōn mēn sē jilāyā thā.
18 Isī kāraṇ lōg usasē bhēnṭ karanē kō āē thē kyōnki unhōnē sunā thā ki usanē yah āścharyakarm dikhāyā hai.
19 Tab Pharīsiyōn nē āpas mēn kahā, “sōchō tō sahī ki tum sē kuch nahī ban paḍatā. Dēkhō, sansāar usakē pīchē hō chalā hai.”
Yūhannā 12:12-19
Isē pūrī tarah sē jānanē kē liē ki hamēn yah samajhanē kī āvaśyakatā hai ki Ibrānī Vēdōn nē prāchīn Ibrānī Rājāōn kē rīti-rivājōn kē bārē mēn kyā bhaviṣyadvāṇī kī thīn.
Dāūd kē dvārā ‘Aśvamēdh’ yagñ kā anuṣṭhāan
Pūrvaj Rājā Dāūd (1000 īsā pūrva) kē sāth ārambh karatē huē, Ibrānī Rājā prativarṣ apanē śāhī ghōḍaē kō pavitr śahar Yarūśalēm mēn julūs kā nētṛtv karanē kē liē lē jātē thē. Yadyapi prāchīn vaidik Aśvamēdh/Aśvamēdh yagñ kē ghōḍaē kē balidāan kā rūp aur prakriyā ēk dūsarē sē bhinna thī, parantu inakā uddēśy ēka hī thā – apanī prajā aur any śāsakōn kē liē apanī śāhī saṃprabhutā pramāṇit karanā.
Jakaryāah dvārā ēk ‘bhinn’ tarah kē pravēś kī bhaviṣyadvāṇī kī gaī hai
Jakaryāah, jisanē ānē vālē Rājā kē nāam kī bhaviṣyadvāṇī kī thī, nē yah bhī bhaviṣyadvāṇī kī thī ki yah ānē vālā Rājā Yarūśalēm mēn pravēś karēgā, parantu śāhī ghōḍaē kē sthāan par gadhē par savāar hōkar. Vibhinn Ibrānī Rṣiyōn nē isa atyadhik asāmāny ghaṭanā kē vibhinn pahaluōn kā pūrvābhāas kar liyā thā.
Jakaryāah kī bhaviṣyadvāṇī kā ēk bhāag jisē ūpar susamāchāar mēn uddhṛt kiyā gayā hai, kō rēkhānkit kiyā gayā hai. Jakaryāah kī pūrī bhaviṣyadvāṇī yah thī:
Siyyōn kē Rājā kā āgaman
9 Hē Siyyōn bahut hī magan hō! Hē Yarūśalēm, jayajayakāar kara! Kyōnki tērā Rājā tērē pāas āēgā; vah dharmī aur uddhāar pāyā huā hai, vah dīn hai, aur gadahē par varan gadahī kē bacchē par chaḍhaā huā āēgā.
10 Main Epraim kē rath aur Yarūśalēm kē ghōḍaē naṣṭ karūngā; aur yuddh kē dhanuṣa tōḍḍālē jāēngē, aur vah jāti-jāti sē śānti kī bātēn kahēgā; vah samudr sē samudr tak aur mahānad sē pṛthvī kē dūr dūr kē dēśōn tak prabhutā karēgā.
11 Tū bhī sun, kyōnki mērī vāchā kē lahū kē kāraṇ, main nē tērē bandiyōn kō binā jal kē gaḍahē mēn sē ubāar liyā hai.
Jakaryāah 9:9-11
Jakaryāah nē ēk aisē Rājā kī bhaviṣyadvāṇī kī jō any Rājāōn sē bhinn hōgā. Vah ‘rathōn’, ‘yuddh kē ghōḍaōn’ aur ‘yuddh kē dhanuṣ’ kā upayōg karakē Rājā nahīn banēgā. Vāstav mēn yah Rājā in hathiyārōn kō haṭā dēgā aur isakē sthāan par ‘jātiyōn mēn śānti kī ghōṣaṇā karēgā’. Yadyapi, is Rājā kō abhī bhī ēk śatru kō harānā hōgā – sabasē baḍaē śatru kō.
