Abrāham kī āśīś ke dvāra: Gyānoday ke lie uddhār kī yojana

Hamane hamāre pichale lekhamen yah dekha ki manuśy ne Srśtikarta Prajāpati kī ārādhana ko Tāron aur Grahon kī ārādhana karate hue dūśit kar diya tha. Is kāran Prajāpati ne Manu/Nūh ke tīn putron (Jo jal pralay se bach gae the) ke vanśajon ko unakī bhāśaon ke dvāra alag karate hue pūrī Prthvī mein bikhara diya tha. Isaliye hī āj bahut sī jātiyān bhāśa ke kāran ek dūsare se bhinn hain. Manuśy ke bīte hue itihās kī gūnj ko 7 dinon ke Panchāgon mein dekha ja sakata hai jise āj pūre Sansār mein aur us bade Jal-Pralay kī smrti ko bhinn rūpon mein smaran rakhane ke lie upayog kiya jāta hai.

Prajāpati ne itihās ke ārambh mein hī pratigya kar dī thī ki ek siddh vyakti ke balidān ke dvāra Vidvān log Amaratv ko prāpt karenge. Yah balidān ek pūrnata ke rūp mein kāry karega jo hamen mātr hamāre bāharī taur se śuddh karane kī apekśa āntarik rūp se śuddh karega. Tathāpi, Srśtikarta kī dūśit ho gaī ārādhana ke sāth, bikharī huī ye naī sthāpit jātiyān is ārambhik pratigya ko bhūl gaīn. Ise keval āj ke samay kuch hī sroton ke mādhyam se smaran kiya jāta hai jisamen prāchīn Rg Ved aur Ved Pustak – Baibal sammilit hai.

Is tarah se Prajāpati ne ek yojana ko banāya. Yah yojana kuch aisī nahin thī jisakī main aur āp yah apekśa karate kyonki yah (hamen) bahut hī chotī aur vastuon ko parivartit karane ke lie amahatvapūrn jān pad sakatī hai. Parantu yahī vah yojana thī jisaka usane chunāv kiya. Is yojana mein lagabhag 2000 Isa Pūrv (arthāt 4000 varśon pahale) ek vyakti kī bulāhat aur usaka parivār aur usako aur usake vanśajon ko āśīś dene kī pratigya yadi vah us āśīś ko prāpt karana chunata hai, sammilit hai. Yahān nīche batāya gaya hai ki kaise Baibal is virtānt ka varnan karatī hai.

Abrāham ko dī huī pratigya

Yahova Parameśvar ne Abrām se kaha, “Apane deś, aur apane kutumbiyon, aur apane pita ke ghar ko chodakar us deś mein chala ja jo main tujhe dikhaūnga.

“Main tujhase ek badī jāti banaūnga, aur tujhe āśīś dūnga, aur tera nām bada karūnga, aur tū āśīś ka mūl hoga. Aur jo tujhe āśīrvād den, unhen main āśīś dūnga; aur jo tujhe kose, use main śāp dūnga; bhūmandal ke sāre kul tere dvāra āśīś paenge.”

4 Aur Yahova Parameśvar ke is vachan ke anusār Abrām chala; Lūt bhī usake sang chala; aur jab Abrām hārān deś se nikala us samay vah pachahattar varś ka tha. 5 Is prakār Abrām apanī patnī Sārai, aur apane bhatīje Lūt ko, aur jo dhan unhonne ikattha kiya tha, aur jo prānī unhonne Hārān mein prāpt kie the, sabako lekar kanān deś mein

jāne ko nikal chala; aur ve kanān deś mein ā gae hain…7 Tab Yahova Parameśvar ne Abrām ko darśan dekar kaha, “Yah deś main tere vanś ko dūnga.” Aur usane vahān Yahova Parameśvar ke liye jisane use darśan diya tha, ek Vedī banaī.

Ham mein bahut se log āj ulajhan mein rahate hain ki kya koī aisa vyaktigat Parameśvar hai jo hamārī itanī chinta karata hai ki sīdhe hī hamāre pareśān jīvanon mein āśa dene ke lie hastakśep karata ho. Is virtānt ke mādhyam se ham is vichār kī jānch kar sakate hain kyonki isamen ek vyaktigat pratigya ek viśeś vyakti ke sāth bāndhī gaī hai, jisake bhāgon ko ham satyāpit kar sakate hain. Yah virtānt varnit karata hai ki Yahova Parameśvar ne sīdhe hī Abrāham ke sāth pratigya kī ki, ‘main tere nām ko mahān karūnga.’ Ham 21vīn sadī mein – 4000 varśon ke paśchāt rahate hain – aur Abrām/Abrāham ka nām viśvavyāpī rūp se itihās ke nāmon mein sabase adhik pahachān rakhata hai. Yah pratigya śābdik, aitihāsik aur satyāpit rūp se saty pramānit huī hai.

Baibal kī sabase prāchīn vidyamān prati Mrtak Sāgar ke kundal patr hain jo 200-100 Isa Pūrv mein likhī gaī thīn. Jisaka arth hai ki is pratigya ko likhit svarūp, lekhanakāl ke sabase ārambhik samay mein hī de diya gaya tha. Parantu yahān tak ki 200 Isa Pūrv bhī Abrāham nāmak vyakti aur usaka nām keval alpasankhyak samūh Yahūdī ko chodakar bahut adhik-prasiddh nahin tha. Isalie ham yah puśti kar sakate hain ki usakī pūrnata keval tab āī jab ise navīnatam samayon mein likha gaya. Ek pratigya kī “pūrnata” ke ghatit hone ke paśchāt ise likha jāna is ghatana mein nahin hua hai.

…usakī mahān jāti ke kāranon se

Jo bāt samān rūp se āścaryachakit karatī hai vah yah hai ki Abrāham ne vāstav mein koī ullekhanīy kāry apane jīvan mein kabhī nahin kiya tha – aisa koī kāry jo sāmānyataya ek vyakti ko ‘mahān’ banāta ho. Usane aisa kuch asādhāran lekhanakāry nahin likha (jaise Vyās ne Mahābhārat ko likh kar kiya hai), usane koī dhyān dene vāle bhavan ka nirmān bhī nahin kiya (jaise Sāhanjahān ne Tāj Mahal ko nirmit karake kiya hai), usane kisī aisī prabhāvaśālī sainy kauśal se pūrn sena ka netrtv bhī nahin kiya (jaisa Arjun ne Bhagavad Gīta mein kiya hai), na hī usane rājanaitik rūp se koī netrtv pradān kiya hai (jaise Mahātma Gāndhī ne kiya hai). Usane to yahān tak ek rāja ke rūp mein kisī rājy ka śāsan bhī nahin kiya hai. Usane vāstav mein jangal mein tambū gādane aur prārthana karane ko chodakar aur tab ek putr ko janm dene ke sivāy aur kuch nahin kiya hai.

Yadi āp usake dinon mein hote hue yah bhaviśyadvānī karate ki kaun haājron varśon ke paśchāt sabase adhik smaran kiya jaega, to āp us samay ke rājaon, senāpatiyon, yoddhaon, ya darabār ke kaviyon ke ūpar śart laga sakate the ki yahī itihās ko mahān banaenge. Parantu un sabhī ke nāmon ko bhūla diya gaya hai – parantu ek vyakti jo badī kathinaī se jangal mein apane parivār ka pālan pośan karane kī kośiś karata raha ko pūre sansār mein smaran kiya jāta hai. Usaka nām isalie mahān hai kyonki ve jātiyān jo usamen se nikal kar āīn ne usake virtānt ko smaran rakha hai – aur tab log aur jātiyān jo usamen se nikal āīn mahān ban gaīn. Yahī akśaranś vaise hī hai jaise bahut pahale pratigya kī gaī thī (“Main tujh mein ek badī jāti banaūnga…Main tera nām mahān karūnga”). Main sochata hūn ki koī bhī abhī tak ke itihās mein itana adhik prasiddh nahin hua hai keval isalie ki usake vanśaj ke log usamen se nikal kar āe hain isakī apekśa kī usane apane jīvan mein bade bade kāryon ko prāpt kiya hai.

…pratigya-karane vāle kī iccha ke mādhyam se

Aur āj jo log Abrāham ke vanś ke hain – Yahūdī – kabhī vāstav mein ek jāti ke rūp mein nahin the jise ham viśeś rūp se badī mahānata ke sāth sambaddh karate hain. Unhonne kabhī bhī Misr ke Pirāmidon – aur niśchit rūp se Tāj Mahal kī tarah badī badī mahān vāstuśilp nirmānon ko nahin kiya, na hī unhonne Yūnāniyon kī tarah Darśan Sāstron ko likha, ya Britiś logon kī tarah dūrasth kśetron ke praśāsan ka bhī prabandh nahin kiya. In sabhī jātiyon ne yah sabhī kāry svayan ko viśv-śakti ke sāmrājyon ke sandarbh mein sthāpit karate hue kie jisane unakī sīmaon ko vyāpak asādhāran sainy-śakti ke kāran bahut dūr tak vistārit kar diya tha – aisa kabhī bhī yahūdiyon ne nahin kiya. Yahūdī logon kī mahānata adhikattar Vyavastha aur Dharm Pustak (Ved Pustak ya Baibal ) ke kāran hain, jise unhonne kuch ullekhanīy logon ke dvāra janm diya; jo unakī jāti mein se nikal kar āe the; aur yah ki ve in haājron varśon mein ek bhinn aur kuch sīma tak viśeś logon ke samūh ke rūp mein bane rahe. Unakī mahānata isalie nahin ki unhonne vāstav mein kuch viśeś kiya hai, apitu isakī apekśa jo kuch unake sāth kiya gaya aur jo kuch unake mādhyam se kiya gaya tha.

Ab āie us kāran ko dekhen jo is pratigya ko āge le kar chalata hai. Vahān par, pūrnatah spaśt rīti se, yah nirantar kahata hai ki, “Main karūnga…” Vah viśeś tarīka jisamen unakī mahānata itihās mein kāry karatī hai ek bār phir se is udaghośana ka aisa ullekhanīy tarīka hai ki yah Srśtikarta hai jo ise pūrn karega na ki is mahān jāti kī kuch antarnihit yogyataen, vijay ya sāmarthy. Dhyān yogy bāt yah hai ki āj ke sansār mein sanchār mādhyam apane bahut adhik dhyān ko Israel , ādhunik Yahūdī jāti kī ghatanaon ke ūpar deta hai. Kya āp nirantar Hangarī, Nārve, Pāpua Nyū Ginī, Bolīviya ya Madhy Aphrīkī Ganarājy jaise deśon ke samāchāron ko sunate hain -jo ki sabhī sansār mein ek hī ākār ke deś hain? Parantu Israel, ek 60 lākh logon ko chota sa deś, nirantar aur niyamit rūp se samāchār mein bana rahata hai.

Itihās mein ya mānavīy ghatanaon mein aisa kuch bhī antarnihit nahin hai jo is prāchīn pratigya ko thīk vaise hī khol kar rakhane ka kāran bane jaisa ki ise is prāchīn vyakti ke sāth ghośit kiya gaya tha, kyonki usane is pratigya mein viśvās karate hue viśeś path par chalane ko chuna tha. Un sambhāvanaon ko soche jisamen yah pratigya kuch tarīkon se asaphal ho sakatī thī. Parantu isakī apekśa yah khulatī chalī gaī aur nirantar khulatī chalī ja rahī hai, māno ki ise un haājron varśon pahale udaghośit kiya gaya tha. Vāstav mein yah viśay bahut hī majabūt hai kyonki yah pūrn rūp se pratigya-karane vāle kī sāmarthy aur adhikār ke ūpar ādhārit hai ki jisase yah pūrn hua hai.

Vah path jo abhī bhī sansār ko hilāta hai

This map shows the route of Abraham's Journey
Yah nakśa Abrāham kī yātra ke mārg ko darśāta hai

Baibal varnit karatī hai, “Yahova ke vachan ke anusār Abrām chala” (vachan 4). Usane ek mārg ko chun liya, jise nakśe mein darśāya gaya hai jo abhī bhī itihās ko bana raha hai.

Hamāre lie āśīś

Parantu yah yahīn samāpt nahin ho jāta hai kyonki is pratigya ke sāth aur bhī kuch diya hua hai. Aśīś keval Abrāham hī ke lie nahin dī gaī thī kyonki isamen yah bhī kaha gaya hai

“Aur bhūmandal ke sāre kul tere dvāra āśīś paenge” (vachan 4).

Is par mujhe aur āpako dhyān dena chāhie. Chāhe ham Arya, Dravid, Tamil, Nepālī ya kisī bhī jāti ke kyon na hon; chāhe hamārī jāti koī bhī kyon na ho; chāhe hamāra dharm koī bhī kyon na ho, arthāt chāhe Hindū, Muslim, Jain, Sikh ya Isaī; chāhe ham amīr ya garīb, bīmār ya svasth, padhe likhe ya anapadh hī kyon na hon – ‘bhūmandal ke sāre kul’ isamen āp ko aur sāth hī mujhe bhī sammilit kiya jāna cāhie. Is pratigya ka kāryakśetr tab se lekar ab āj tak din tak pratyek jīvit vyakti ko āśīś ke lie sammilit kiya jāna hai – isaka arth hai āp bhī isamen sammilit hain? Kab? Kis tarah kī āśiś? Ise yahān par spaśt rūp se nahin kaha gaya hai parantu yah kuch aisī bāton ko janm deta hai jo āpake sāth mujhe bhī prabhāvit karata hai.

Hamane abhī abhī aitihāsik aur śābdik rūp se yah puśti kī hai ki Abrāham ko dī huī pratigya ka pratham bhāg saty gaya hai ho. Tab hamāre pās kya ek accha kāran nahin hai ki ham pratigya ke us bhāg ke ūpar usake saty hone ke lie bhī viśvās karen jo āpake aur mere lie diya gaya hai? Kyonki yah pratigya saty rūp se viśvavyāpī aur aparivartanaśīl hai. Parantu hamen is pratigya ke saty ko samajhane ke lie – ise kholane kī āvaśyakata hai. Hamen gyānoday kī āvaśyakata hai tāki ham yah samajh saken ki kaise yah pratigya hamen “chū” sakatī hai. Aur ham is gyān ko Abrāham kī yātra ka anusaran karate hue pāte hain. Mokś vah kunjī hai, jisakī prāpti ke ūpar bahut se log bahut adhik kathin mehanat karate hue kāry kar rahe hain, ham par prakāśit kiya gaya hai jab ham nirantar is vilakśan vyakti ke virtānt ka anusaran karate hain.

Sanskrt aur Ibrānī Vedon ka sammilan: kyon?

Merī pichalī post arthāt lekh mein mainne Sanskrt Vedon mein Manu  ke vrtānt aur Ibrānī  Vedon mein Nūh  ke vrtānt ke madhy mein kaī samānataon ko dekha tha. Aur yah sammilan jal pralay ke vrtānt se bahut āge kī or chala jāta hai. Jaisa ki hamane dekha tha, Utpatti  nāmak Ibrānī  pustak mein die hue pratigyāt vanś aur samay ke uday hone ke sāth hī Purūśa kī pratigya ke madhy mein ek jaisa hī sammilan pāya jāta hai. Is tarah se ham kaise in sammilanon ko dekhate hain? Kya yah koī sanyog ke kāran hai? Kya koī vrtānt kisī any ke vrtānt ka upayog kar raha hai ya dūsare kī sāmagrī ko chorī kar ke likh raha hai? Yahān par main ek sujhāv ko prastut karata hūn.

Bābul ka gummat – jal pralay ke paśchāt ka vrtānt

Nūh ke vrtānt ke paśchāt, Ved Pustak  (Baibal) usake tīnon putron ke vanśajon ka ullekh karata chala jāta hai aur yah kahata hai ki, “Jal pralay ke paśchāt  Prthvī  bhar kī jātiyān inhīn mein se hokar bat gaīn.” (Utpatti 10:32). Sanskrt ke Ved sāth hī yah bhī ghośana karate hain ki Manu ke tīn putr the jinase sārī mānavajāti utpann huī. Parantu kaise Prthvī  par “phailane ka” yah kāry pragat hua?

