Sākhā : ke nām kī ghoṣaṇā iske āgaman se hajāron varṣon pahale kar dī gaī thī

Yaśāyāh ne āne vālī śākhā  ke bāre men sabase pahale likhā thā. Dāūd ke khatm ho chuke rājavanś men ek āne vāle ‘Purūṣ’ ke pās buddhi aur sāmarthy hogī. Yirmayāh ne iske āge kahā ki is śākhā  ko Yahovā – ke nām se jānā jāegā jo ki sṛṣṭikartā ke lie Yahūdiyon ke dvārā upayog kiyā jāne vālā nām aur yahī hamārī dhārmikatā hogā.

Jakaryāh śākhā ke viṣay ko āge baḍhaātā hai 

Jakaryāh mandir ke punarnirmāṇ ke lie Bebīlon kī bandhuvāī men se vāpas lauṭā thā
Jakaryāh mandir ke punarnirmāṇ ke lie Bebīlon kī bandhuvāī men se vāpas lauṭā thā

Rṣi – bhaviṣydvaktā Jakaryāh 520 īsā pūrv men rahā, vah tab rahatā thā, jab Yahūdī unakī pratham bandhuvāī men se Yarūśalem kī or vāpas lauṭane lage the. Unake vāpas lauṭane par, Yahūdī logon ne unake naṣṭ kar die gae mandir ko punarnirmāṇ ko ārambha kiyā. Usa kā mahāyājak Yahośū  thā, aur vah mandir men yājakīy sevakāī kā puneh ārambha kar rahā thā. Rṣi – bhaviṣydvaktā Jakaryāh, ne apane sāthī Yahośū, mahāyājak ke sāth milakar, Yahūdī logon ko vāpas lauṭane men aguvāī pradān kī thī. Is Yahośū ke bāre men jo kuch – Jakaryāh – ke dawara kahā gayā hai, vah yahān nīche diyā gayā hai:

“He Yahośū mahāyājak, tū sun le, aur tere bhāībandhu jo tere sāmane khaḍae hain, ve bhī sune, kyonki ve manuṣy śubh śakun hain : suno, main apane dāsśākha ko pragaṭ karūngā.”…, senāo ke Yahovā kī vāṇī hai, “dekh, main us patthar ko khod detā hūn, aur is deś ke adharm ko ek hī din men dūr kar dūngā. (Yirmayāh 3:8-9)

Sākha! 200 varṣon pahale Yaśāyāh ke dvārā ārambha kī gaī, Yirmayāh ke dvārā 60 varṣon pahale tak āge vṛddhi karatā hue viṣay, Jakaryāh ke dvārā ise aur āge ‘śākha’ ke rūp men hī vistārit kiyā gayā hai, yadyapi, is rājavanś ko samāpt kar diyā gayā thā. Ek baragad ke vṛkṣ kī tarah, yah śākhā iskī ek mṛt ṭhūnṭh se punaḥ jīvit ho uṭhate hue āge baḍhatī hai. Is śākhā  ko ab ‘merā sevak’ – Parameśvar kā sevak kah kar pukārā gayā hai. Kisī tarah se 520 īsā pūrv men Yarūśalem men rahane vālā Jakaryāh kā sahakarmī Yahośū mahāyājak, āne vālī śākhā kā pratīk thā. Parantu kaise? Ismen kahā gayā hai ki ‘ek hī din’ men Parameśvar ke dvārā adharm ko dūr kar diyā jāegā. Yah kaise ghaṭit ho jāegā?

Sākhā : yājak aur rājā ko ek karatī huī

Jakaryāh ise kuch samay paśchāt varṇit karatā hai. Ise samajhane ke lie hamen yājak aur rājā kī bhūmikāon ko samajhane kī āvaśyakatā hai, jo ki Purāne Niyam men baḍaī kaṭhoratā ke sāth ek dūsare se pṛthak the. Koī bhī rājā yājak nahī ho sakatā thā aur koī bhī yājak rājā nahī ban sakatā thā. Yājak kī bhūmikā Parameśvar aur manuṣy ke madhy men pāpon ke prāyaśchit ke lie bhenṭa men arpit kie jāne vāle balidāno ke madhy men madhysthatā kā kāry karanā thā, aur rājāon kā uttaradāyitv apane sinhāsan se dhārmikatā ke sāth rājy karanā thā. Dono hī mahatvapūrṇ the; parantu dono hī ek dūsare se bhinn the. Tathāpi, Jakaryāh ne likhā ki bhaviṣy men:

‘Yahovā kā yah vachan mere pās pahunchā: “…sonā-chāndī le, aur mukuṭ banākar unhen Yahosādok ke putr Yahośū mahāyājak ke sir par rakh; aur usase yah kah, ‘senāo kā Yahovā yon kahatā hai, ‘us Purūṣ ko dekh jis kā nām śākha hai, vah apane hī sthān men ugakar Yahovā ke mandir ko banāegā…aur apane sinhāsan par virājamān hokar prabhutā karegā. Usake sinhāsan ke pās ek yājak bhī rahegā aur dono ke bīch mel kī sammati hogī” (Jakaryāh 6:9-13)

Yahān par, pūrv udāharaṇa ke virūddha, Jakaryāh ke dinoṃ men (Yahośū) mahāyājak ke sira para śākhā ko chinh svarūp rājā ke mukuṭa ke rūp men dhāraṇa karanā thā. (smaraṇa rakheṃ ki Yahośū ‘āne vālī bātoṃ kā pratīkātmaka’ thā). mahāyājak, Yahośū ek rājakīya mukuṭa ko ek hī vyakti men rājā aur yājak ko ekīkṛt karate hue dhāraṇa kara rahā thā – jo ki yājak kā sinhāsan ke ūpar virājamāna honā thā. Iske atirikta, Jakaryāh ne likhā ki ‘Yahośū’ hī usa śākhā  kā nām thā. Iskā kyā artha hai?

‘Yahośū’ aur ‘Yīśu’ nām 

ise samajhane ke lie hamen Purāne Niyam ke anuvād ke itihās kī samīkṣā karane kī āvaśyakatā hai. Ibrānī bhāṣā kā mūl Purāne Niyam 250 īsā pūrv men Yūnānī bhāṣā men anuvādit huā thā, jise ham Septuājinta arthāt Saptati anuvād ke nām se jānate hain. Abhī bhī yah vyāpak rūp se upayog hotā hai, hamane dekhā hai ki kaise ‘Masīh’ ne sabase pahale Septuājinta kā upayog kiyā thā aur yahān par ham ‘Yahośū’ ke lie usī viśleṣaṇ kā upayog karenge

'Yahośū'= 'Yīśu' dono hī Ibrānī 'Yahośuā' nām se nikal kar āe hain.
‘Yahośū’= ‘Yīśu’ dono hī Ibrānī ‘Yahośuā’ nām se nikal kar āe hain.

Jaisā ki āp chitr men dekh sakate hain, Yahośū  mūl Ibrānī nām ‘Yahośuā’  kā angrejī lipyantaraṇ hai. Vṛtt-khaṇḍ # 1 se patā chalatā hai ki kaise 520 īsā pūrv men Jakaryāh ne ‘Yahośū’ ko Ibrānī bhāṣā men likhā thā. Yaha angrejī men ‘Yahośū’ ke nām se lipyaṃtarit huā hai (# 1 => # 3). Ibrānī bhāṣā kā ‘Yahośuā’ angrejī bhāṣā Yahośū  hī hai. Jab Septuājinta kā anuvād 250 īsā pūrv men Ibrānī bhāṣā se Yūnānī bhāṣā men huā, taba Yahośuā ko lipyantaraṇ Isoūsa (#1 => #2) men huā thā. Ibrānī bhāṣā kā ‘Yahośuā’  Yūnānī men Isoūsa hī hai. Jab Yūnānī kā anuvād angrejī bhāṣā men kiyā gayā, tab Isoūsa kā lipyantaraṇ ‘Jījas’ arthāt Yīśu (#2 => #3) men kiyā gayā. Yūnānī bhāṣā kā Isoūsa angrejī bhāṣā kā Yīśu hī hai.

Jab Ibrānī men pukārā jātā thā, tab Yīśu ko Yahośuā kah kar pukārā jātā thā, parantu Yūnānī Nae Niyam men usake nām ko ‘Isoūsa’  kah kar likhā gayā hai – saṭīkatā ke sāth vaise hī jaise Yūnānī ke Septuājinta ne is nām ko likhā thā. Jab Nae Niyam ko Yūnānī se angrejī bhāṣā men anuvādit kiyā gayā (#2 => #3) tab ‘Isoūsa’ ‘Yīśu’ ke nām kā ek pahachānā huā lipyantaraṇ thā. Is tarah se, ‘Yīśu’ kā nām = ‘Yahośū’, ke sāth ek madhyvartī Yūnānī avasthā men se hote hue ‘Yīśu’ ke sāth, aur ‘Yahośū’ ke sāth Ibrānī bhāṣā men se sīdhe hī nikala kar ātā hai. Dono hī Nāsarat kā Yīśu aur 520 īsā pūrv kā Yahośū mahāyājak ek hī vyakti ke nām hain, jinhen unakī mūl Ibrānī bhāṣā men ‘Yahośuā’  kah kar pukārā jātā thā. Yūnānī men dono hī ko ‘Isoūsa’  kah kar pukārā jātā hai. Yah baragad = baḍ (lipyantaraṇ) = Vaṭ = phikas bengalensis (iskā Laiṭin men śāstrīy nām) ke sadṛśa hai.