Yah tab aur bhī adhik spaṣṭ hō jātā hai jab ham samajhatē hain ki is Rājā kō kyā sāmanā karanā thā. Sāmāny rūp sē, ēk Rājā kā śatru ēk virōdhī rāṣṭr sē, yā ēk any sēnā sē hōtā hai, yā usakē lōgōn kī ōr sē yā un lōgōn kī ōr sē usē vidrōh mēn sāmanā karanā paḍatā hai, jō usakē virūddh hōtē hain. Parantu bhaviṣyadvaktā Jakaryāah nē likhā hai ki ēk ‘gadhē’ par pragaṭ kiyā gayā Rājā ‘bandiyōn kō binā jal kē gaḍahē mēn sē ubāar lēgā.’ (pad 11). Kabr yā mṛtyu kā vivaraṇ dēnē kē liē śabd ‘gaḍahā’ ēk Ibrānī tarīkā thā. Aanē vālā yah Rājā un lōgōn kō mukt karanē jā rahā thā jō kaidī thē, tānāśāah, bhraṣṭ rājanētā, duṣṭ Rājā yā bandīgṛhōn mēn phansē huē lōg nahīn thē, apitu jō mṛtyu kē ‘kaidī’ thē.
Jab lōgōn kō mṛtyu sē bachānē kī bāat hō rahī hai tō hamārā arth yah hai ki ēk vyakti kō bachānē kē liē usakī mṛtyu mēn dērī karanā. Udāharaṇ kē liē, ham ḍūbatē huē vyakti kō bachā sakatē hain yā ēk vyakti kō jāan bachānē vālī davā dē sakatē hain. Yah kēval mṛtyu kō sthagit karatā hai kyōnki ‘bachāyā’ huā vyakti bāad mēn mar jāēgā. Parantu Jakaryāah lōgōn kō ‘mṛtyu sē bachānē’ kē bārē mēn bhaviṣyadvāṇī nahīn kar rahā thā, apitu un lōgōn kō bachānē kē bārē mēn bāat kar rahā thā jō mṛtyu dvārā kaid kiē huē hain – jō pahalē sē hī mṛt hain. Gadhē par savāar hōkar ānē vālā Rājā, jisakī Jakaryāah dvārā bhaviṣyadvāṇī kī gaī thī, apanē kaidiyōn kō mukt karanē kē liē – svayaṃ mṛtyu kā sāmanā karēgā.
Khajūrī Etavāar kē din Yīśu nē bhaviṣdvāṇī kō pūrā kiyā
Yīśu nē us din Yarūśalēm mēn pravēś karatē huē Ibrānī śāhī ‘Aśvamēdh’ yagñ kē julūs kā vilay Jakaryāah kī bhaviṣyadvāṇī kē sātha kiyā, yah din ab Khajūrī Etavāar kahalātā hai. Yuddh kē ghōḍaē kē sthāan par vah gadhē par savāar thā. Lōgōn nē Yīśu kē liē apanī pavitr Gītā (Bhajan Sanhitā) sē vahī gīt gāyā jisē unhōnē Dāūd kē liē gāyā thā:
25 Hē Yahōvā, vinatī sun, uddhāar kar! Hē Yahōvā, vinatī sun, saphalatā dē!
26 Dhany hai vah jō Yahōvā kē nāam sē ātā hai! Ham nē tum kō Yahōvā kē ghar sē āśīrvād diyā hai.
27 Yahōvā Paramēśvar hai, aur usanē ham kō prakāś diyā hai. Yagñpaśu kō vēdī kē sīngōṃ sē rassiyōn sē bāndhō!
Bhajan Sanhitā 118:25-27
Lōgōn nē is prāchīn gīt kō usakē liē gāyā kyōnki vē jānatē thē ki Yīśu nē Lājar kō jīvit kiyā thā, aur unhōnē usakē Yarūśalēm mēn ānē kī āśā kī thī. Unhōnē ‘Hōsannā’ kā śabd chillāyā jisakā arth, ‘bachā’ hai, ṭhīk usī tarah jaisē ki Bhajan 118:25 mēn bahut pahalē sē hī likh diyā gayā thā. Yīśu unhēn kis sē ‘bachānē’ vālā thā? Bhaviṣyadvaktā Jakaryāah nē hamēn pahalē hī batā diyā hai – mṛtyu sē. Yah kitanā adhik sahī pratīt hōtā hai ki Yīśu nē mṛtakōn kē pavitr śahar mēn pravēś karakē svayaṃ kō Rājā ghōṣit kiyā thā.