Prāchīn Ibrānī  vrtānt Nūh ke in tīn putron ke vanśajon ke nām aur sūchī ka vivaran deta hai. Aap ise yahān par sampūrn sūchī ko padh sakate hain. Tab yah vrtānt yah vivaran dete chala jāta hai ki kaise in santānon ne Ilohīm ya Prajāpati  – Srśtikarta  ke diśa-nirdeśon kī avahelana kī, jisane unhen is ‘Prthvī  ko bhar dene’ ke lie ādeś diya tha (Utpatti 9:1). Parantu isakī apekśa ye log ek gummat ka nirmān karane ke lie ikatthe sāth rahane lage. Aap is vrtānt ko yahān par padh sakate hain. Yah vrtānt yah kahata hai ki yah ek aisa gummat tha ‘Jisakī chotī ākāś se bāten karatī thī’ (Utpatti  11:4). Isaka arth yah hua ki Nūh kī is pahalī santān ke dvāra gummat ke nirmān ka uddeśy Srśtikarta  kī upāsana karane kī apekśa Tāron aur Sūry, Chandrama, Grahon ādi kī pūja karane ka tha. Yah ek jānī-pahacānī sacchaī  hai ki Tāron kī pūja ka ārambh Mesopotāmiya mein hua tha (jahān par ye santānen rah rahī thīn) aur isake paśchāt  yah yahān se pūre Sansār  mein phail gaī. Dharm Sabdakoś Sandarbh Tāron kī ārādhana ke lie aise kahata hai:

Yah niśchit rūp se Mesopotāmiya mein Isa Pūrv Do śatābdiyon [10: i–īi ] pūrv aur kendrīy Amerika ke Māya ke madhy mein [9: v ] hua. Tāron-kī-ārādhana kadāchit prāgaitihāsik Uttarī Yūrop ke maha pāśan sambandhī khagolīy sthalon mein paī jātī thī [9: ī–īi; udaharan ke lie., Stonahannj arthāt ek mahāpāśān śilāvart] aur aise hī sthal Uttarī Amerika mein pae jāte hain [9: iv; udaharan ke lie., Big Hārn Medīsan Vhil] Mesopotāmiya se tāron kī ārādhana Yūnānī-Roman Sanskrti  mein ā gaī…

Is tarah se Srśtikarta  kī ārādhana karane kī apekśa, hamāre pūrvajon ne Tāron kī ārādhana kī. Phir yah vrtānt hatāś karane ke lie aise kahata hai tāki bhraśtāchār kī ārādhana aparivartanīy na ban jae, Srśtikarta  ne yah nirnay liya ki

Vah unakī bhāśa mein gadabadī dāl dega tāki vah ek dūsare ko samajh na saken. (Utpatti  11:7)

Jisake parināmasvarūp, Nūh kī is pahalī santān ne ek dūsare ko samajh na sakī aur is tarah se Srśtikarta  ne

Unhen vahān se sārī Prthvī  ke ūpar phaila diya (Utpatti  11:8)

Dūsare śabdon mein, ek bār jab ye log aur adhik āpas mein bāt na kar sake, to ve ek dūsare, apane navagathit bhāśaī samūhon mein bikhar gae, aur is prakār ve ‘phail’ gae. Yah vivaran deta hai ki kaise vibhinn logon ke samūh āj Sansār  mein ek dūsare se bahut hī bhinn bhāśa ko bolate hain, jabaki yah sabhī Mesopotāmiya mein apane mūl kendr mein se nikal kar (kabhī kabhī kaī pīdhiyon ke paśchāt ) aise sthānon mein phaile the jahān vah āj pae jāte hain. Is prakār unase sambandhit itihās is sthān se āge ek dūsare se bhinn ho jāta hai. Parantu pratyek bhāśaī samūh (jinhonne in pratham jātiyon gathan kiya) ka is sthān tak ek sāmāny itihās raha hai. Is sāmāny itihās mein Purūśa ke balidān ke dvāra mokś kī pratigya aur Manu (Nūh) ke jal pralay ka vrtānt sammilit hai. Sanskrt ke Rśiyon ne in vrtānton ko unake Vedon ke dvāra smaran kiya hai aur Ibrāniyon ne is jaisī hī ghatanaon ko unake Vedon (Rśi Mūsa kī torāh) ke dvāra smaran kiya hai.

Samay ke ārambh se – vibhinn jal pralayon ke vrtānton kī Gavāhī

Yah vrtānt in prārambhik Vedon ke madhy mein paī jāne vālī samānataon aur sammilanon ka varnan karata hai. Parantu kya is spaśtīkaran ke samarthan mein aur āge pramān pae jāte hain? Dilachasp bāt yah hai, ki jal pralay ke vrtānt ko keval prāchīn Ibrānī aur Sanskrt Vedon mein hī smaran nahin kiya gaya hai. Viśv bhar mein vibhinn logon ke samūhon ne unase sambandhit itihāson mein jal pralay ke vrtānt ko smaran kiya hai. Nimn chārt ise darśāta hai.

Flood accounts from cultures around the world compared to the flood account in the Bible
Sansār ke chāron or kī sanskrtiyon ke jal pralay kī Baibal mein pae jāne vāle jal pralay ke vrtānt ke sāth tulana

Chārt ke śīrś par yah vibhinn bhāśaon ke samūhon ko dikhāta hai jo Sansār mein chāron or – pratyek mahādvīp mein rahate hain. Chārt mein die hue kakś yah sūchit karate hain ki Ibrānī jal pralay ka vrtānt (chārt mein baen taraph nīche kī or sūchībaddh kiya hua hai) unake apane jal pralay ke vrtānt ko bhī nihit karata hai ya nahin. Kāle kakś sūchit karate hain ki yah varnan unake jal pralay ke vrtānt mein nahin pae jāte hain, jabaki kāle kakś yah sūchit karate hain ki yah varnan unake apane sthānīy vrtānt mein nahin pāya jāta hai. Aap dekh sakate hain ki lagabhag in sabhī samūhon mein kam se kam unake ‘smaran’ mein sāmāny ek bāt yah hai ki jal pralay Srśtikarta  kī or se ek nyāy ke rūp mein āya tha parantu yah ki kuch Manuśyon ko ek badī kiśtī mein bacha liya gaya tha. Dūsare śabdon mein, is jal pralay ka smaran na keval Sansār kī any sānskrtik itihāson aur mahādvīpon ko chodakar apitu Sanskrt apitu Ibrānī  Vedon mein bhī pāya jāta hai. Yah is ghatana kī or sanket karata hai ki yah hamāre sudūr atīt mein ghatit hua hai.

Hindī panchāng kī Gavāhī

Yah tab kī bāt hai jab mainne bhārat kī yātra kī aur isamen kāry kiya tab mujhe ek any samarthan dene vālī gavāhī ke prati pata lag gaya – parantu jab āp isake bāre mein jānenge to yah āpake lie aur bhī adhik ullekhanīy ban jaegī. Yah ek spaśtīkaran ko dene ke lie viśeś hai. Jab main Bhārat mein kāry kar raha tha to mainne kaī Hindī panchāngon ko dekha. Mainne dhyān diya ki ve paśchimī  panchāngon se bahut adhik bhinn the. Is spaśt sī dikhaī dene vālī bhinnata yah thī in panchāngon ka nirmān is tarah se hua hai tāki dinon ke stambh (ūpar se nīche) panktiyon (baen se daen) mein chalane kī apekśa nīche  kī or jaen, jo ki paśchim mein sanket chinh ke lie viśvavyāpī tarīka hai. Kuch panchāngon mein paśchātya ‘1, 2, 3…’ kī apekśa bhinn ank pae jāte hain kyonki ve Hindī lipi (१, २,  ३ …) ka upayog karate hain.

hindu-calendar-panchang
Hindī panchāng – mahīne ke din ūpar se nīche kī or āte hain, parantu ek saptāh 7-dinon ka hota hai

Main samajh sakata tha, aur mainne is tarah kī bhinnata kī apekśa bhī kī kyonki ek panchāng  ko sūchit  karane ke lie koī ek ‘sahī’ tarīka hai hī nahin. Parantu yah kendrīy sammilan kī bāt thī – in sabhī bhinnataon ke madhy mein – isane mere dhyān ko ākarśit kar liya. Hindī ke panchāng ne 7-din ke saptāh ka upayog kiya – thīk vaise hī jaise pāśchātya Sansār  mein kiya jāta hai. Kyon? Main samajh sakata tha ki kyon panchāng varśon aur mahīnon mein bāta hua tha thīk vaise hī jaise pāśchāty ke panchāng  mein hota hai kyonki yah Sūry ke chāron or Prthvī  aur Prthvī  ke chāron or Chandrama kī parikramaon ke ūpar ādhārit hote hain – is prakār sabhī logon ko viśvavyāpī khagolīy nīnv ko pradān karate hain. Parantu ‘saptāh’ ke lie koī bhī khagolīy samay ka ādhār nahin hai. Jab mainne logon ko pūcha to unhonne kaha ki yah pratha aur parampara ādhārit the jo unake itihās kī or le chala tī hai (kitanī dūr tak isaka kisī ko bhī pata nahin hai).

‘ur Bauddh Thaī panchāng

Mujhe sāth hī Thaīlaind mein rahane aur kāry karane ka avasar mila hai. Jab main vahān rahata tha to main unake panchāngon ko dekhata tha.

thai_lunar_calendar
Thaī panchāng baen se daīn or chalata hai, parantu paśchim kī apekśa ek bhinn varś ka hota hai, tathāpi 7-din ke saptāh ka hī hota hai

Ek Bauddh deś hone ke kāran, Thaī apane panchāng  ka ārambh Buddh ke jīvan se ārambh karate hain jis kāran unake varś sadaiv paśchim ke deśon ke panchāngon se 543 varś jyāda hote hain (udaharan ke lie., Isvī San 2013 ka arth Thaī panchāng  mein – Buddh yug ka – 2556 varś hua). Parantu ek bār phir se ve 7-din ke saptāh ka hī upayog karate the. Ise unhonne kahān se prāpt kiya? Kyon vibhinn deśon mein panchāng āpas mein kaī tarīkon se itanī adhik bhinnata rakhate hue bhī 7-din ke saptāh ke ūpar hī ādhārit hai jabaki is panchāng ke samay kī ikaī ka vāstav mein koī khagolīy ādhār nahin hai?

Saptāh ke ūpar Prāchīn Yūnāniyon ka Gavāhī

Hindī aur Thaī panchāngon kī in tippaniyon ne mujhe yah dekhane ke lie majabūr kar diya ki kya 7-din ka saptāh any Prāchīn Sanskrti yon mein bhī dikhaī deta hai ya nahin. Aur yah dikhaī deta hai.

Prāchīn Yūnānī Chikitsak Hippokrets, jo lagabhag 400 Isa Pūrv rahate the jinhen ādhunik chikitsa ka Pita māna jāta hai aur unhonne aisī pustakon ko likha hai, jisamen unakī chikitsīy tippaniyon kī rikording paī jātī hai ko, āj ke din tak sanrakśit rakha gaya hai. Aisa karane ke lie unhonne samay kī ikaī ko ‘saptāh’ ke rūp mein hī upayog kiya hai. Kisī ek niśchit bīmārī ke badhate hue lakśanon ke bāre mein unhonne aisa likha hai:

Chautha din sāntaven ka sanket karata hai; āthavān dūsare saptāh ka ārambh hai; aur is tarah se gyārahavān dūsare saptāh ka chautha, bhī sanketātmak hai; aur ek bār phir se, sātavān chaudaven se chautha, aur gyārahaven se sātavān hone ke kāran sanketātmak hai (Hippokrets, Sūktiyān. #24)

Arastū, 350 Isa Pūrv mein apane lekhan kāry mein nirantar samay ke bantavāre ke lie ‘saptāh’ ka upayog karata hai. Udāharan ke rūp mein vah likhata hai ki:

Siśukāl mein hone vālī mauton ka bahumat bacche ke ek saptāh kī umr mein hī pragat hote hai isalie is umr mein hī bacche ka nāmakaran karane kī parampara, is mānyata se paī jātī hai ki ab usake bachane ke avasar adhik uttam hain. (Arastu, Paśuon ka itihās. bhāg 12, 350 Isa Pūrv)

Is tarah se kahān se in Prāchīn Yūnānī lekhakon ne, jo Bhārat aur Thaīlaind se dūr the, ne is tarah se ek ‘saptāh’ ke vichār  ko pāya jisaka unhonne upayog yah apekśa karate hua kiya ki unake Yūnānī pāthak yah pahale se hī jānate hain ki ek saptāh kya hota hai? Kadāchit atīt mein in sabhī sanskrtiyon mein koī ek aitihāsik ghatana ghatit huī thī (yadyapi ho sakata hai ki ve ise bhūl gae honge) jisane 7-din ke saptāh kī sthāpana kī thī?

Ibrānī Ved is tarah kī ek ghatana – Sansār kī ārambhik srśti ka varnan karata hai. Is vistrt aur prāchīn vrtānt mein Srśtikarta Sansār kī rachna karata aur pahale logon ko 7 dinon (vāstav mein 6 dinon aur ek 7ven din ārām ke sāth) mein nirmit karata hai. Is kāran se, pratham mānavīy jode ne tab 7-din ke itihās ko apane panchāng mein samay kī ikaī ke rūp mein upayog kiya. Jab mānavajāti uttarottar kāl mein bhāśa kī gadabadī ke kāran bikhar gaī tab ye mukhy ghatanaen jo ‘bikharane’ se pahale ghatit huī thīn tab inamen se kuch vibhinn bhāśaī samūhon ke dvāra smaran rakha gaya, jisamen āne vāle balidān kī pratigya, ek vināśakārī jal pralay ka vrtānt aur sāth hī 7-din ka saptāh sammilit hain. Ye smrtiyān ārambhik mānavajāti kī kalākrtiyān aur in Vedon mein varnit in ghatanaon ke itihās ke lie ek vidhān hai. Yah spaśtīkaran niśchit rūp se Ibrānī  aur Sanskrt Vedon ke sammilan kī vyākhya ke lie sabase adhik spaśt aur sādhāran tarīka hai. Bahut se log āj in prāchīn rachnaon ko mātr paurānik kathaen mānate hue svīkār nahin karate hain parantu ye sammilan hamen is par punarvichār karane ke lie majabūr karana chāhie.

Is tarah se ārambhik mānavajāti ka ek sāmāny itihās tha, aur is itihās mein Srśtikarta kī or se mokś kī pratigya sammilit thī. Parantu kaise yah pratigya pūrn hogī? Ham apane adhyayan ko ek pavitr purūś ke vrtānt se āge badhaenge jo bhāśaon mein gadabadī ke kāran logon ke bikhar jāne ke turant paśchāt raha. Ham hamāre agale lekh mein.

Kaise Mānav Jāti āge Badhatī Rahī – Manu (ya Nūh) ke Vrtānt se Sabak

Hamārī pichalī post arthāt lekh mein hamane yah dekha tha ki mokś kī pratigya mānavīy itihās ke bilkul hī ārambh mein de dī gaī thī. Hamane yah bhī dhyān diya tha ki ham mein kuch aisī bāt hai jisaka jhukāv bhraśtata kī or hai, jo hamāre kāryon mein icchit naitik vyavahār ke prati, aur yahān tak ki hamāre prānon ke svabhāv kī gaharaī mein niśāne ko chūkane ko dikhāta hai. Hamāra mūl svabhāv jise Parameśvar (Prajāpati ) ne racha tha vah vikrt ho gaya hai. Yadyapi ham bahut se dhārmik karm kāndon, pāpon ke śodhan aur prārthanaon ke dvāra ise sāph karane ke lie kadī mehanat karate hain, parantu bhraśtata kī vāstavikata hamen sahaj bodh ke dvāra śuddh hone kī āvaśyakata ka ahasās dilātī hai ki ham svayan ise uchit rūp se prāpt nahin kar sakate hain. Ham aksar siddh sampūrnata ke sāth jīvan yāpan karane ke lie ‘kathin’ sangharś karate hue nirantar ise pāne ka prayās karate hain.

Parantu yadi ham is bhraśtata ko bina kisī naitik sanyam kī rokathām kie hue badhate rahane den to ham śīghr hī bhraśt ho jaenge. Yah mānavīy itihās ke bilkul ārambh mein hī ghatit hua. Baibal  (Ved Pustak ) ke ārambh ke adhyāy hamen batāte hain ki yah kaise ghatit hua. Yahī vrtānt Satpath Brāhman ke sāth sāmāntar mein pāya jāta hai, jo yah vivaran deta hai ki kaise āj mānavajāti ka prajanak – jise Manu  ke rūp mein jāna jāta hai – ek bahut bade jal pralay ke nyāy mein se bach gaya jo Manu śy kī bhraśtata ke kāran āya tha, aur usane apana bachāv ek bade jahāj mein śaran lene ke dvāra kiya tha. Donon arthāt Baibal  (Ved Pustak) aur Sanskrt mein likhe hue Ved hamen batāte hain ki sārī kī sārī āj kī jīvit mānavajāti usī hī ke vanś mein se nikal kar āī hai.