Nāsarat kā Yīśu hī śākhā hai

Ab Jakaryāh ke dvārā kī huī bhaviṣydvāṇī arth detī hai. Jis bhaviṣydvāṇī ko 520 īsā pūrv men kiyā gayā, usamen āne vālī śākhā kā nām Yīśu hogā, jo sīdhe hī Nāsarat ke ‘Yīśu’  kī ora sanket kar rahī hai.

Jakaryāh ke anusār, yah āne vālā Yīśu, rājā aur yājak kī bhūmikāon ko ekīkṛt kar degā. Aisā kaun sā kāry thā, jise yājakon ne kiyā thā? Logon kā pratinidhitv karate hue, ve unake pāpon ke lie Parameśvar ke sāmane prāyaśchit ke lie bhenṭon men balidān chaḍhaāte the. Balidāno ke dvārā yājak logon ke pāpon ko ḍhaka diyā karate the. Isī tarah se, āne vālī śākhā ‘Yīśu’ ek aisā balidān hone vālā thā jiske dvārā Yahovā Parameśvar ‘ek hī din men logon ke adharm ko dūr kar degā’ – yah vah din thā, jis din Yīśu ne svayaṃ ko balidān ke rūp men arpit kiyā thā. Pāpon ko haṭā die jāne ke dvārā, mṛtyu kī sāmarthy ne hamāre ūpar se apane adhikār ko kho diyā.

Nāsarat kā Yīśu susamāchāron se bāhar bhī bhalī-bhānti pahachān rakhatā hai. Yahūdī Tālmud, Josīphus aur itihās ke any lekhakon ne Yīśu ke bāre men, chāhe ve śatru rahe hon yā mitr, sadaiv use ‘Yīśu’ yā ‘Masīh’ ke rūp men uddhṛt kiyā hai, is kāraṇ usake nām ko susamāchāron ke dvārā aviṣkṛt nahī kiyā gayā thā.

Kyonki Yiśai aur Dāūd usake pūrvj hain, islie, Yīśu ‘Yiśai kī ṭhūnṭh’ men nikal kar āyā. Yīśu ke pās buddhi aur samajh is star tak thī, ki jo use any sabhon se pṛthak kar detī hai. Unakī chaturāī, śānti aur antardṛṣṭi dono ālochako aur anuyāyiyon ko nirantar prabhāvit karatī hai. Susamāchāron men varṇit usake āścharyakarmo ke mādhyam se unakī sāmarthy ko nakārā nahī jā sakatā hai. Koī bhī, un par viśvās nahī karanā chun sakatā hai; parantu, koī bhī, unhen anadekhā nahī kar sakatā. Yaśāyāh ne bhaviṣydvāṇī kī thī ki asādhāraṇ buddhi aur sāmarthy rakhane kī guṇavattā ke sāth Yīśu ek din is śākhā se āegā.

Ab Nāsarat ke Yīśu ke jīvan ke bāre men socho. Usane niśchita rūp se ek rājā hone kā dāvā kiyā – vāstav men vah rājā hī hai. Yahī hai ‘Masīh‘ śabd kā arth. Parantu jo kuch usane pṛthvī par kiyā vah vāstav men yājakīy kāry thā. Yājak kā kāry Yahūdī logon kī or se svīkārayogy bhenṭ ke balidāno ko arpit karanā thā. Yīśu kī mṛtyu islie mahatvapūrṇ hai, kyonki, yah bhī Parameśvar ke sāmane hamārī or se arpaṇ kī huī ek bhenṭ thī. Usakī mṛtyu, na keval Yahūdiyon ko apitu kisī bhī vyakti ke pāp aur ātmaglāni ko prāyaśchit karatī hai. Pṛthvī ke pāp jaisā Jakaryāh ne bhaviṣydvāṇī kī thī, usake anusār ek hī din men haṭā diye gae the – us din jab Yīśu marā aur usane hamāre sāre pāpon ke daṇḍa ko chukā diyā. Apanī mṛtyu ke dvārā usane ek yājak ke rūp men sārī śarton ko pūrṇ kar diyā hai, jabki use adhikattar ‘Masīh’ yā rājā ke nām se jānā gayā thā. Tatpaśchāt apane punarutthān men, usane mṛtyu ke ūpar apanī sāmarthy aur adhikār ko dikhāyā. Usane in dono bhūmikāon ko ekīkṛt kar diyā thā. Sākhā, vahī hai, jise bahut pahale hī ‘Masīh’, yājakīy-rājā kah kar pukārā gayā thā. Aur is nām kī bhaviṣydvāṇī Jakaryāh ke dvārā usake janma se 500 varṣon pahale kar dī gaī thī.