Yīśu duḥkh sē rōtā hai
Khajūrī Etavāar kē din jab Yīśu nē Yarūśalēm mēn pravēś kiyā (jisē vijayī pravēś kē rūp mēn bhī jānā jātā hai) dhārmik aguvōn nē usakā virōdh kiyā. Susamāchāar unakē dvārā kiē gaē virōdh mēn Yīśu kī pratikriyā kō lipibaddh karatā hai.
41 Jab vah nikaṭ āyā tō nagar kō dēkhakar us par rōyā
42 Aur kahā, “kyā hī bhalā hōtā ki tū, hāan, tū hī, isī din mēn kuśal kī bātēn jānatā, parantu ab vē tērī ānkhōn sē chip gaī hain.
43 Kyōnki vē din tujh par āēngē ki tērē bairī mōrchā bāndhakar tujhē ghēr lēngē, aur chārōn ōr sē tujhē dabāēngē;
44 Aur tujhē aur tērē bālakōn kō jō tujh mēn hain, miṭṭī mēn milāēngē, aur tujh mēn patthar par patthar bhī na chōḍaēngē; kyōnki tūnē us avasar kō jab tujh par kṛpā dṛṣṭi kī gaī na pahichānā.”
Lūkā 19:41-44
Yīśu nē kahā ki aguvōn kō ‘is din’ ‘Paramēśvar kē āgaman kē samay kō pahachānanā’ chāhiē thā.
Yīśu kē kahanē kā kyā arth thā? Unhēn kyā samajh nahīn āyā thā?
Unhōnē unakē Vēdōn mēn 537 varṣōn pahalē Dāniyyēl dvārā ‘sattar’ saptāhōn kī bhaviṣyadvāṇī vālī pahēlī kō bhulā diyā thā. Sattar saptāhōn kē is pūrvakathan mēn Rājā kē is din āgaman kī bhaviṣyadvāṇī kō pānch sau varṣōn sāal pahalē kiyā gayā thā.
Khajūrī Etavāar ēka śubh din thā kyōnki Jakaryāah kī bhaviṣyadvāṇiyōn (mṛtyu kō parājit karanē kē liē gadhē par savāar hōkar ānē kē bārē mēn) aur Dāniyyēl kī bhaviṣyadvāṇiyōn kō usī din aur usī śahar – mṛtakōn kē śahar Yarūśalēm mēn sanyukt kar diyā gayā thā.
Jātiyōn mēn hamārē liē
Banāras apanē śubh sthāan kē kāraṇ mṛtakōn kē liē tīrth yātrā vālā pavitr śahar hai. Tīrth yātriyōn kē ūpar āśīṣ us samay ātī hai, jab vē ṭhīk usī sthāan par ā jātē hain, jisakē viṣay mēn ūpar Bhairav kī kahānī mēn batāyā gayā hai. Yahī kāraṇ hai ki isakā dūsarā nāam Kāśī, arthāt Rōśaniyōn kā śahar hai.
Apanē jīvan muktā kē rūp mēn Yīśu kē sāth rahanā ēk bhinn bāat hai kyōnki Yarūśalēm mēn usakī mṛtyu kē bāad usakī jīt, usakē anusāar, Yarūśalēm sē sabhī any jātiyōn tak phailatī chalī jāēgā.
kyōn?
Kyōnki usanē svayaṃ kō ‘jagat kī jyōti’ kē rūp mēn ghōṣit kiyā thā, jisakī jīt Yarūśalēm sē sabhī jātiyōn mēn jāēgī – chāhē main aur āap kahīn bhī kyōn na rahēn. Hamēn Yīśu kī jīt sē āśīṣit hōnē kē liē Yarūśalēm kē liē tīrth yātrā par nahīn jānā hōgā. Ham dēkhēṃgē ki kaisē us saptāah kī ghaṭanāōn mēn mṛtyu kē sāth usakā yuddh hōtā hai.