Prāchīnakālīn Manu  jisase ham angrejī ke śabd ‘Man’ ko prāpt karate hain

Yadi ham angrejī ke śabd ‘Man’ kī vyutpatti ko dekhen, to pāte hain ki yah Jarmanika-Pūrv se nikal kar āta hai. Ek Roman itihāsakār Tekttīks, jo Yīśu Masīh (Yīśu Satsang) ke samay ke ās pās raha ne Jarman ke logon ke itihās ke bāre mein ek pustak ko likha hai jise Jarmanika kah kar pukāra gaya hai. Usamen vah aise kahata hai ki

Apane purāne gāthāgīton (jo un sab mein ek tarah se lipibaddh aur itihās hain) mein ve Tiyūston, aisa īś‍var jo Prthvī mein se nikal kar āta hai, aur Mānuś usaka putr, jo jātiyon ka Pita aur sansthāpak hai, ke lie tyauhār manāte hain. Mānuś ke lie vah tīn putron ko niyat karate hain, jinake nāmon ke paśchāt bahut se logon ko pukāra jāta hai (Tekttīks. Jarmanika adhyāy 2. 100 Isvī San mein likhī gaī)

Sabd-Vyutpatti śāsrī hamen batāte hain ki prāchīn  Jarmanī ka yah śabd ‘Mānuś’ Indo-Yūropiyan-Pūrv “Mānuh” (Sanskrti  ke Mānuh, Aavesta Manu  ke sāth tulana karen) kī vyutpatti  hai. Dūsare śabdon mein, Angrejī śabd ‘Man’ Manu se nikal kar āta hai jisake lie donon arthāt Baibal (Ved Pustak) aur Satpath Brāhman kahate hain ki ham usamen se nikal kar āe hain! Is kāran āie is vyakti ke ūpar dhyān den aur dekhen ki ham isase kya sīkh sakate hain. Ham Satpath Brāhman ko sārānśit karate hue ārambh karenge. Kuch vyākhyaon mein is vrtānt ke āpas mein ek dūsare se thode se bhinn pakś die hue hain, isalie main mukhy tathyon par hī tika rahūnga.

Sanskrt Vedon mein Manu ka vrtānt

Vaidik vrtānton mein Manu  ek dharmī purūś tha, jo sacchaī  ke pīche chalata  tha. Kyonki Manu pūrn rīti se īmānadār tha, isalie use ārambh mein Satyavārta (“aisa vyakti jisane sach bolane kī śapath lī ho”) ke rūp mein jāna gaya.

Satpath Brāhman ke anusār (Satpath Brāhman ke vrtānt ko padhane ke lie yahān par klik karen), ek avatār ne Manu ko āne vālī jal pralay ke prati chetāvanī dī thī. Yah avatār ārambh mein Sāpharī (ek chotī Machalī ) ke rūp mein tab pragat hua jab usane apane hāthon ko ek nadī mein dhoya tha. Is chotī Machalī  ne Manu  se use bachāne ke lie kaha, aur taras se bhar kar, Usane ise pānī ke ek jār mein dāl diya. Yah badī hotī chalī gaī, tab Manu  ne ise ek bade Ghade mein dāl diya, aur phir ise ek Kuen mein rakh diya. Jab kuān bhī is badhatī-huī Machalī  ke lie chota pad gaya, to Manu  ne use ek Kund (jalāśay) mein dāl diya, jo satah aur bhūmi se Do yojan (16 mīl) ūncha, aur itana hī lamba tha, aur ek yojan (8 mīl) chaudaī mein tha. Jab Machalī aur adhik āge badhatī chalī gaī to Manu ko ise Nadī mein dālana pada, aur jab yahān tak Nadī bhī usake lie aparyāpt ho gaī to usane ise Mahāsāgar mein dāl diya, jisake bād isane bade Mahāsāgar ke lagabhag sāre viśāl bhāg ko bhar diya.

Yah tab kī bāt hai jab avatār ne Manu ko us ek aisī āne vāle jal pralay ke bāre mein sūchit kiya jo bahut jald sab kuch-nāś karane ke lie āne vāla tha. Isalie Manu  ne ek badī kiśtī ka nirmān kiya jisamen usake parivār ke log, 9 tarah ke bīj, aur paśu is Dharatī ko phir se bhar dene ke lie rahe, kyonki jal pralay ke kam hone par Mahāsāgaron aur Samudron ka pānī kam ho jaega aur Sansār  ko logon aur paśuon se punh bharane kī āvaśyakata thī. Jal pralay ke samay, Manu  ne kiśtī ko Machalī  ke sīng se bāndh diya tha jo ek avatār thī. Usakī kiśtī jal pralay ke pānī ke kam hone ke paśchāt pahād kī cohtī par ja tikī. Vah tab pahād par se nīche utara aur apane chutakāre ke lie usane balidānon aur baliyon ko chadhāya. Aaj Prthvī ke sabhī log usī se nikal kar āe hain.

Baibal (Ved Pustak) mein Nūh ka vrtānt

Baibal (Ved Pustak) isī tarah kī ek ghatana ka vrtānt detī hai, parantu is vrtānt mein Manu  ko ‘Nūh ’ kah kar pukāra gaya hai. Nūh ke vrtānt aur viśvavyāpī jal pralay ke vivaran ko Baibal mein se padhane ke lie yahān par klik karen. Bahut se log Nūh kī kahānī aur jal pralay ko aviśvasanīy pāte hain. Parantu Sanskrt Vedon aur Baibal ke sāth, is ghatana kī smrtiyān vibhinn sanskrtiyon, dharmon aur itihāson mein sanrakśit hain. Sansār  ek avasādī chattān ke sāth dhakī huī hai, jisaka nirmān ek jal pralay ke madhy mein hua is tarah se hamāre pās is jal pralay ke bhautik pramān ke sāth sāth mānavavigyānī pramān bhī pae jāte hain. Parantu āj hamāre lie isase kya sabak milata hai ki hamen vrtānt ke ūpar apane dhyān ko dena chāhie?

Chūkana banām daya ko prāpt karana

Jab main logon se bāt karata hūn ki Parameśvar bhraśtata (pāp) ka nyāy karata hai, aur viśeś rūp se unake pāp ya mere pāpon ka nyāy hoga ya nahin, to jis uttar ko main aksar unase pāta hūn vah kuch is tarah se hai, “Main nyāy ke lie adhik chintit nahin hūn kyonki Parameśvar itana adhik dayālu aur krpālu hai ki main nahin sochata  ki vah vāstav mein mera nyāy karega.” Is tarah kī soch ke lie yah Nūh  (ya Manu ) ka vrtānt hain jo hamen praśn karane ke lie majabūr karana hai. Sampūrn Sansār (Nūh  aur usake parivār ko chod kar) nyāy ke adhīn nāś kar die gae the. Is kāran us samay usakī daya kahān par thī? Yah jahāj mein pradān kī gaī thī.

Parameśvar ne apanī daya mein, ek jahāj ka prabandh kiya tha jo kisī ke lie bhī upalabdh thī. Koī bhī isamen praveś kar sakata tha aur āne vālī jal pralay se surakśa aur daya ko prāpt kar sakata tha. Samasya yah thī ki lagabhag sabhī logon ne āne vāle jal pralay ke prati aviś‍vās se pratikriya vyakt kī. Unhonne Nūh  ko thatthon mein udāya aur āne vāle nyāy ke ūpar jo vāstav mein ghatit hone vāla tha viś‍vās nahin kiya. Is kāran ve jal pralay mein hī nāś ho gae. Aur jo kuch unhen karana tha keval yah tha ki unhen jahāj mein praveś karana tha aur ve nyāy se bach sakate the.

Ve jo jīvit the unhonne kadāchit yah socha hoga ki ve ūnche pahād par chadh kar, ya ek bada beda bana kar jal pralay se bach sakate the. Parantu unhonne nyāy kī sāmarthy aur ākār ka pūrn rīti se galat anumān lagāya. Us nyāy ke lie ye ‘uttam vichār’ paryāpt nahin the; unhen kisī aisī vastu kī āvaśyakata thī jo unhen acchī tarah se dhak sakatī thī – yah ek jahāj tha. Jabaki ve sabhī is jahāj ko banate hue dekh rahe the yah donon arthāt āne vāle nyāy aur upalabdh daya ka ek spaśt chinh tha. Aur Nūh (ya Manu) ke udāharan ke ūpar dhyān dete hue, yah hamase kuch isī tarah se bāt karate hue, dikhātī hai ki daya us prabandh ke dvāra prāpt kī ja sakatī hai jise Parameśvar  ne sthāpit kiya hai, na ki us prabandh ke dvāra jisake lie ham sochate  hain ki yah uttam hai.

Is kāran ab kyon Nūh ne Parameśvar  kī daya ko prāpt kiya? Aap dhyān denge ki Baibal  kaī bār nimn vāky ko duharātī hai

Yahova arthāt Parameśvar kī is āgya ke anusār Nūh ne sab kuch kiya

Main dekhata hun ki jo kuch main samajhata, ya jo kuch mujhe pasand hota hai, ya jo kuch main karane ke lie sahamat hota hūn, use karane ka jhukāv mujhamen hota hai. Mujhe niśchay hai ki Nūh ke man mein āne vāle jal pralay kī chetāvanī aur bhūmi par ek bahut bade jahāj ke nirmān ke ādeś ke prati kaī tarah ke praśn rahe honge. Mujhe niśchay hai ki usane tark die honge ki kyonki vah ek accha aur saty-ke-pīche chalane vāla vyakti tha isalie use is jahāj ke nirmān ke lie kisī ke ūpar par dhyān dene kī āvaśyakata nahin thī. Parantu usane vah ‘sab’ kuch kiya jisaka ādeś use diya gaya tha – keval utana hī nahin jise usane samajh liya tha, na hī utana jitana usake ārām kī bāt thī, aur na hī utana jo bāten usake lie koī arth rakhatī thī. Anusaran karane ke lie yah ek accha udāharan hai.

Mukti ka Dvār

Baibal sāth hī hamen yah batātī hai ki Nūh, usake parivār aur paśuon ke dvāra jahāj mein praveś kar lie jāne ke paśchāt

Yahova arthāt Parameśvar ne jahāj ke dvār ko band kar diya. (Utpatti  7:16)

Yah Nūh nahin – apitu Parameśvar tha jo jahāj ke ek hī dvār ko apane niyantran mein lie hue tha aur isaka sanchālan kar raha tha. Jab nyāy āya aur pānī badhane laga, tab logon ke dvāra bāhar se kitana bhī adhik mātra mein isake dvār ko pītane par bhī Nūh isake daravāje ko khol nahin sakata tha. Parameśvar isake ek hī dvār ko apane niyantran mein lie hue tha. Parantu sāth hī jo jahāj ke andar the is bharose mein rah sakate the ki kyonki Parameśvar dvār ko apane niyantran mein lie hue tha isalie kisī bhī tarah kī hava ka dabāv ya lahar kī śakti ise khol nahin sakatī thī. Ve Parameśvar kī daya aur dekharekh mein dvār ke bhītar surakśit the.

Kyonki Parameśvar ne is siddhānt ko parivartit nahin kiya hai isalie yah āj bhī ham par lāgū hota hai. Baibal ek aur āne vāle nyāy ke lie chetāvanī  detī hai – aur yah is bār āg se āega – parantu Nūh  ke chinh hamen āśvāsan dete hain ki nyāy ke sāth sāth vah daya ka bhī prastāv dega. Parantu hamen us ek dvār vāle ‘Jahāj’ ko dekhana chāhie jo hamārī āvaśyakata ko dhak lega aur hamen daya pradān karega.

Ek bār phir se Balidān

Baibal hamen batātī hai ki Nūh :

Ne yahova arthāt Parameśvar ke lie ek Vedī banaī; aur sab śuddh paśuon aur sab śuddh pakśiyon mein se kuch kuch lekar vedī par homabali chadhāya. (Utpatti  8:20)

Yah balidān kī us paddhati par bilkul sahī baithata hai jis par hamane Purūśāsūkta  mein dhyān diya tha. Yah aisa hai māno Nūh (ya Manu) jānata tha ki Purūśa  ke balidān ko diya jāna chāhie is kāran usane ek paśu ke balidān ko diya jo ki usake bharose ko āne vāle balidān ke ek chitr mein yah pradarśit karate hue hai ki ise Parameśvar svayan dega. Sacchaī to yah hai ki Baibal yah kahatī hai ki is balidān ke die jāne ke thīk paśchāt Parameśvar  ne ‘Nūh  aur usake putron ko āśīś’ dī (Utpatti  9:1)

Aur ‘Nūh ke sāth ek vācha bāndhī’ (Utpatti 9:8) ki vah kabhī bhī sabhī logon ka nyāy jal pralay ke sāth nahin karega. Isalie aisa jān padata hai ki Nūh ke dvāra diya hua paśu ka ek balidān usakī ārādhana mein bahut hī mahatvapūrn tha.

Punarjanm – Vyavastha ke dvāra ya…

Vaidik paramparaon mein, Manu hī Manusmrti ka srot hai, jo ek vyakti ke jīvan mein usake varn/jāti ko nirdhārit karata ya parāmarś deta hai. Yajurved kahata hai ki janm ke samay, sabhī Manu śy Suudry sevakon ke rūp mein janm lete hain, parantu yah ki hamen is bandhan se bachane ke lie ek dūsare ya nae janm kī āvaśyakata hotī hai. Smrti ke bāre mein Manusmrti vivādāspad hai aur isamen bhinn drśtikonon ko vyakt kiya gaya hai. In sabhī vivaranon ka viśleśan karana hamārī paridhi se pare kī bāt hai. Parantu phir bhī, jo rūchikar hai, aur jisakī ham yahān par khoj karenge, vah Baibal  mein milata hai, ki Sāmī log jo Nūh  ke vanśaj mein se āe the ne bhī un do mārgon ko prāpt kiya jisamen śuddhata aur pāpon se śodhan ko prāpt kiya jāta hai. Ek mārg Vyavastha tha jisamen pāpon se śodhan, karm kāndon ke dvāra pāpon se śodhan aur balidān sammilit the – yah bahut adhik Manusmrti ke sāmāntar tha. Any mārg bahut hī adhik rahasmayamayī tha, aur isamen Punarjanm ko prāpt karane se pahale mrtyu sammilit thī. Yīśu ne isake bāre mein śikśa dī hai. Usane usake dinon ke ek vidvān śikśak ko aise kaha ki

Yīśu  ne usako uttar diya, “Main tujh se sach sach kahata hūn, yadi koī naye sire se na janmen to Parameśvar  ka rājy dekh nahin sakata.” (Yūhanna 3:3)

Ham isake ūpar āge uttarottar ke lekhon mein dekhenge. Parantu isake āge ham hamāre – agale lekh mein ham yah khoj karenge ki kyon Baibal aur Sanskrt Vedon mein is tarah kī samānataen paī jātī hain.

Arambh se hī – Mokś kī Pratigya

Mere pichale kuch lekhon mein mainne yah dekha ki kaise usakī ārambhik rachī huī avastha se pāp mein gir kar manuśy patit ho gaya. Parantu Baibal (Ved Pustak) ek aisī yojana ko āge badhātī hai jo Parameśvar ke pās ārambh se hī tha. Yah yojana ek aisī pratigya ke ūpar ādhārit hai jise tab nirgat kiya gaya tha aur yahī vah yojana hai jo Purūśāsūkta mein bhī gūnjatī rahata hai.

Baibal – ek Vāstavik Pustakālay

Is pratigya kī viśeśata kī sarāhana karane ke lie hamen Baibal ke bāre mein kuch mūl sacchaiyon ko jānana āvaśyak hai. Yadyapi yah ek pustak hai, aur ham ise isī rūp mein sochate hain, yah ek chalit pustakālay hai aisa sochana vāstav mein aur adhik satīk hoga hai. Aisa isalie kyonki yah pustakon ka ek sangrah, jo ki vibhinn paristhitiyon se āne vāle lekhakon ke dvāra, lagabhag 1500 varśon se adhik lambī avadhi ke madhy mein likhī gaī hai. Aaj yah pustaken ek hī pustak – Baibal mein ikatthī kar dī gaī hain. Yahī ek tathy Baibal ko sansār kī mahān pustakon mein Rgved kī tarah viśeś bana deta hai. Vibhinn tarah ke lekhakon ke hone ke atirikt, Baibal kī vibhinn pustaken kathanon, udaghośanaon aur bhaviśyadvāniyon kī bhī ghośana karatī hai jinhen bād ke lekhak ādhārit hue hain. Yadi Baibal keval ek hī lekhak, ya lekhakon ke samūh ke dvāra jo ek dūsare ko jānate hon likhī gaī hotī, to yah koī viśeś yogyata nahin rakhatī. Parantu saikadon aur yahān tak ki hajāron varśon ke antarāl par, vibhinn tarah kī sabhyataon mein, bhāśaon mein, sāmājik tāne bāne, aur sāhityik śailiyon kī prthakata ke kāran ek dūsare se bhinn the – tathāpi unake sandeśon aur bhaviśyadvāniyon ko mūl rūp se unake paśchāt āne vāle lekhakon ke dvāra ya Baibal se bāhar ke pramānit itihās ke tathyon ke dvāra pūrn huī hain. Yahī vah kāran jo Baibal ko pūrn rūp se ek bhinn star ke ūpar viśeś bana deta hai – aur yah jānakārī hamen isake sandeś ko prerit karanī chāhie. Purāne Niyam (kī ve pustaken jo Yīśu ke āne se pahale likhī gaīn) kī pustakon kī vidyamān pāndulipiyon ka lekhanakāry 200 Isa pūrv pahale tha, is kāran Baibal ke mūlapāth kī nīnv, sansār kī any prāchīn pustakon se kahīn adhik uttam hai.