Bhaviṣydvāṇī ādhārit pramāṇ

Usake dinon men, āj ke dinon kī tarah hī, Yīśu ne ālochako kā sāmanā kiyā, jinhonne usake adhikār ke ūpar praśn kiyā thā. Usakā uttar bhaviṣydvaktāon kī or saṃket karatā thā, jo usase pahale āe the, jinhonne yah dāvā kiyā thā, ki unhone usake jīvan ko pahale hī se dekh liyā thā. Yahān par ek udāharaṇ diyā gayā hai, jismen Yīśu ne usake virodh karane vālon ko is tarah se uttar diyā:

… yah vahī Pavitraśāstr hai, jo merī gavāhī detā hai…(Yūhannā 5:39)

Dūsare śabdon men, Yīśu ne dāvā kiyā ki Purāne Niyam men bahut pahale hī usake jīvan ke bāre men bhaviṣydvāṇī kara dī gaī thī. Kyonki mānavīy sahaa jñān hajāron varṣon ke bhaviṣy ko pūrvkathit nahī batā sakatā hai, islie, Yīśu  ne kahā ki yahī vah pramāṇ hai jo yaha puṣṭi karate hain ki vaha vāstav men manuṣy ke lie Parameśvar kī yojanā ke anusār āyā thā. Aja bhī hamāre lie in bāton kī puṣṭi ke lie Purānā Niyam upalabdha hai.

Abhī tak jo kuch Purāne Niyam ke bhaviṣydvaktāon ne kahā hai, āie use sārānśit kareṃ. Yīśu ke āgaman kā saṃket mānavīy itihās ke ārambha men hī de diyā gayā thā. Tab abrāham ne us sthān kī bhaviṣydvāṇī kī ki Yīśu kā balidān kahān par hogā, jabki Phasah ne varṣ ke din kī bhaviṣydvāṇī kī. Hamane dekhā thā ki Bhajana Saṃhitā 2 aisā bhajan hai, jismen āne vāle rājā ke lie Masīh nāmk padavī ke upayog kī bhaviṣydvāṇī kī gaī hai. Yahān is lekh men hamane usake vanś kī rekhā, usakī yājakīy sevakāī aur usake nām kī bhaviṣydvāṇī ko dekhā hai. Kyā āp soch sakate hain ki itihās men koī aur aisā vyakti hai, jiske lie Nāsarat ke Yīśu ke lie Purāne Niyam ke kaī bhaviṣydvaktāon kī tulanā men itanī adhik sūkṣmatā se bhaviṣydvāṇī kī gaī hain?

Sārānś : jīvan ke vṛkṣ ko sabhon ke lie prastāvit kiyā gayā hai

Yaha pahelī kī śākhā kaise aur kis bāt kī bhaviṣydvāṇī ko pūrā karane ke lie kī gaī thī, Sāvitrī aur Satyavān kī kahānī ko prakāśit karatī hai. Suddh Sāvitrī kī tarah hī, śākhā apane premī ke lie mṛtyu kā sāmanā karatī hai. Parantu pati ke lie patnī ke prem kī apekṣā, is śākhā ke pās sāmarthī balidānātmak prem hai, jo usake lie ātmik patnī ko prāpt karatā hai, jo use sadaiv ke lie mṛtyu se bachāe rakhegā. Ek baragad ke peḍ kī tarah ek amar aur nirantar bache rahane vāle vṛkṣ kā chitr, Bāibal ke antim adhyāy men bhī milatā hai, jahān yah ek bār phir se bhaviṣy kī or dekhate hue, agale brahmāṇḍ ko chitrit karatā hai, jismen ‘jīvan ke jal kī nadī’ bahatī hai, jahān

Nadī ke is pār aur us pār jīvan kā vṛkṣ thā; usamen bārah prakār ke phal lagate the, aur vah har mahīne phalatā thā; aur us vṛkṣ ke patton se jāti-jāti ke log change hote the (Prakāśitavāky 22:2)

Is tarah se, sabhī jātiyon ke log – jismen āp bhī sammilit hain – ko dono mṛtyu se chuṭakāre aur jīvan ke vṛkṣ kī samṛddhi – jo ki vāstav men amaratā pāyā huā baragad kā vṛkṣ hai – kā anubhav karane ke lie āmantrit kiyā gayā hai. Parantu Purāne Niyam ke ṛṣi-bhaviṣydvaktāon ne hamāre lie yah bhaviṣydvāṇī kī hai ki iske lie sabase pahale śākhā ko “kāṭa die” jāne kī śart nirdhārita hai, jise ham āge dekhenge.