Vātika mein Mokś kī Pratigya

Baibal mein Utpatti kī pustak ke ārambh mein hī srśti kī rachana aur patan ke virtānt mein hī hamen is pahalū kī pratichāya spaśtata se dikhaī detī hai. Dūsare śabdon mein, yadyapi ham ise ārambh mein hī dekhate hain, parantu yah ant ko dhyān mein rakhate hue likha gaya tha. Yahān par ham ek pratigya ko dekhate hain jab Parameśvar apane virodhī Saitān ka sāmana karata hai, jo ki buraī ka avatār tha, jo ki Sarp ke rūp mein tha, aur usase ek pahelī mein bāt karate hue thīk isake paśchāt manuśy ko pāp mein patit kar diya

“… aur main (Parameśvar) tere (Saitān) aur is Strī ke bīch mein, aur tere Vanś aur isake Vanś ke bīch mein bair utpann karūnga; vah tere sir ko kuchal dālega aur tū usakī edī ko dasega.” (Utpatti 3:15)

Ise dhyān se padhane ke paśchāt āp dekhenge ki yahān par pānch vibhinn pātron ka ullekh kiya gaya hai aur yah ki yah apane āp mein bhaviśyadvānī hai ki yah āne-vāle-samay (jise bhaviśyasūchak kāl mein upayog hone vāle śabd ga ke duharāv mein dekha ja sakata hai) kī or dekh raha hai. Yah pātr nimn hain:

  1. Parameśvar
  2. Saitān / Sarp
  3. Strī
  4. Strī ka Vanś
  5. Saitān ka Vanś

Aur pahelī yah bhaviśyadvānī karatī hai ki kaise bhaviśy mein yah pātr ek dūsare ke sāth sambandhit honge. Ise nīche dikhalāya gaya hai

offspring diagram
Utpatti mein pratigya kie hue pātron ke madhy ko sambandh ko chitrit kiya gaya hai

Parameśvar isaka prabandh karega ki donon arthāt Saitān aur Strī ke yahān ‘Vanś’ hoga. Vahān par donon ke Vanśon arthāt Strī aur Saitān ke madhy mein ‘bair’ ya ghrna hogī. Saitān Strī ke Vanś kī edī ko dasega jabaki Strī ka Vanś Saitān ke ‘sir ko kucal’ dālega.

Vanś kī katautī- ek ‘Nar’

Abhī tak hamane sīdhe hī mūlapāth se avalokan kiya hai. Ab tark ke lie kuch katautiyān kī jae. kyonki Strī ke ‘Vanś’ ko ‘Nar‚ aur ‘dālega’ kah kar sūcit kiya gaya isase ham jānate hain ki yah ek ekal Nar – ek Purūś hoga. Isase ham kuch sambhav vyākhyaon ko chod sakate hain. Ek ‘Nar’ ke rūp mein Vanś ka hona ek Nārī nahin hai aur is kāran yah ek Strī nahin sakatī hai ho. Ek ‘Nar’ ke rūp mein yah ‘ve’ nahin ho sakate hain, jo yah viśvasanīy dhang se, kadāchit ek samūh ke logon, ya ek nasl, ya ek samūh, ya ek jāti ke sāth ho sakata tha. Vibhinn samayon par aur vibhinn tarīkon se logon ne yah socha hai ki ‘ve’ isaka uttar sakate hain ho. Parantu Vanś logon ka samūh na hokar ek Nar hai chāhe yah ek jāti, ya ek niśchit dharm ke log jaise Hindū, Buddhavādī, Isaī ya Muslim ādi ke lie hī kyon na sūchit kiya gaya hai. ‘Nar’ hone ke rūp mein yah Vanś koī ‘thos’ vastu (ek vyakti ka Vanś hai) bhī nahin hai. Yah is sambhāvana ko bhī samāpt kar detī hai ki Vanś ek viśeś darśan, śikśa, praudyogikī, rājanītik tantr pranālī ya dharm hai. Ek thos vastu kadāchit hī aisī hotī, aur kadāchit hī hamāre sansār kī samasyaon ke uttar ke lie hamāre pansadīda vikalp hote. Ham sochate hain ki hamārī paristhitiyon ko kisī tarah kī koī ‘thos’ vastu thīk kar degī, isalie sabase sarvottam mānavīy vichārak sadiyon se vibhinn rājanītik tantr pranāliyon, śaikśanik tantr pranāliyon, praudyogik tantr pranāliyon aur dhārmik tantr pranāliyon ādi ke prati tark dete āe hain. Parantu is pratigya mein diśāsūchak ek bilkul hī bhinn diśa kī or pūrn rūp se sanket kar raha hai. Parameśvar ke man mein kuch aur hī – arthāt ek ‘Nar’ tha. Aur yah ‘Nar’ Sarp ke sir ko kuchal dalega.

Jo kuch nahin kaha gaya hai usase ek aur dilachasp avalokan nikal kar sāmane āta hai. Parameśvar yah pratigya Purūś se nahin karata jaisī vah Strī ke sāth pratigya karata hai. Yah bahut hī asādhāran bāt hai viśeś kar jab pūrī Baibal aur pūre prāchīn sansār mein Pita ke dvāra Vanś chalane ke ūpar jor diya gaya hai. Sacchaī to yah hai, ki Baibal mein dī huī Vanśāvaliyon ke lie dī gaī ālochanaon mein se ek ālochana ādhunik paśchimī vidvānon kī yah hai ki ve khūn ke us riśte ko andekha kar dete hain jo ki Strī kī or le chalata hai. Yah pāśchāty kī drśti mein ‘laingikavād’ hai kyonki yah keval Purūś ke Vanś ke ūpar hī dhyān deta hai. Parantu is ghatana mein aisī koī pratigya nahin kī gaī hai ki ek santān (ek ‘Nar’) ek Purūś se āegī. Yah keval itana hī kahata hai ki ek santān ya Vanś āega jo keval Strī se hī, Purūś ka nām ka ullekh kie bina ā raha hai.

Manuśy ke patit ho jāne ke paśchāt jab se vah vidyamān hai, main sabhī manuśy ke prati aitihāsik ya mithak rūp se yahī soch sakata hūn, ki ek hī vyakti aisa hai jisakī māta ke hone ka dāva to hai parantu thīk usī samay usaka koī bhī śārīrik pita nahin tha. Yah Yīśu (Yīśu Satsang) tha jisake bāre mein Naya Niyam (is pratigya ke die jāne ke hajāron varśon paśchāt likha gaya) dāva karata hai ki vah ek kunvārī se utpann hua – is kāran ek māta to thī parantu usaka śārīrik pita nahin tha. Kya Yīśu is pahelī mein samay ke ārambh mein hī pratichāya mein dikhaī de raha hai? Yah is ukti ko pūra karata hai ki Vanś ek ‘Nar’ hoga na ki ek ‘Nārī’, ve ‘ya’ koī ‘thos’ vastu. Is drśtikon se, yadi āp is pahelī ko padhen to bahut sī bāten apane sahī ākār mein ā jaengī.

‘Usakī Edī ko dasega’??

Isaka kya arth hai ki Saitān / Sarp usakī ‘edī ko dasega’? Main ise tab tak samajh nahin pāya jab tak main Aphrīka ke jangalon mein nahin chala gaya. Hamen mote rabad se bane hue jute pahanane padate the yahān tak jab umas se bharī huī garmī hī kyon na hotī thī – kyonki vahān lambī ghās mein Sarp lete rahate the aur hamāre pair ko – arthāt hamārī edī ko das sakate the- aur isase ham mar sakate the. Apane pahale hī din main lagabhag ek Sarp ke ūpar pair rakhane vāla tha aur sambhavatah main isase mar sakata tha. Is pahelī ne mujhe isake arth ko samajha diya tha. Vah ‘Nar’ is Sarp (‘tere sir ko kuchal dālega’) ko mār dega, parantu isake lie use kīmat ada karanī padegī, ho sakata hai ki vah mār (‘usakī edī ko dasega’) diya jae. Yah us vijay kī pratichāya mein dikhaī deta hai jo Yīśu ke balidān ke dvāra prāpt kī gaī.

Sarp ka Vanś?

Parantu usaka dūsara śatru kaun hai, yah Saitān ka Vanś hai? Yadyapi hamāre pās isake bāre mein vistrt rūp se pata lagāne ke lie yahān par sthān nahin hai, parantu uttarottar pustaken ek āne vāle vyakti ke bāre mein bāt karatī hain. Is vivaran ke ūpar dhyān den:

He bhaiyo, ab ham apane Prabhu Yīśu Masīh ke āne, aur usake pās apane ikatthe hone ke viśay mein tum se vinatī karate hain… ki kisī Aatma, ya vachan, ya patrī ke dvāra jo ki mānon hamārī or se ho, yah samajhakar ki Prabhu ka din ā pahunca hai, tumhāra man achānak asthir na ho jae; aur na tum ghabarao. Kisī rīti se kisī ke dhokhe mein na āna kyonki vah din na āega, jab tak dharm ka tyāg na ho le, aur vah Pāp ka Purūś arthāt Vināś ka Putr pragat na ho. Jo virodh karata hai, aur har ek se jo Parameśvar, ya pūjy kahalāta hai, apane āp ko bada thaharāta hai, yahān tak ki vah Parameśvar ke mandir mein baithakar apane āp ko Iśvar thaharāta hai (2 Thissalunīkiyon 2:. 1-4; Paulus ke dvāra Yūnān mein 50 Isvī san mein likha gaya)

Ye uttarottar pustaken spaśtata se us takarāv ke bāre mein ultī ginatī kī bāt karatī hain jo Strī ke Vanś aur Purūś ke Vanś ke madhy mein hone vāle hain. Parantu yah mānavīy itihās ke bilkul ārambh mein hī utpatti mein dī hue is pratigya ke bāre mein pratham bār bhrūn-ke-rūp mein, is vyākhya ke pūrn hone kī pratīkśa mein ullikhit kiya gaya hai. Is tarah se itihās ka charamotkarś, Saitān aur Parameśvar ke madhy mein antim pratiyogata kī ultī ginatī, vātika mein hī bahut pahale ārambh ho chukī hai, jise ārambh mein hī – ārambhik pustakon mein dekha gaya hai.

Mere pahale ke lekhon mein hamane Purūśasūkta ke bhajanon ke ūpar dhyān diya tha. Hamane dekha ki is bhajan mein bhī āne vāle ek Siddh Purūś – Purūśa – kī bāt kī gaī hai, jo ki sāth hī manuśy kī sāmarthy se nahin āega. Yahī manuśy vāstav mein balidān mein de diya jaega. Sacchaī to yah hai ki hamane yah dekha hai ki yah pahale se hī samay ke ārambh mein Parameśvar ke man mein nirdhārit aur niyukt kiya hua tha. Aur ye donon pustaken ek hī vyakti ke bāre mein bāt karatī hain? Main viśvās karata hūn ki ve karatī hain. Vah ek din ek Purūś ke rūp mein dehadhāran karega tāki yahī vyakti balidān mein diya ja sake – jo ki sabhī manuśyon ke lie chāhe vah kisī bhī dharm ka kyon na ho ke lie ek viśvavyāpī āvaśyakata hai. Parantu yah pratigya na keval Rgved aur Baibal ke madhy mein sāmāntar paī jātī hai. Apitu kyonki yah ārambhik mānavīy itihās ka ullekh karatī hain isalie ve sāth hī any sāmāntaron ka bhī ullekh karatī hain jise ham hamārī agalī post arthāt lekh mein dekhenge.

Bhraśt (bhāg 2)……. Apane Niśāne Se Chūk Jāna

Mere pichale lekh mein mainne yah dekha tha ki kaise Ved Pustak (Baibal) hamen yah vivaran detī hai ki ham Parameśvar ke vāstavik svarūp jisamen hamen nirmit kiya gaya tha, mein bhraśt ho gae. Ek chitr jisane mujhe ise acchī tarah se dekhane mein sahāyata dī vah prthvī ke madhy mein rahane vāle – Orkas kī thī. Is tarah se Baibal hamāre bāre mein vivaran detī hai. Parantu yah kaise ghatit hua?

Pāp ka ārambh

Baibal kī Utpatti nāmak pustak mein isaka ullekh hai. Parameśvar ke svarūp mein rache jāne ke thīk thode samay ke hī paśchāt pratham manuśy kī jānch huī. Vahān par likha hua vitrtānt ek ‘Sarp’ ke sāth huī bātachīt ka ullekh karata hai. Sarp ko sadaiv se hī viśvavyāpī rūp mein Saitān -Parameśvar ke virodh mein khade hone vālī ātma ke rūp mein samajha gaya hai. Baibal ke dvāra – Saitān aksar kisī any vyakti ke bolane ke dvāra buraī karane ke lie parīkśa mein dālata hai. Is ghatana mein vah Sarp ke dvāra bola. Use is tarah se ullekh kiya gaya hai.

Yahova Parameśvar ne jitane banaile paśu banae the, un sab mein Sarp dhūrt tha; usane Strī se kaha, “Sach hai kya, ki Parameśvar ne kaha tum is bātika ke kisī vrkś ka phal na khāna?

Strī ne Sarp se kaha, “Is bātika ke vrkśon ke phal ham kha sakate hain, par jo vrkś bātika ke bīch mein hai, usake phal ke viśay mein Parameśvar ne kaha hai ki na to tum usako khāna aur na usako chūna, nahin to mar jaoge.”

Tab Sarp ne Strī se kaha, “Tum niśchay na maroge, varan Parameśvar āp jānata hai, ki jis din tum usaka phal khaoge usī din tumhārī ānkhen khul jaengī, aur tum bhale bure ka gyān pākar Parameśvar ke tuly ho jaoge.

Ateh, jab Strī ne dekha ki us vrkś ka phal khāne mein accha, aur dekhane mein manabhaū, aur buddhi dene ke liye cāhane yogy bhī hai, tab us ne us mein se todakar khāya; aur apane pati ko bhī diya, aur us ne bhī khāya. Tab un donon kī ānkhen khul gaīn, aur unako mālūm hua ki ve nange hain; so unhon ne anjīr ke patte jod jod kar langot bana liye. (Utpatti 3: 1-6)

Unaka chunāv ka mool karan, aur parīkśa aisī thī, ki vah ‘Parameśvar ke tuly ho’ sakate the. Isī samay tak unhonne har bāt ke lie Parameśvar par bharosa kiya tha aur sabhī bāton ke lie keval usake vachan ko sādhāran se roop main hī mān liya tha. Parantu ab vah is bāt ko pīche chodate hue svay par nirbhar hote hue aur pratyek bāt ke lie apane śabdon ke ūpar bharosa karate hue, ‘Parameśvar ke tuly’ ho jāna chāhate the. Vah svayan ke lie ‘Iśvar’ apane jahāj ke lie svayan kaptān, apane gantavy ke lie svayan ke svāmī, svāyattī aur keval svayan ke prati javābadeh hona chāhate the.

Parameśvar ke prati vidroh ke kāran unamen kuch parivartan ā gaya tha. Jaise ka yah sandarbh ullekh karata hai, unhonne śarm ko mahasūs kiya, aur svayan ko dhakane kī kośiś kī. Sacchaī to yah hai, ki isake paśchāt, jab Parameśvar ne ādam ka usakī anāgyākārita ke lie sāmana kiya, Adam ne Havva (aur Parameśvar jisane use racha tha) par doś laga diya. Usane isakī evaj mein Sarp par doś laga diya. Koī bhī apanī javābdehī ko svīkār nahin karana cāhata tha.

Adam ke vidroh ke parinām

Aur jo kuch us din ārambh hua vah āj bhī nirantar chal raha hai kyonki ham mein usī hī ka nihit svabhāv hai jise hamane janmajāt uttarādhikār mein pāya hai. Isī lie ham Adam kī tarah vyavahār karate hain – kyonki hamane usī ke svabhāv ko virāsat mein pāya hai. Kuch isase galatafahamī mein pad jāte hain ki Baibal ke kahane ka arth hai ki hamen Adam ke vidroh ke lie dośī thaharāya gaya hai. Sacchaī to yah hai ki, keval Adam hī hai jis par doś lagāya jāna chāhie parantu ham usake vidroh ke parinām svarūp jīvan yāpan kar rahe hain. Ham ise anuvānśikīy rūp mein soch sakate hain. Bacce apane acche aur bure – gunon ko apane abhibhāvakon se- unake jīnon ko uttarādhikār mein prāpt karate hue karate hain. Hamane ādam ke is vidrohī svabhāv ko uttarādhikār mein pāya hai aur is prakār sahajata se, lagabhag anajāne hī, parantu jānabūjhakar us vidroh ko nirantar banae hue hain jise usane ārambh kiya tha. Ho sakata hai ki ham pūre brahmānd ka Parameśvar nahin banana chāhate hon, parantu ham hamāre sandarbhon ke Iśvar banate hue, Parameśvar se prthak svāyattī hona chāhate hain.

Pāp ke prabhāv spaśtata se āj dikhaī dete hain

Aur yah mānavīy jīvan ka itana adhik vivaran deta hai ki ham isake sahī mūly ko nahin samajhate hain. Aisa isalie hai kyonki pratyek sthān par logon ko apane gharon ke daravājon ko band rakhana padata hai, unhen pulis, vakīlon, baink vyavastha ke lie na bhede jāne vāle pāsavardon kī āvaśyakata padatī hai – kyonki hamāre abhī kī paristhitiyon mein ham ek dūsare se chorī karate hain. Yahī vah kāran hai jisase sāmrājy aur samāj antat patan kī or jāte aur khatm ho jāte hain – kyonki in sabhī sāmrājyon mein nāgarik kī pravrtti patan hone kī thī. Sabhī tarah kī sarakāron aur ārthik pranāliyon ko upayog kar lene ke paśchāt, aur yadyapi kuch anyon kī apekśa adhik uttam tarīke se kāry karatī hain, aisa jān padata hai ki pratyek rājanaitik aur ārthik pranālī ant mein svayan hī khatm ho jaegī – kyonki jo log in vichāradhāraon mein jīvan vyatīt kar rahe hain, kī pravrtti aisī hai ki vah ant mein pūre ke pūre tantr ko hī nīche kī or khīnchate hue khatm kar dālenge. Isalie hī yadyapi hamārī pīdhī abhī tak kī sabase adhik śikśit kyon na ho ham mein abhī bhī yah samasyaen banī huī hain, kyonki śikśan ka star bahut nīche tak pahunch chuka hai. Isalie hī ham svayan ko Pratāsana Mantr kī Prārthana ke sāth pahachān kar sakate hain – kyonki yah hamen bahut hī acche tarah se varnit karata hai.

Pāp – Niśāne ko ‘chūkana’ hai

Yahī vah kāran hai ki kyon koī bhī dharm unake samāj ke lie apane darśan ko pūrī tarah se lekar nahin ā pāya hai – apitu yahān tak ki Aniśvaravādī bhī (Soviyat Sangh ke Stālin, chīn ke Mao, Kambodīya ke Pol Pot ke bāre mein sochen) – kyonki koī aisī bāt hai jo hamāre mārg mein hamen hamāre darśan ko pūra karane mein chūk jāne ke lie khadī rahatī hai. Saccaī to yah hai, ki śabd ‘chūkana’ hamārī paristhitiyon ka sār hai. Baibal ka ek vachan isaka ek chitr deta hai jisane mujhe ise acchī tarah se samajhane mein sahāyata dī hai. Yah kahata hai

In sab logon mein se sāt sau bainhatthe chune hue purūś the, jo sab ke sab aise the ki gofan se patthar mārane mein bāl bhar bhī na chūkate the. (Nyāyiyon 20:16)

Yah vacan aise sainikon ka ullekh karata hai jo gofan mārane mein kuśal the aur apane niśāne ko kabhī nahin ‘chūkate’ the. Chūkane ke lie mūl Ibrānī anuvādit śabd יַחֲטִֽא hai. Isī Ibrānī śabd Baibal ke adhikānś sthānon mein pāp śabd ke lie anuvād kiya gaya hai. Udāharan ke lie, ‘pāp’ ke lie yahī Ibrānī śabd upayog hua hai jab Yūsuph ko misr mein dāsatv ke lie bec diya gaya tha, jo apane svāmī kī patnī ke sāth vyabhichār nahin karata, yahān tak ki vahī Strī aisa karane ke lie usase nivedan karatī rahī. Usane usase kaha ki

Is ghar mein mujh se bada koī nahin, aur usane tujhe chod, jo usakī patnī hai, mujh se kuch nahin rakh choda, isaliye bhala, main aisī badī duśtata karake Parameśvar ka pāpī kyon banūn? (Utpatti 39: 9)

Aur dasavīn āgya ka ullekh karane ke thīk paśchāt vah kahata hai:

Mūsa ne logon se kaha, “Daro mat; kyonki Parameśvar isaliye āya hai ki tumhārī parīkśa kare, aur usaka bhay tumhāre man mein bana rahe ki tum pāp na karo. ” (Nirgaman 20:20)

In donon hī sthānon mein isī Ibrānī śabd יַחֲטִֽא ka upayog kiya gaya hai jisaka anuvād ‘pāp’ ke rūp mein kiya gaya hai. Yahī sainik ke lie ‘chūkane’ ke lie upayog kiya gaya thīk vahī śabd hai jo gofan se apane niśāne ko kabhī nahin chūkate the jaisa ki in vachanon mein varnan kiya gaya hai jisaka arth hai ‘pāp’ jab bāt logon ke dvāra ek dūsare ke sāth vyavahār karane kī ātī hai. Is bāt ko hamen samajh pradān karane ke lie ki ‘pāp’ kya hai ek chitr ka prabandh kiya hai. Sainik ek patthar ko leta hai aur use gofan mein bāndh kar niśāne ke ūpar mārata hai. Yadi vah chūk jāta hai to vah apane uddeśy ko prāpt karane mein asaphal ho gaya. Thīk isī tarah se, ham Parameśvar ke Svarūp mein rache hue hone ke kāran kis tarah se ham svayan ko usase sambandhit aur kaise ham anyon se vyavahār karate hain, ke niśāne se kahīn chūkate to nahin hain. ‘Pāp’ karane ka arth us uddeśy se, ya niśāne se chūk jāna hai, jise hamāre lie icchit kiya gaya tha, aur jise ham hamārī bhinn tantr pranāliyon, dharmon aur vichāradhāraon mein bhī svayan ke lie icchit karate hain.

‘Pāp’ ka bura samāchār – prāthamikata ka nahin apitu saty ka viśay hai

Manuśy kī is bhraśt aur niśāna-chūkane ka chitr sundar nahin hai, yah accha-mahasūs kie jāne vāla nahin hai, na hī yah āśāvādī hai. Varśon ke paśchāt, is viśeś śikśa ke virodh mein drdhata se mainne logon ko pratikriya vyakt karate hue pāya hai. Mujhe yahān Kanāda mein Mahāvidyālay ke is vidyārthī ka smaran hai jo mujhe bahut adhik gusse se bhara hua dekhate hue aisa kahane laga tha, “Main tum mein viśvās nahin karata kyonki main jo kuch tum kah rahe ho use main pasand nahin karata hai.” Ho sakata ki ham ab ise pasand na karen, parantu isake ūpar dhyān kendrit karana hī niśāne ko chūkana hai. Kisī kī ‘pasand’ ka kisī bāt ke saty hone ya na hone se kya lena dena hai? Mujhe taiks dena, yuddh, AIDS aur bhūkamp pasand nahin hai – kisī ko bhī nahin hote hain – parantu kya ve isase chale jāte hain, aur na hī ham inamen se kisī ko bhī anadekha kar sakate hain.

Kānūn, pulis, tāle, chābīyān, surakśa ādi kī sabhī tarah kī tantr pranāliyān, jinhen hamane hamāre svayan ke samājon mein ek dūsare kī surakśa ke lie nirmit kiya hai, is bāt ka sujhāv avaśy dete hain ki kahīn par kuch galat hai. Sacchaī to yah hai ki tyauhār jaise Kumbh Mela lākhon logon ko unake ‘pāpon ko dhone’ ke lie apanī or khīnchata hai, yah sanket deta hai ki ham svayan apanī sahaj buddhi se jānate hain ki kisī na kisī tarīke se ham niśān se ‘chūk’ gae hain. Sacchaī to yah hai ki svarg jāne ke lie balidān die jāne kī śart kī vichāradhāra sabhī dharmon mein ek surāg ke rūp mein paī jātī hai ki ham svayan mein hī kuch hai jo ki thīk nahin hai. Sabase ant mein, is dharmasiddhānt to niśpakś tarīke se dekhe jāne kī āvaśyakata hai.

Parantu pāp ka yah dharmasiddhānt lagabhag sabhī dharmon, bhāśaon aur jātiyon mein vidyamān hai – jisake kāran ham sabhī niśāne se chūk jāte hain, jo ek bahut hī mahatvapūrn praśn ko uthāta hai. Parameśvar isake bāre mein kya karane vāla tha? Ham Parameśvar kī pratikriya ke bāre mein hamārī agalī post ya lekh mein dekhenge -jahān ham āne vāle uddhārak – Purūśa kī pratham pratigya ko dekhate hain jise hamāre lie bheja jaega.

Parantu prthvī-ke-madhy mein rahane vāle – Orkas kī tarah bhraśt

Mere pichale lekh mein mainne Baibal ādhārit us nīv ko dekha tha ki – kaise hamen yah dekhana chāhie ki ham Parameśvar ke svarūp mein rache hue hain. Parantu Ved Pustak (Baibal) – is nīv par aur āge kī or vikās karatī hai. Apane Parameśvar kī ārādhana ke lie Purāne Niyam ke Ibrāniyon ke dvāra pavitr gīton aur bhajanon ke sangrah ke rūp mein Bhajan Sanhita upayog kī jātī thī. Bhajan 14 Rāja Daūd (jo ek rśi bhī tha) ke dvāra lagabhag 100 Isa Pūrv mein racha gaya tha, aur usaka yah bhajan jīvan-kī-vastusthiti ko Parameśvar ke drśtikon se dekhane ka varnan karata hai.

Parameśvar ne Svarg mein se manuśyon par drśti kī, ki dekhe ki koī buddhimān, koī Parameśvar ka khojī hai ya nahin, ve sab bhatak gae, ve sab bhraśt ho gae; koī sukarmī nahin, ek bhī nahin. (Bhajan Sanhita 14: 2-3)

Vāky ‘bhraśt ho gae’ ka upayog pūrī mānavajāti ke vivaran ko dene ke lie kiya gaya hai. Kyonki yah kuch aisī bāt hai jo ham ban gae hain, yahān par bhraśtata ka ullekh Parameśvar ke svarūp mein rache hue hone kī ārambhik sthiti ke lie kiya gaya hai. Yah sandarbh kahata hai ki yah bhraśtata svayan mein hī nirdhārit kī huī Parameśvar se prthak ātm-nirbharata hai (‘Ve’ sabhī ‘Parameśvar ka khojī’ banane se ‘bhatak gae hain’), aur sāth hī koī bhī ‘bhale’ ke kāry ko nahin kar raha hai .

Alvas aur Orkas ke bāre mein sochana

Lord-of-the-rings-orcs
Orkas arthāt Dānavon aur Mānav Striyon ke mel se utpann hue log kaī tarīkon se ghinaune the. Parantu ve sādhāran rūp mein Alvas kī bhraśt santānen the.

Prthvī-ke-madhy mein rahane vāle – Orkas ke bāre mein sarvottam rūp se samajhane ke lie Lord āph da Rings arthāt Angūthī ka Svāmī philm ek udāharan hai. Dikhane, vyavahār aur prthvī ke sāth unake vyavahār mein Orkas ghrnit prāniyon ke jaise the. Tathāpi Orkas Alvas kī santānen jo saūron ke

Elves
Alvas kulīn aur tejasvī the

Dvāra bhraśt ho gaya tha. Jab āp prakrti ke sāth dikhaī dene vālī tejasvī, sadvabhāvapūrn aur sambandh ko dekhate hain jo Alvas (Loglos ke bāre mein sochen) ke the aur yah pahachān lete hain ki bhraśt Orkas kabhī Alvas the jo bhraśt ho gae tab āp jo kuch yahān logon ke bāre mein kaha gaya hai use adhik samajh paenge. Parameśvar ne Alvas kī rachana kī thī parantu ve Orkas ban gae.

Yah us bāt ke lie bilkul sahī hai jise hamane logon ke madhy mein viśvavyāpī pravrtti ke rūp mein dhyān diya hai, arthāt svayan ke pāpon ke prati jāgarūk aur isase śuddh hone kī āvaśyakata – jaisa kī Kumbh Mela Tyauhār mein dikhalāya gaya hai. Is tarah se ham yahān par is drśtikon par pahuncate hain: logon ke sanvedanaśīl, vyaktigat aur naitik hone ke Baibal ādhārit ārambhik bindu ka jo ki bahut hī adhik śikśāprad hai, parantu tathāpi bhraśt bhī, us bāt ke lie sahī hai jise hamen svayan ke bāre mein dekhate hain. Logon ke svayan ke ānkalan ke prati – yah chaturaī pahachān mein ā jātī hai ki hamamen nihit naitik svabhāv hai jise badī āsānī se andekha kiya ja sakata hai kyonki hamāre vyavahār ke kāry vāstav mein – is bhraśtata ke kāran – kabhī bhī usake anurūp nahin hote hain jisakī māng yah svabhāv karata hai. Baibal kī soch manuśy ke jīvan ke liye bilkul sahī hai. Tathāpi, yah ek spaśt praśn ko utpann kar detī hai: kyon Parameśvar ne hamen is tarah se – ek naitik diśāsūchak ke sāth racha aur tathāpi yah bhraśt hai? Prasiddh nāstik Kristofar Hacchins aise śikāyat karata hai:

“….Yadi Parameśvar vāstav mein chāhata ki log is tarah ke vichāron se svatantr hon [arthāt bhraśtata se bhare hue], to use aur adhik sāvadhānī se ek bhinn prajāti ka aviśkār karana cāhie.” Kristofar Hacchins. 2007. Parameśvar mahān nahin hai: Kaise dharm sab kuch ko kharāb kar deta hai. Prśth 100.

Parantu yahī vah bāt hai jahān par ākar vah apanī jaldabājī mein Baibal ke gyān ko svīkār karane se inkār kar deta hai arthāt vah ek bahut hī mahatvapūrn bāt ko kho deta hai. Baibal aisa nahin kahatī hai ki Parameśvar ne hamen is tarīke se banāya hai, parantu kyonki ārambhik srśti ke paśchāt se kuch bahut hī bura ghatit ho gaya jo mānav ko is tarah-kī-vastu – sthiti mein le āya. Mānav itihās mein usakī srśti hone ke paśchāt ek mahatvapūrn ghatana ghatit ho gaī. Pratham manuśy ne Parameśvar kī āgya tod dī, jaisa ki utpatti mein varnit kiya gaya hai – Baibal (Ved Pustak) kī pahalī aur sabase pratham pustak, aur unake dvāra āgya pālan na kie jāne ke kāran ve parivartit aur bhraśt ho gae. Is lie hī ham ab tamas, ya andhakār mein jīvan vyatīt karate hain.

Manuśy ka pāp mein Girana

Mānavīy itihās mein is ghatana ko aksar Patan mein Girana kah kar pukāra jāta hai. Adam, pratham purūś, Parameśvar ke dvāra racha gaya tha. Parameśvar aur Adam ke madhy mein ek tarah ka karār tha, jaise vivāh mein viśvāsayogyata hoti hai, aur Adam ne ise tod diya. Baibal varnan karatī hai ki Adam ne ‘bhale aur bure ke gyān ke vrkś’ ke phal mein se tod kar kha liya, yadyapi ve sahamat the ki ve is vrkś mein se tod kar nahin khaenge. Samajhauta aur svayan vrkś ne, Adam ko Parameśvar ke prati viśvāsayogy rahana hai ya nahin ke lie chunāv karane kī svatantr iccha de dī. Adam ko Parameśvar ke svarūp mein racha gaya tha, aur use Parameśvar ke sāth mitrata ke sambandh mein rakha gaya tha. Parantu srśti ke prati ādam ke pās kisī tarah ka koī chunāv nahin tha, isalie Parameśvar ne usako hone diya ki vah Parameśvar ke sāth usakī mitrata ko banae rakhane ka chunāv kar sakata tha. Thīk vaise hī jaise yadi baithana asambhav ho to khade rahane ka chunāv vāstavik nahin hota, Parameśvar ke prati Adam kī mitrata aur bharosa bhī ek chunāv kī tarah hī thī. Yah chunāv ek āgya ke ūpar ādhārit thī ki ek vrkś ke phal ko nahin khāna hai. Aur ādam ne vidroh karane ko cun liya. Jo kuch ādam ne apane vidroh se ārambh kiya vah na-rūkate-hue ek ke paśchāt dūsarī Pīdhī mein āj ke din tak chalata chala ā raha hai. Isaka kya arth hai ise ham apane agale lekh mein dekhenge.

Parameśvar Ke Svarūp Mein

Hamane pahale hī dekh liya hai ki kaise Purūśāsūkta ka ārambh samay ke ārambh hone se pahale hota hai aur yah kaise Parameśvar kī manasa (Prajāpati) ko Purūśa ke balidān karane ke nirnay ka varnan karata hai. Is nirnay ke paśchāt srśti kī vastuon ka srjan hota hai – jisamen mānavajāti kī srśti bhī sammilit hai.

Aaie ab is bāt par dhyān den ki Ved Pustak (Baibal) manuśy kī srśti ke bāre mein kya kahatī hai jisase ki ham us samajh ko srśti ke vivaran ke mukhy sandarbh ko dekhate hue prāpt kar saken jisake dvāra Baibal hamāre bāre mein śikśa detī hai.

Phir Parameśvar ne kaha, “Ham manuśy ko apane svarūp ke anusār apanī samānata mein banaen…” Tab Parameśvar ne manuśy ko apane svarūp ke anusār utpann kiya, apane hī svarūp ke anusār Parameśvar ne usako utpann kiya; Nar aur Nārī karake usane manuśyon kī srśti kī. (Utpatti 1:26-27)

“Parameśvar ke Svarūp Mein”

Isaka kya arth hai ki ‘manuśy kī srśti Parameśvar ke svarūp ke anusār huī?’ Jabaki isaka yah arth nahin hai ki Parameśvar do hāth, ek sir ādi ke sāth bana hua ek Bhautik Prānī hai. Isakī apekśa, gahanata ke sāth yah aisa kah raha hai ki logon ke mūlabhūt gun Parameśvar ke jaise hī gunon ke ūpar ādhārit hain. Udāharan ke lie, donon arthāt Parameśvar (Baibal mein) aur logon (ka avalokan karane par) ke pās Buddhi, Bhāvanaen aur Iccha hai. Baibal mein kaī bār Parameśvar ko Udās, Dukhit, Krodhit ya Aanandit hote hue chitrit kiya hai – usī tarah kī sīma mein Bhāvanaen jise ham manuśy anubhav karate hain. Ham dainik ādhār par nirnayon ko lete aur chunāvon ko karate hain. Thīk isī tarah se Baibal mein Parameśvar un chunāvon ko karata hai jo usake nirnayon se ātī hain. Tark aur sochane kī hamārī kśamata badī sūkśmata ke sāth Parameśvar se ātī hai. Hamāre pās Buddhi, Bhāvana aur Iccha kī kśamata hai kyonki Parameśvar ke pās hai aur ham usake svarūp mein srje hue hain.

Gahanata ke star par ham dekhate hain ki ham Sanvedanaśīl, Svayan-ke-prati Jāgarūk aur ‘Main’ aur ‘Aap’ ke vivek ke sāth srje hue prānī hain. Ham vyaktitvahīn thos ‘vastu’ nahin hain. Ham aisa isalie hain kyonki Parameśvar isī tarah ka hai. Is mūlabhūt drśtikon mein, Baibal ke Parameśvar ka chitran jānī-pahacānī Stār Var philm mein ‘śakti’ kī tarah vyaktitvahīn Sarveśvaravād ke rūp mein nahin kiya gaya hai. Yah sacchaī ki manuśy ‘thos’ vastu hone kī apekśa Sanvedanaśīl Vyakti hai Parameśvar ke bāre mein is ārambhik śikśa ke prakāś ke ālok mein arthapūrn hai. Ham aise isalie hain kyonki Parameśvar is tarah ka hai, aur ham usake svarūp mein srje gae hain.

Hamen Saundary Bodh kyon hai

Ham kala aur nātak se bhī prem karate hain. Ham svābhāvik rūp se sarāhana karate hain aur yahān tak ki hamen Sundarata kī āvaśyakata hai. Isamen sangīt aur sāhity ko śāmil karate hue yah drśy Saundary se pare chala jāta hai. Sangīt ke bāre mein sochen ki yah hamāre lie kitana mahatvapūrn hai- yahān tak ki ham kaise nāchane ke lie kitana adhik prem karate the. Sangīt to hamāre jīvan ko bahut adhik samrddh karata hai am āj bhī acchī kahāniyon, chāhe vah upanyāson ya nātakon, ya adhik sāmāny rūp mein philmon mein hī kyon na ho, prem karate hain. Kahāniyon ke nāyak, khalanāyak, katha, aur prasiddh kahāniyān to in nāyakon, khalanāyakon aur katha ko hamārī kalpanaon mein hī miśrit kar detī hain. Manoranjan, punarjīvan, aur svayan kī tājagī ke kaī tarīkon mein kala kī sarāhana aur upayog karana hamāre lie bahut hī svābhāvik hai. Kyonki Parameśvar ek kalākār hai aur ham usake svarūp mein srje gae hain.

Yah praśn pūchana mahatvapūrn hai. Ham kyon svābhāvik rūp se chāhe vah kala, nātak, sangīt ya sāhity hī kyon na ho mein itane adhik saundary bodhit hote hain? Jab kabhī bhī mein bhārat kī yātra par jāta hūn main sadaiv bhāratīy philmon ko lekar āścharyachakit raha hūn jo paśchim mein nirmit philmon se kahīn adhik sangīt aur nrty ke gunon se bharī huī hotī hain. Dainiyal Dinet, ek mukhar nāstik aur sangyānātmak prakriyaon kī samajh rakhane vāla ek vidvān, bhautikavādī drśtikon isaka uttar deta hai:

“Parantu is anusandhān mein adhikānś abhī bhī sangīt ko gambhīrata se nahin lete hain. yah śāyad hī kabhī pūchata hai: ki kyon sangīt astitv mein hai? Isaka ek sankśipt uttar hai, jahān tak sangīt kī bāt hai: isaka astitv is lie hai kyonki ham ise prem karate hain aur isalie ham aur adhik ise astitv mein lāte chale jāte hain. Parantu ham ise kyon prem karate hain? Kyonki ham pāte hain ki yah bahut hī sundar hai. Parantu yah hamāre lie sundar kyon hai? Yah to apane mein pūrn ek accha jaivik praśn hai, parantu isaka abhī tak koī ek accha uttar nahin mila hai. (Dainiyal Dinet. Jādū ko todana: Ek Prākrtik Ghatana ke rūp mein Dharm. Prśth 43)

Mānav jāti ke ūpar Bhautikavādī drśtikon ka hamārī mānavīy prakrti ke bāre mein is mūlabhūt praśn ka koī uttar nahin hai. Baibal ke drśtikon se yah pata chalata hai ki Parameśvar ek kalākār aur Saundaryabodhak hai. Usane vastuon ko sundarata se srja aur vah isaka ānand leta hai. Ham, usake svarūp mein srje gae, us ke jaise hain.

Ham Naitik Kyon Hain

Isake atirikt, ‘Parameśvar ke svarūp mein srje hona,’svābhāvik naitik kśamata ka varnan karata hai jo kisī bhī Sanskrtiyon mein to sāmāny paī jātī hai, aur jise hamane Guru Daīn Bāba kī naitik śikśaon mein dekh liya hai. Kyonki ham Parameśvar ke svarūp aur naitikata ke tatv mein hain, jaise ki ek Kampās Chumbakīy Uttar kī or nirdeśit rahata hai, hamāra niśpakśata, ‘bhalaī, sahī ke lie nirdeśit rahana bhī isī tarah se srja hua hai kyonki Parameśvar isī tarah se bana hua hai. yah mātr Dhārmik log hī nahin hai jo is tarah se srje hue hain – apitu pratyek isī tarah se srja hua hai. Isakī pahachān karana galatafahamiyon ko utpann karata hai. Udāharan ke lie Bhautikavādī Amerikan Saim Hairis se is chunautī ko len.

“Yadi āpaka yah viśvās karana sahī hai ki dhārmik āstha hī naitikata ke lie vāstavik ādhār pradān karatī hai, tab to nāstikon ko viśvāsiyon se kam naitik hona chāhie.” Saim Hairis. 2005. Ek Isaī Rāśtr ko Patr. Prśth 38-39

Hairis yahān par galat hai. Baibal ādhārit hokar kahana, naitikata ke bāre mein hamārī samajh dhārmik vyakti hone kī apekśa Parameśvar ke svarūp mein srje hone ke ūpar ādhārit hai. Aur yahī kāran hai ki nāstikon ke pās, ham sabhī bākī kī tarah, yah naitik Bhāvana hai aur ve naitik rūp se kāry kar sakate hain. Nāstikavād ke sāth kathinaī yah hai ki ve kisake prati jabāvadeh hon ki hamāre pās naitikata kyon hai – parantu Parameśvar ke naitik svarūp mein srja hua hona hī isaka ek saral aur sīdha sa vivaran hai.

Kyon Ham Itane Sambandh Parak Hain

Baibal ke anusār, svayan ko samajhane ke lie prārambhik bindu is bāt kī pahachān karana hai ki ham Parameśvar ke svarūp mein srje hue hain. Yahī kāran hai, ki jab ham ya to Parameśvar ke prati antardrśti (jo kuch usake bāre mein Baibal mein prakāśit kiya hai ke dvār) ya logon ke prati (avalokan aur pratibimb ke dvāra) ham sāth hī anyon ke prati bhī antardrśti prāpt kar sakate hain. Is kāran, udāharan ke lie, yah dhyān dena āsān hai ki log sambandhon ko itana adhik mahatv kyon dete hain. Yah thīk hai ki ek acchī Philm ko dekha jae parantu yah aur bhī adhik uttam anubhav hoga ki isako kisī ek mitr ke sāth dekha jae. Ham svābhāvik rūp se apane anubhavon ko sānjha karane ke lie mitron kī khoj karate hain. Sārthak mitrata aur Pārivārik sambandh hamārī bhalaī ke bhāv ke lie kunjī hai. Isake viparīt, akelāpan aur/ya khandit Pārivārik sambandh aur mitrata ke sambandh mein darāren hamen Tanāv mein le ātī hain. Ham anyon ke sāth hamāre sambandhon kī sthiti ke dvāra avichalit ya tatasth nahin hote hain. Ek bār phir se, Bhārat mein nirantar yātra karane vāle ke rūp mein yah bāt badī drdhata ke sāth Bhāratīy Philmon mein dikhaī detī hai. Aisa jān padata hai ki vahān sadaiv pārivārik aur romāntik sambandhon ko badī drdhata ke sāth in Philmon mein chitrit kie jāte hain.

Ab, yadi ham Parameśvar ke svarūp mein srje gae hain, tab hamen Parameśvar ke sāth isī tarah ke sambandh ke ūpar mahatv die jāne kī apekśa karanī chāhie, aur sacchaī yah hai ki ham ise pāte hain. Baibal kahatī hai ki, “Parameśvar prem hai…. ” (1 Yūhanna 4:8). Is mahatvapūrnata ke bāre mein Baibal mein bahut kuch likha gaya hai jise Parameśvar usake aur anyon ke prati hamāre prem ke ūpar deta hai – sacchaī to yah hai ki unhen Yīśu (Yīśu Satsang) ke dvāra Baibal mein do bahut hī mahatvapūrn ādeś mein kaha gaya hai jab āp isake bāre mein socate hain, to prem ko Sambandhaparak hona chāhie kyonki ise kāryarūp mein pragat karane ke lie ek aise Vyakti kī āvaśyakata hotī hai jo prem (Premī) karata ho aur ek aise Vyakti kī āvaśyakata hotī hai jo is prem ka bindu ho – arthāt isaka Priyattam ho.

Is prakār hamen Parameśvar ko ek Premī ke rūp mein sochana chāhie. Yadi ham use keval ‘Mukhy Sanchālak’, ya ‘Pratham Kārak’, ‘Sarvagyānī Iśvar’,‘Paropakārī Prānī‚ ya kadācit ‘Vyaktihīn Atma’, ke rūp mein hī sochenge to ham Baibal ke Parameśvar ke bāre mein nahin soch rahe hain – isakī apekśa hamane hamāre manon mein apane hī Devata kī rachana kar lī hai. Yadyapi usake pās yah sab kuch hai, use sambandhon mein lagabhag betahāśa Bhāvuk chitrit kiya gaya hai. Usake ‘pās’ prem nahin hai. Vah prem ‘hai’. Parameśvar ka logon ke sambandh ke lie Baibal mein do pramukh rūpak die gaye hain jo pita ka usake bacchon ke sāth aur ek pati ka usakī patnī ke sāth sambandh ke hain. Ye ‘pratham kārak’ ke abhāvuk dārśanik udāharan nahin hai, apitu ye mānavīy sambandhon mein bahut hī antarang aur gahanata ke sāth hain.

Is tarah se abhī tak hamane nīv ko nirmit kar liya hai. Log Parameśvar ke svarūp mein srje hue hain jo unake Manon, Bhāvanaon aur Iccha se milakar bana hua hai. Ham Sanvedanaśīl aur Svayan-ke-prati Jāgarūk hain. Ham hamārī ‘Naitik-Vyākaran’ ke sāth naitik prānī hain jo hamen ‘sahī’ aur ‘niśpakś’ aur jo niśpakś nahin hai, ke prati janmajāt rūp se nirdeśit karatī hai. Hamāre pās sabhī tarah ke rūpon mein sundarata, kala aur kahānī kī sarāhana aur vikās karane kī sahaj kśamata hai. Aur ham janmajāt aur svābhāvik rūp se sambandhon ko anyon ke sāth mitrata kī khoj karate aur isaka vikās karate hain. Ham yah sab kuch hain kyonki Parameśvar yah sab kuch hai aur ham Parameśvar ke svarūp mein srje hue hain. Is nīv ko nirmit karate samay yah sab katautiyān kam se kam un sabake sāth banī huī hain jise ham hamāre bāre mein avalokan karate hain. Ham hamārī agalī post arthāt lekh mein kuch kathinaiyon ko dekhenge.

Mokś – Karmon se svatantrata ko prāpt karana

Karm, Gurutvākarśan kī tarah hī, ek aisī vyavastha hai jo ki āpake aur mere ūpar kāryarat hai. Karm ka arth bahut sī bāten ho sakatī hain, parantu isaka maulik vichār hamāre dvāra kie hue kāmon se hai aur dhārmik kāryon ke lābh aur bure kāryon ke lie dand hamāre prānon ke sāth juda hua hai. Jab tak hamāre kāry pūrī tarah se dhārmik nahin hote tab tak ham par inaka dand hai, aur jab tak yah dand nahin de diya jāta ham bandhan mein pade hue hain.

Ham sabhī kisī na kisī tarīke se sahaj buddhi se inaka ahasās karate hain. Aur hamārī buddhi aur gyān ke dvāra hamane bahut se aise tarīkon ko in jama kie hue karmon se nipatāra karane ke lie āviśkrt kar liya hai. Ek mārg karm mārg hai (kāmon ka ek mārg) jisamen ham bhale kāmon ke lie bahut hī kathin mehanat karate hain. Mantr aur pūja hain jinaka ucchāran kiya jāta hai. Tyohār aur pavitr snān jaisī bāten hain jinamen bhāg liya jāta hai, jaise Kumbh Mela Tyohār. Ye tarīke bahut hī kathin hain aur hamen kabhī bhī āśvast nahin kiya gaya hai ki hamāre prayās paryāpt hain. Kya hamāre karmon ke pīche kī gaī manśa bhalī thī? Kya bhale karmon kī sankhya kī mātra paryāpt hai? Ham isake lie kabhī bhī suniśchit nahin hain. Aur isalie, Guratvākarśan kī tarah hī, ham karmon mein bane rahate hue, svayam ko mokś prāpt karane aur svatantrata prāpti ke lie sakśam nahin hain. Isalie hī pūja karane se pahale adhikānś log Prarathāsnāna (yā Pratāsana) mantr (“Main ek pāpī hūn. Main pāp ka parinām hūn. Main pāp mein utpann hua. Mera prān pāp ke adhīn hai. Main sabase bada pāpī hūn. He Prabhu jisake pās sundar ānkhen hain, mujhe bacha le, balidān dene vāle he Prabhu.”) ka ucchāran karate hain.

Prajāpati/Yahova: aisa Parameśvar jo balidān mein prabandh karata hai

Isalie ab “balidān ka yah Prabhu kaun hai?” aur yah kaise hamen karmon kī vyavastha se bacha sakata hai? Sabase prāchīn ved ke lekhon mein, Parameśvar jo sārī srśti ka Prabhu tha – jisane ise racha aur brahmānd ko apane niyantran mein rakhata hai – ko Prajāpati kah kar pukāra jāta tha. Yah Prajāpati hī hai jisake dvāra bākī ka sab kuch astitv mein āya hai.

Rg Ved ke likhe jāne ke samay ke ās pās hī, lagabhag 1500 Isa Pūrv Pavitr Sāstr ka ek aur hissa Prthvī kī dūsarī chor – jise ab Madhy Pūrv Dvīp kah kar pukāra jāta hai, par likha ja raha tha. Ved Pustak (Baibal) ke ye ārambhik Ibrānī mūl pratiyān ko Torah ke nām se jāna jāta hai. Torah is ghośana ke sāth ārambh hotī hai ki ek hī Parameśvar hai jo is pūre brahmānd ka srśtikarta hai. Mūl Ibrānī bhāśa ke lipyāntaran mein is Parameśvar ko ya to Ilohīm ya phir Yahova kah kar pukāra jāta tha, aur in nāmon ko ek dūsare kesthān par aur in Ibrānī mūl pratiyon mein sabhī sthānon par upayog kiya jāta tha. Is prakār, Rg Ved ke Prajāpati ke jaise hī, Torah ka Yahova ya Ilohīm pūrī srśti ka Prabhu tha (aur hai).

Torah ke ārambh mein, Yahova ne svayam ko us Parameśvar mein pragat kiya hai jo ek Rśi jise Abrāham kah kar pukāra jāta hai, ke sāth huī muthabhed mein ullekhanīy tarīke se prabandh karane vāle ke rūp mein svayam ko pragat karata hai. Ham bād mein is muthabhed par aur adhik vistār se dekhenge. Abhī kuch palon ke lie, main chāhata hūn ki āp Yahova jo prabandh karata hai (Ibrānī bhāśa ke Yahova-Yire ka lipyāntaran) aur Rg Ved ke Prajāpati jo ki “srje huon ka samarthak aur surakśa karane vāla” hai, ke madhy paī jāne vālī samānataon ke ūpar dhyān den.

Kis tarīke mein Yahova prabandh karata hai? Hamane pahale hī is āvaśyakata kī or dhyān de diya hai ki hamen karmon se chutakāra prāpt karana hai, aur hamane us mantr ke ūpar bhī dhyān de diya hai jisamen ‘balidān vāle Prabhu’ se prārthana kī gaī hai. Rg Ved nimn bāt kahate hue usī ke ūpar aur adhik vistār karata hai:

Vāstavik balidān svayam Prajāpati hī hai

[Sanskrti: ‘Pajapatir yajnah’]

Satapath brāhman ka bhāśāntaran karate hue Sanskrt ke vidvān Aich. Agulīār nimn tippanī dete hai:

“Aur vāstav mein, is balidān ko pūra karane ke lie aur koī bhī (pīdit) nahin tha, parantu keval Prajāpati hī tha aur Devataon ne use balidān ke lie taiyār kar diya. Is kāran is sandarbh ke sambandh mein rśi ne kaha hai, ki Devataon ne balidān kī sahāyata se is balidān ko bhent mein chadha diya – kyonki balidān kī sahāyata ke dvāra unhonne us ko (Prajāpati ) bhent mein chadha diya, balidān – ye sabase pahale vidhān the, kyonki vyavasthaen sabase pahale sthāpit kī gaī thīn.” Aich. Agulīār, Rg Ved mein Balidān

Prāchīn samay se Ved ghośana karate ā rahe hain ki Prajāpati (ya Yahova) ne hamārī āvaśyakata kī pahacān kar lī thī isalie usane hamāre karmon ke lie svayam-ko-balidān ke lie dene ka prabandh kiya. Usane aisa kaise kiya ham bād ke lekhon mein dekhenge jab ham Rg Ved ke Purūśāsūkta mein Purūśa-Prajāpati ke balidān ke ūpar dhyān kendrit karenge, parantu abhī ke lie keval itana hī sochen ki yah kitana mahatvapūrn hai. Svetāśvataropaniśad 3:8 aise kahata hai:

‘Anant jīvan ka any koī mārg nahin hai’ (Sanskrt mein : Nanyahpantha vidyate – ayanaya) Svetāśvataropaniśad 3:8

Yadi āp karmon se bachane kī rūchi rakhate hain, yadi āp mokś ya ātm jāgrti kī iccha rakhate hain tab is bāt kī jānakārī hona buddhimānī hai ki kyon aur kaise Prajāpati (ya Yahova) ne hamāre lie Yīśu mein svayam-ke-balidān ke dvāra prabandh karate hue pragat kiya hai tāki ham karmon se bach saken aur svarg ko prāpt kar saken. Aur Ved hamen mārg mein nahin chod dete hain. Rg Ved mein Purūśāsūkata hai jo Prajāpati ke dehadhāran aur usake dvāra hamāre lie balidān hone ka vivaran deta hai. Yahān Par Purūśāsūkta ke parichay ko dekhane ke lie klik karen jo Purūśa ka vivaran vaise hī deta hai jaise Baibal (Ved Pustak) Yīśu satsang (Nāsarat ke Yīśu) ka karatī hai aur usaka balidān āp tak mokś ya mukti (amaratv) ko lekar āta hai. Isake paśchāt ham in Vedon ke adhyayan ko jārī rakhenge aur dekhenge ki kaise prāchīn rśi Ayyūb karmon se svayam kī svatantrata kī ghośana aur śāśvat jīvan – use mokś pradān kiya gaya tha, kī apekśa kar saka.

Balidān kī Viśvavyāpī āvaśyakata

Rśi aur Muni gan yugon se jānate the ki log chal arthāt māya aur pāp mein jīvan vyatīt karenge. Yah sabhī Dharmon, yugon ke logon aur śaikśanik yogyataon ke star par ek sahaj gyān kī jāgarūkata ke sāth pragat hua ki unhen kisī na kisī tarīke se śuddh hone kī āvaśyakata hai. Isalie hī bahut se log Kumbh mele ke tyohār mein bhāg lete hain aur kyon pūja karane se pahale log Prarathāsnāna (ya Pratāsana) mantr kī prārthana karo karate hain (“Main ek pāpī hūn. Main pāp ka parinām hūn. Main pāp mein utpann hua. Mera prān pāp ke adhīn hai. Main sabase bada pāpī hūn. He Prabhu jisake pās sundar ānkhen hain, mujhe bacha le, balidān dene vale, He Prabhu.”). Suddh hone ke is sahaj gyān ke sāth-sāth balidān dene kī āvaśyakata ka bhāv bhī hai ki kisī na kisī tarīke se hamāre pāpon ke jurmāne ya hamāre jīvan ke andhakār (tamas) ko ada kar diya jae. Aur ek bār phir se balidānon kī pūja mein, ya Kumbh mele aur any tyohāron mein log samay, dhan, tapasya ko dete hain tāki balidān ke is sahaj gyān kī āvaśyakata ko pūrn kar saken. Mainne suna hai ki log Gāyen ko lete hain aur usakī pūnch pakade hue Nadī ke us pār utarate hain. Yah ek pūja ya balidān ke rūp mein kśama ko kamāne ke lie kiya jāta hai.

Balidān ko dene kī āvaśyakata tab tak hamāre chāron or rahegī jab tak prāchīnattam dhārmik lekh hamāre chāron or rahenge. Aur ye lekh puśti karate hain ki jo kuch hamāra sahaj gyān hamen kahata hai – vah yah hai ki balidān bahut hī mahatvapūrn hai aur ise diya hī jāna chāhie. Udāharan ke lie nīche dī huī śikśaon ke ūpar vichār karen:

Kathopaniśad (Hindū lekh) mein nāyak Nacīketa kahata hai:

“Main sachamuch mein jānata hūn ki balidān svarg kī or le chalate hain aur svarg kī prāpti ka mārg hai” kathopaniśad 1:14

Hindū pustak kahatī hai:

“Balidān ke mādhyam se hī manuśy svarg pahuncata hai” Satapatha brāhmana. VII.6.1.10

“Balidān ke tarīke se, na keval manuśy apitu devata bhī amaratv ko prāpt kar lete hain” Satapatha brāhman. II. 2.2.8-14

Parināmasvarūp, balidān ke mādhyam se hī ham amaratv aur svarg (mokś) ko prāpt karate hain. Parantu praśn abhī bhī bana hua hai ki kis tarah ka balidān aur kitana adhik dand kī kīmat ada karane ke lie paryāpt hai ya hamāre pāpon/tamas ke virūddh lābh kamāne ke lie āvaśyak hai? Kya 5 varśon kī tapasya isake lie paryāpt hai? Kya garībon ko dhan dena ek balidān ke lie paryāpt hai? Aur isī tarah kī any bāten, kitana paryāpt hai?

Yahova/Prajāpati: Balidān ka prabandh karane vāla Parameśvar

Sabase prāchīnattam ved ke lekhon mein, Parameśvar jo srśti ka Prabhu tha–jisane ise racha aur brahmānd ko apane niyantran mein rakhata hai – ko Prajāpati  kah kar pukāra jāta tha. Yah Prajāpati  hī hai jisake dvāra bākī ka sab kuch astitv mein āya hai.

Rg Ved ke likhe jāne ke samay ke ās pās hī, lagabhag 1500 Isa Pūrv Pavitr Sāstr ka ek aur hissa Prthvī kī dūsarī chor – jise ab Madhy Pūrv Dvīp kah kar pukāra jāta hai, par likha ja raha tha. Ved Pustak (Baibal) ke ye ārambhik Ibrānī mūl pratiyān ko Torah ke nām se jāna jāta hai. Torah is ghośana ke sāth ārambh hotī hai ki ek hī Parameśvar hai jo is pūre brahmānd ka srśtikarta hai. Mūl Ibrānī bhāśa ke lipyāntaran mein is Parameśvar ko ya to Ilohīm ya phir Yahova kah kar pukāra jāta tha, aur in nāmon ko ek dūsare ke sthān par aur in Ibrānī mūl pratiyon mein sabhī sthānon par upayog kiya jāta tha. Is prakār, Rg Ved ke Prajāpati ke jaise hī, Torah ka Yahova ya Ilohīm pūrī srśti ka Prabhu tha (aur hai).

Torah ke ārambh mein, Yahova svayam ko us ‘praband karne wale’ Parameśvar ke rup main ek Rśi jise Abrāham kah kar pukāra jāta hai, ke sāth huī muthabhed mein ullekhanīy tarīke se svayam ko pragat karata hai. Ham bād mein is muthabhed par aur adhik vistār se dekhenge. Abhī kuch palon ke lie, main chāhata hūn ki āp Yahova jo prabandh karata hai (Ibrānī bhāśa ke Yahova-Yire ka lipyāntaran) aur Rg Ved ke Prajāpati  jo ki “Srje huon ka samarthak aur surakśa karane vāla” hai, ke madhy paī jāne vālī samānataon ke ūpar dhyān den.

Kis tarīke mein Yahova prabandh karata hai? Hamane pahale hī is logon ke dvāra balidān die jāne kī āvaśyakata ke ūpar dhyān de diya hai parantu is bāt kī niśchitata ke bina ki jis balidān ko ham la rahe hain vah paryāpt hai. Sabase adhik rūchipūrn bāt jo hai vah yah hai ki hamārī āvaśyakata ke is viśeś kśetr mein Tandayāmāha Brāhman yah ghośana karata hai ki kaise hamārī āvaśyakata ke lie Prajāpati  prabandh karega. yah kahata hai:

“Prajāpati  (sārī srśti ke Prabhu) ne svayam-ka-balidān ko devataon kī bhent ke lie chadha diya” Tandayāmāha Brāhman, adhyāy 7 ka 2ra kānd.” [Sanskrt mein – “Prajapatirddevebhyam atmanam Yajnam krtva prayacchat”]

Yahān par Prajāpati  ek vachan hai. Keval ek hī Prajāpati hai, thīk vaise hī jaise Torah mein ek hī Yahova hai. Bād mein Purānon ke Sāhity (Isvī San 500-1000 mein likhe gae) mein kaī Prajāpati yon kī pahachān kī gaī hai. Parantu sabase prāchīnattam lekhon mein jaisa ki ūpar likha gaya hai Prajāpati  ekavachan hai. Aur is kathan mein ham dekhate hain ki Prajāpati  svayam ko de deta hai ya vah svayam balidān hai aur vah anyon ke badale mein svayam ko de deta hai. Rg Ved yah kahate hue puśti karate hain:

“Vāstavik balidān svayam Prajāpati  hī hai” [Sanskrt: ‘Pajapatir yajnah’]

Satapatha Brāhman ka bhāśāntaran karate hue Sanskrta ke vidvān Aich. Agulīār nimn tippanī dete hain:

“Aur vāstav mein, is balidān ko pūra karane ke lie aur koī bhī (pīdit) nahin tha, parantu keval Prajāpati  hī tha aur devataon ne use balidān ke lie taiyār kar diya. Is kāran is sandarbh ke sambandh mein rśi ne kaha hai, ki devataon ne balidān kī sahāyata se is balidān ko bhent mein chadha diya– kyonki balidān kī sahāyata ke dvāra unhonne usako (Prajāpati ) bhent mein chadha diya, balidān– ye sabase pahale vidhān the, kyonki vyavasthaen sabase pahale sthāpit kī gaī thī.” Aich. Agulīār, Rg Ved mein Balidān

Prāchīn samay se Ved ghośana karate ā rahe hain ki Prajāpati  (ya Yahova) ne hamārī āvaśyakata kī pahachān kar lī thī isalie usane hamāre karmon ke lie svayam-ko-balidān ke lie dene ka prabandh kiya. Usane aisa kaise kiya ham bād ke lekhon mein dekhenge jab ham Rg Ved ke Purūśāsūkta mein Purūśa-Prajāpati ke balidān ke ūpar dhyān kendrit karenge, parantu abhī ke lie keval itana hī sochen ki yah kitana mahatvapūrn hai. Svetāśvataropaniśad 3:8 aise kahata hai:

‘Anant jīvan ka any koī mārg nahin hai’ (Sanskrt mein : Nanyahpantha vidyate – ayanaya) Svetāśvataropaniśad 3:8

Yadi āp śāś‍vat jīvan mein rūchi rakhate hain, yadi āp mokś ya ātm jāgrti kī iccha rakhate hain tab is bāt kī jānakārī hona buddhimānī hai ki kyon aur kaise Prajāpati  (ya Yahova) ne hamāre lie Yīśu mein svayam-ke-balidān ke dvāra prabandh karate hue pragat kiya hai tāki ham karmon se bach saken aur svarg ko prāpt kar saken. Aur ved hamen mārg mein nahin chod dete hain. Rg Ved mein Purūśāsūkta hai jo Prajāpati ke dehadhāran aur usake dvāra hamāre lie balidān hone ka vivaran deta hai. Yahān par Purūśāsūkta ke parichay ko dekhane ke lie klik karen jo Purūśa ka vivaran vaise hī deta hai jaise Baibal (Ved Pustak) Yīśu satsang (Nāsarat ke Yīśu) ka karatī hai aur usaka balidān āp tak mokś ya mukti (Amaratv) ko lekar āta hai. Yahān par yah samajhane ke lie klik karen ki Yīśu ke is balidān se śuddh ko kaise prāpt kiya jae.

Puruśa ka Balidān: Sabhī Vastuon kī Utpatti

Slok 3 aur 4 ke paśchāt Purūśāsūkta apane ghyān ko Purūśā ke gunon kī or se Purūśā ke balidān ke ūpar kendrit karata hai. Slok 6 aur 7 is par apane dhyān ko is tarīke se lagāta hai. (Sanskrti ka bhāśāntaran aur Purūśā ke ūpar mere bahut se vichār Josap Padanījerakāra dvāra rachit pustak Prāchīn Vedon mein Masīh (346 prśthon kī, 2007 mein likhī huī) nāmak pustak ke adhyayan se āe hain.)

Purūśāsūkta mein ślok 6-7

Sanskṛti kā Angrejī Lipyantaraṇ Sansṛti kā Hindī Bhāśātanran
Yatpurusena havisa Deva yajnam atanvata Vasanto asyasid ajyam Grisma idhmah saraddhavih Tam Yajnam barhisi prauksan Purusam jatamgratah Tena deva ayajanta Sadhya rsayas ca ye Jab Devataon ne bali ke rūp mein Purūśā ka balidān kiya, tab Vansat pighale hue ghī kī āhuti, Grīśm rtu īndhan, aur Sarad rtu isakī bali thī. Puāl mein bali ke rūp mein ārambh mein utpann hue Purūśā ko unhonne chidak diya. Devataon, Sādhuon aur Reśiyon ne use śhikār kī tarah balidān kar diya.

Yadyapi in ślokon ke sabhī pahalū turant spaśt nahin hote hain, parantu jo kuch yahān par spaśt hai vah yah hai ki isaka dhyān Purūśā ke balidān ke ūpar hai. Prāchīn Vaidik tīkākār Sankarāchāry ne is tarah se tippanī kī thī:

 “Reśiyon – Muniyon aur Devataon ne bali ke śhikār – Purūśā ko – balidān kī vedī ke sāth ek bali kie jāne vāle Yagy Paśu ke rūp mein bāndh liya aur apane manon se yagy mein usakī bhent cadhaī.” RgVed 10.90.7 ke ūpar Sankarāchāry kī Tīka

Slok 8-9 ka ārambh vākyānś “Tasmadyajnatsarvahutah…” se hota hai jisaka arth hai ki usake balidān mein Purūśā ne sab kuch bhent chadha diya jo kuch usake pās tha – usane kuch bhī apane pās na rakh choda. Isane karya ne us prem ko pradaReśit kiya jo usane apane balidān ko dene ke dvāra prakat kiya. Yahī keval vah prem hai jisamen ham svayam ko anyon ko dene ke lie de sakate hain aur apane pās kuch bhī nahin rakh chodate. Yīśu Satsang (Yīśu Masīh) ne Ved Pustak (Baibal) mein kaha hai ki:

 “Isase bada prem kisī ka nahin: ki koī apane mitron ke liye apana prān de” (Yūhanna 15:13).

Yīśu Satsang (Yīśu Masīh) ne yah apane śiśyon se kaha jab vah sveccha se svayam ko krūs ke ūpar jāne ke dvāra apana balidān dene ke lie arpan kar rahe the. Kya Purūśā ke balidān aur Yīśu Satsang ke madhy mein koī sambandh hai? Purūśāsūkta ślok 5 (Jise hamane abhī tak chor diya hai) hamen ek surāg pradān karata hai – parantu yah surāg hamen sarvapratham yah sanket dega ki isamen koī sambandh nahin hai. Yahān par ślok 5 hai

Purūśāsūkta mein ślok 5

Sanskṛti kā Angrejī Lipyantaraṇ Sansṛti kā Hindī Bhāśātanran
Tasmad Viralajayata Virajo adhi Purusah Sa jato atyaricyata Pascadbhumim atho purah Us se – Purūśā ke ek bhāg se – brahmānd ka janm hua tha aur ise Purūśā ka sinhāsan banāya gaya aur vah Sarvavyāpī ban gaya.

Purūśāsūkta ke anusār, Purūśā ka balidān samay ke ārambh mein kar diya gaya tha aur isake parināmasvarūp brahmānd kī srśti haī. Is prakār yah balidān prthvī par nahin kiya ja sakata hai kyonki yah balidān aisa tha jisake dvāra prthvī nikal kar āī thī. Slok 13 spaśt dikhāta hai ki yah srśti Purūśā ke balidān ke parināmasvarūp utpann huī hai. Yah kahata hai ki:

Purūśāsūkta mein ślok 13

Sanskṛti kā Angrejī Lipyantaraṇ Sansṛti kā Hindī Bhāśātanran
Candrama manaso jatas Caksoh suryo ajayata Mukhad Indra sca Agnisca Pranad Vayur ajayata Chandrama ka janm usake man se hua tha. Sūry usakī ānkh se nikal kar āya. Bijalī, Varśa aur Agni usake munh se utpann hue. Usakī śvās se Vāyu ka janm hua tha.

Ved pustak (Baibal) kī gahan samajh mein, yah sab kuch spaśt ho jāta hai. Ham is spaśtata ke ārambh ko tab dekhate hain jab ham Reśi (bhaviśyadvakta) Mīka ke rachanaon ko padhate hain. Vah Isa Pūrv 750 ke āsapās raha aur Yīśu Masīh (Yīśu Satsang) ke āgaman se 750 varśon tak rahate hue usane usake āgaman ko us śahar ke ūpar dhyān dete hue dekh liya jisamen usaka janm hona tha. Usane aise likha hai ki:

He Baitalaham Eprāta,

Yadi tū aisa chota hai

Ki Yahūda ke hajāron mein gina nahin jāta,

Taubhī tujh mein se mere liye ek Purūś nikalega,

Jo Israeliyon mein prabhuta karanevāla hoga;

Aur usaka nikalana prāchīnakāl se,

Varan anādi kāl se hota āya hai. (Mīka 5:2)

Mīka ne bhaviśyadvānī kī thī ki prabhuta karane vāla (ya Masīh) Baitalaham ke śahar se nikal kar āega. 750 varśon ke paśchāt Yīśu Masīh (Yīśu Satsang) ne is darśan kī pūrnata mein is śahar mein janm liya. Saty ke khojī aksar apane āścahry ko Mīka ke is darśan ke is pahalū ke ūpar kendrit karate hain. Kuch bhī ho, main is samay hamāre dhyān ko is āne vāle ke udgamon ke vivaran ke ūpar kendrit karana cāhata hūn. Mīka bhaviśy mein āne vāle kī bhaviśyadvānī kī ghośana karata hai, parantu vah kahata hai ki is āne vāle ka udgam atīt kī gaharaī mein hai. Usaka ‘nikalana prāchīnakāl se varan anādi kāl se hota āya hai.’ Is āne vāle ka udgam usake Prthvī par pragat hone se pūrvatithi ka hai! ‘Prāchīnakāl se…’ ke lie kitanī atīt mein jāna hoga? Yah anādi kāl ke dinon tak chala jāta hai. Ved pustak (Baibal) mein die hue saty gyān ke any vachan ise āge spaśt kar dete hain. Kulussiyon 1:15 mein Reśi Paulus (jisane ise lagabhag 50 Isvī San mein likha tha) ne Yīśu ke bāre mein aisī ghośana kī ki:

 Vah to adrśy Parameśvar ka pratirūp aur sārī srśti mein pahilautha hai (Kulussiyon 1:15)

Yīśu ko ‘adrśy Parameśvar ka pratirūp’ aur ‘sārī srśti mein pahilautha hone’ kī ghośana kī gaī hai. Dūsare śabdon mein, yadyapi Yīśu ka dehadhāran arthāt avatār lena itihās mein satīk samay (Isa Pūrv 4 – 30 Isvī San) mein hua tha, vah kisī bhī vastu kī srśti se pahale – yahān tak ki atīt mein anantakāl se astitv mein tha. Usane aisa isalie kiya kyonki Parameśvar (Prajāpati) sadaiv atīt ke anantakāl se astitv mein hai, aur usaka pratirūp hone ke kāran Yīśu (Yīśu Satsang) bhī sadaiv se astitv mein tha.

Jagat kī Srśti se Pahale kiya hua Balidān – Sab Vastuon kī Utpati

Parantu na keval vah atīt ke anantakāl se astitv mein hai, apitu Reśi (bhaviśyadvakta) Yūhanna ne Svarg ke ek darśan mein is Yīśu (Yīśu Satsang) ka varnan is tarah se kiya hai:

“… Memna jo jagat kī utpati ke samay se ghāt hua hai.” (Prakāśitavāky 13:8)

Kya yah ek virodhābhās nahin hai? Kya Yīśu (Yīśu Satsang) ko 30 Isvī San mein ghāt nahin kiya gaya tha? Yadi vah tab ghāt kiya gaya tha, tab vah kaise jagat kī utpati ke samay bhī ghāt kiya ja sakata hai? Is virodhābhās mein hī ham dekhate hain ki Purūśāsūkta aur Ved Pustak (Baibal) ek hī bāt ka vivaran de rahe hain. Hamane dekha ki Purūśāsūkta ka ślok 6 kahata hai ki Purūśā ka balidān ārambh tha. Joseph Padanījerakāra apane dvāra rachit Prāchīn Vedon mein Masīh nāmak pustak mein sanket dete hain ki Purūśāsūkta ke ūpar sanskrti kī tīka hamen batātī hai ki Purūśā ka ārambh mein hua balidān ‘Parameśvar ke hday mein’ tha (usane isaka anuvād sanskrti ke ‘Manasayagam’ ke arth se kiya hai). Vah sāth hī Sanskrti ke vidvān N J Sinde ka uddharan deta hai jo yah kahate hain ki ārambh mein hue yah balidān “mānasik ya pratīkātmak” raha tha (N J Sinde dvāra likhit pustak ‘Vaidik Sāhity mein Purūśāsūkta’ (Sanśodhit 10-90) (Pūna Viśvavidyālay, ke Sanskrt ke ucch Adhyayan Kendr Dvāra Prakāśit)1965.

Is tarah se ab Purūśāsūkta ka rahasy spaśt ho jāta hai. Purūśā Parameśvar aur Parameśvar ka pratirūp, atīt ke anantakāl se tha. Vah kisī bhī vastu ke hone se pahale se tha. Vah sabhī vastuon mein pahilautha tha. Parameśvar, apane Sarvagyān mein, pahale se hī jānata tha ki manuśy kī srśti ke lie ek balidān kī āvaśyakata hogī. Is balidān mein us sab kī āvaśyakata hogī jisaka prabandh vah – Purūśā ke dehadhāran arthāt avatār ke mādhyam se is jagat mein pāpon kī śuddhata ya śodhan ko balidān ke rūp mein pūra karega. Is samay Parameśvar ko yah nirnay lena tha ki vah brahmānd tatha mānav jāti kī rachana kare ya nahin. Is nirnay mein Purūśā ne svayam ke sveccha se balidān hone ka nirnay liya, aur is tarah se srśti kī rachana huī. Is tarah se, mānasik rūp mein, ya Parameśvar ke hrday mein, Purūśā “jagat kī srśti ke samay se ghāt kiya” hua tha jaisa ki Ved Pustak (Baibal) ghośana karatī hai.

Ek bār jab – yahān tak ki samay ke ārambh hone se pahale – nirnay le liya gaya –Parameśvar (Prajāpati – sārī srśti ke prabhu) ne samay, brahmānd tatha mānav jāti kī srśti ko rach diya. Is tarah se Purūśā ke sveccha se hone vāle balidān ‘brahmānd kī rachana’ (śalok 5), Chandrama, Sūry, Bijalī aur Varśa (ślok 13), aur yahān tak ki svayam samay ke ārambh hone (ślok 6 mein ullikhit Vasant, Grīśm aur Sarad rtu kī rachana) ka kārak ban gaya. Purūśā hī in sabhī ka pahilautha tha.

 Ve ‘Devatāgan kaun hain jinhonne Purūśā ka Balidān kiya tha?

Parantu ek pahelī abhī bhī anasulajhī bākī hai. Purūśāsūkta ślok 6 kahata hai ki ‘devatāganon’ (devon) ne Purūśā ka balidān kiya tha? Yah devatāgan kaun hain? Ved Pustak (Baibal) isakī vyākhya karatī hai. Daūd nāmak ek Reśi ne Isa Pūrv 1000 varśon pahale ek pavitr stutigān mein likha hai jo yah prakāśit karata hai ki kaise Parameśvar (Prajāpati) ne purūśon aur striyon ke lie bola:

“Main ne kaha tha, ‘tum “Iś‍var” ho; aur sab ke sab Parama Pradhān ke putr ho.’” (Bhajan Sanhita 82:6)

1000 varśon paśchāt Yīśu Satsang (Yīśu Masīh) ne Reśi Daūd dvāra rachit is pavitr stutigān ke ūpar yah kahate hue tippanī dī ki:

Yīśu ne unhen uttar diya, “kya tumhārī vyavastha mein nahin likha hai, ‘mainne kaha, tum Iś‍var ho?’ 35 Yadi usane unhen Iś‍var kaha jinake pās Parameśvar ka vachan pahuncha – aur Pavitraśāstr kī bāt asaty nahin ho sakatī – 36 To jise Pita ne pavitr thaharākar jagat mein bheja hai, tum usake viśay mein kya kahate ho?” (Yūhanna 10:34-36)

Yīśu Satsang (Yīśu Masīh) puśti karate hain ki Reśi Daūd ne Saty Pavitraśāstr mein śabdāvalī devata arthāt ‘Iś‍var’ ka upayog kiya hai. Unhonne aisa kin arthon mein kiya hai? Ham dekhate hain ki Ved Pustak (Baibal) kī srśti ke vivaran mein ham ‘Parameśvar ke svarūp’ mein srje gae hain (Utpatti 1:27). Isī bhāv mein kadāchit hamen devata ya ‘Iīśvar’ ke rūp mein māna ja sakata hai kyonki ham Parameśvar ke svarūp mein srje gae hain. Parantu Ved pustak (Baibal) isakī vyākhya āge karatī hai. Yah ghośana karatī hai ki vah jo Purūśā ke is balidān ko svīkār karate hain unhen:

Jaisa usane hamen jagat kī utpati se pahale usamen chun liya ki ham usake nikat prem mein pavitr aur nirdoś hon. Aur apanī iccha ke bhale abhiprāy ke anusār hamen apane liye pahale se thaharāya ki Yīśu Masīh ke dvāra ham usake lepālak Putr hon (Iphisiyon 1:4-5)

Jab jagat kī srśti se pūrv hī Prajāpati-Purūśā ne Purūśā ke balidān ko ek pūrn balidān ke rūp mein āhuti dene ke lie nirnay le liya tha, tab Parameśvar ne usake logon ko bhī chun liya tha. Usane unaka chunāv kis kāry ke lie kiya tha? Yah badī spaśtata se kahata hai ki usane hamāra chunāv apane ‘Putr hone ke lie kiya tha.

Dūsare śabdon mein, Ved pustak (Baibal) ghośana karatī hai ki purūś aur striyon ka chunāv tab kiya gaya jab Parameśvar ne svayam ko pūrn balidān mein āhuti dene ke lie chunana tay kiya tāki vah usake balidān ke dvāra Parameśvar kī santān ban jae. In arthon mein hamen ‘Iś‍var’ ya devata kaha gaya hai. Yah un logon ke lie saty hai (Jaisa ki Yīśu Satsang ūpar ghośana karate hain) jinake lie Parameśvar ka vacan āya– arthāt unake lie jo usake vachan ko grahan karate hain. Aur inhī arthon mein yah bhaviśy kī Iś‍var kī santān kī āvaśkayata thī jisane Purūśā ke balidān ko vivaś kiya. Jaisa ki Purūśāsūkta ślok 6 kahata hai ki ‘Jab Devataon ne bali ke rūp mein Purūśā ka balidān kiya.’ Purūśā ka balidān hamāra śodhan tha.

Purūśā ka Balidān – Svarg ka Mārg

Is tarah se ham prāchīn Purūśāsūkta aur Ved Pustak mein prakāśit die hue gyān mein Parameśvar kī yojana ko dekhate hain. Yah ek vismit karane vālī yojana hai – aisī jisakī kalpana nahin kī ja sakatī hai. Yah hamāre lie bahut hī mahatvapūrn hai kyonki jaise Purūśāsūkta 16ven ślok mein sār sahit samāpt hota hai ki:

Sanskṛti kā Angrejī Lipyantaraṇ Sansṛti kā Hindī Bhāśātanran
Yajnena yajnamajayanta Devastani dharmani prathamanyasan Teha nakam mahimanah sacanta Yatra purve sadhyah santidevah Devataon ne Purūśā ko Yagyapaśu ke rūp mein bali kar diya. Yah sabase pratham sthāpit siddhānt hai. Isake mādhyam se Reśiyon ne Svarg kī prāpti kī.

Ek ‘Reśi’ ek buddhimān vyakti hota hai. Aur Svarg kī prāpti ke lie tarasana vāstav mein ek buddhimānī kī bāt hai. Yah hamārī pahunch se pare nahin hai. Yah asambhav nahin hai. Yah keval sabase adhik tapasvī pavitr logon ke lie hī nahin hai jo apane charam anuśāsan aur dhyān ke mādhyam se mokś kī prāpti karna chahte hain. Yah keval Gurūon ke lie nahin hai. Isake viparīt yah ek aisa mārg hai jise svayam Purūśā ne Yīśu Masīh (Yīśu Satsang) ke rūp mein apane dehadhāran arthāt avatār ke dvāra prabandh kiya hai.

Purūśā ka Balidān – Svarg ke lie any koī Mārg nahin

Sacchaī to yah hai ki isaka prabandh na keval hamāre lie kiya gaya apitu Purūśāsūkta ślok 15 aur 16 ke madhy mein Sankarāchāry kī Sanskrti kī tīka aise kahatī hai ki:

Sanskṛti kā Angrejī Lipyantaraṇ Sansṛti kā Hindī Bhāśātanran
Tameva vidvanamrta iha bhavati Nanyah panta ayanaya vedyate Is tarah, vah jo ise jānata hai mrtyuhīnata kī sthiti mein pahunchane ke lie sakśam ho jāta hai. Yahān tak pahunchane ke lie kisī any mārg kī pahachān nahin kī gaī hai

Anant Jīvan (mrtyuhīnata) tak pahunchane ke lie kisī any mārg kī pahacān nahin kī gaī hai! Niśchit rūp se is viśay ka adhyayan thoda adhik acche se karana buddhi kī bāt hai. Abhī tak mainne Ved Pustak (Baibal) ke chāron or adhyayan yah dikhāne ke lie kiya hai ki yah kaise Parameśvar, manuśy aur vāstavikata kī ek vyāpak katha ko batalāta hai jo Purūśāsūkta mein kahī huī katha ke sāth gūnjatī hai. Parantu mainne vistār ya kram mein is katha ko nahin dekha hai. Ise sīkhana bahut adhik bāt hai, bahut adhik Reśi aur stutigān aur siddhānt hain jinhen prakāśit kiya gaya hai. Is uddeśy ke sāth, main āpako nimantran dena chāhata hūn ki mere sāth Ved Pustakon ko aur adhik vistār ke sāth, ārambh se śurū karate hue, srśti ke bāre mein sīkhate hue adhyayan karen, ki aisa kya hua ki Purūśā ke balidān kī āvaśyakata padī, us jagat ke sāth kya hua jisake kāran Manu (Ved Pustak mein Nūh) ka jal pralay āya aur kaise jātiyon ne sīkha aur sanrakśit rakha ki ek pūrn balidān hoga jo mrtyu se unhen chutakāra dega aur Svarg mein Anant Jīvan pradān karega. Niśchit hī sīkhane aur isake lie jīvan yāpan karane ke lie yah koī yogy bāt hai.

Baibil ki shuruat mein hi vada dekhen