Ek dṛḍha baragad kī tarah Vaṭ Sāvitrī mēn : śākhā kā chinh

Vaṭ-vṛkṣ, baragad yā baḍ kā vṛkṣ dakṣiṇ Eśiyāī ādhyātmikatā mēn kēndrīy sthān rakhatā hai aur yah Bhārat kā rāṣṭrīy vṛkṣ hai. Yaha Yam kē sāth juḍaā hai, jō ki mṛtyu kā dēvatā hai, isliē, isē aksar śamaśān bhūmi kē nikaṭ lagāyā jātā hai. Iskī puneh ankurit hō jānē kī kṣamatā kē kāraṇ iskē pās lambī āyu hōtī hai aur yah amaratā kā pratīk hai. Ek ghaṭanā baragad kē vṛkṣ kē nīchē hī ghaṭī thī, jismēn Sāvitrī nē apanē mṛt pati aur rājā Satyavān kō jīvan dān diē jānē kē liē Yam sē mōl bhāv kiyā thā, tāki usē ēk putr kī prāpti hō sakē – Vaṭ Pūrṇimā aur Vaṭ Sāvitrī kē vārṣik utsavō kō isī kē liē smaraṇ kiyā jātā hai.

Kuch isī kē jaisā ēk vṛtānt Bāibal kē Purānē Niyam mēn bhī milatā hai. Vahān par ēk mṛt vṛkṣ…puneh jīvan mēn vāpas lauṭ ātē huē…rājāōn kī mṛt vanś rēkhā sē ēk naē putr kā pratinidhitv karatā hai. Is vṛtānt mēn sabasē baḍaā antar yaha hai, ismēn ēka bhaviṣy-kī-ōr dēkhatē huē bhaviṣydvāṇī dī gaī hai aur isē saikaḍaōn varṣōṃ sē vibhinn bhaviṣydvaktāōn (Rṣiyōn) kē dvārā vikasit kiyā gayā thā. Yah miśrit kahānī kisī  kē āgaman kī bhaviṣydvāṇī kara rahī thī. Jis vyakti nē pahalī bār is kahānī kō batāyā, vah Yaśāyāh (750 īsā pūrv) thā, jiskē ūpar aur adhika vistāra usakē paśchāt ānē vālē ṛṣiyōn-bhaviṣydvaktāōn nē – mṛt vṛkṣ sē nikalanē vālī śākhā kē rūp mēn kiyā.

Yaśāyāh aur śākhā

Yaśāyāh aitihāsik rūp sē puṣṭi kiē jānē vālē samay mēn rahā thā, jisē nīchē dī huī  samayrēkhā mēn dēkhā jā sakatā hai. Yah samayrēkhā Yahūdiyōn kē itihās sē lī gaī hai

Yaśāyāh kō aitihāsik samayrēkhā mēn dikhāyā gayā. Vaha Isrāēl kē Dāūdvanśīy rājāōn kē samaykāl mēn rahā thā.
Yaśāyāh kō aitihāsik samayrēkhā mēn dikhāyā gayā. Vaha Isrāēl kē Dāūdvanśīy rājāōn kē samaykāl mēn rahā thā.

Aap dēkh sakatē hain ki Yaśāyāh kī pustak Dāūd kē rājakīy vanśakāl (1000-600 īsā pūrv) kē samay mēn Yarūśalēm kē śāsan mēn likhī gaī thī. Yaśāyāh kē samay (750 īsā pūrv) mēn yah vanś aur Yahūdī sāmrājy bhraṣṭ hō chukē thē. Yaśāyāh nē rājāōn kō Paramēśvar aur Mūsā kī das ājñāōn kī bhalāī aur bhāvanāōn kī ōr lauṭa ānē kā anurōdh kiyā. Parantu Yaśāyāh jānatā thā ki Isrāēl paśchātāp nahī karēgā, aur isliē usanē pahalē sē hī dēkh liyā ki yah rājy naṣṭ kar diyā jāēgā aur iskē rājāōn kā śāsan karanā samāpt hō jāēgā.

Usanē is rājavanś kē liē ēk pratīk kā upayōg kiyā, yah ēk baḍa baragad kē vṛkṣ kī tarah chitrit kiyā thā. Yaha vṛkṣ rājā Dāūd kē pitā Yiśai kē jaḍa par ādhārita thā. Yiśai par ādhārit hō rājāōn kā rājavanś Dāūd kē sāth ārambh huā thā, aur usakē uttarādhikārī, rājā Sulaimān kē sāth āgē baḍhaā, aur yah isī tarah sē ēk kē paśchāt dūsarē rājā kē ānē kē dvārā āgē vṛddhi karatā rahā. Jaisā ki nīchē diē huē chitr mēn chitrita kiyā gayā hai, vṛkṣ nirantar vṛddhi karatā gayā, jab rājavanś kā agalā putr rājy karanē lagā.

Yaśāyāh kē dvārā rājavanś kē liē upayōg kiyā huā chitr ēk baḍaē baragad kē vṛkṣ kī tarah hai, jō apanī jaḍa - Yiśai sē vṛkṣ kē tanē kā vistār karatī hai.
Yaśāyāh kē dvārā rājavanś kē liē upayōg kiyā huā chitr ēk baḍaē baragad kē vṛkṣ kī tarah hai, jō apanī jaḍa – Yiśai sē vṛkṣ kē tanē kā vistār karatī hai.

Pahalē ēk vṛkṣ…iskē paśchāt ēka ṭhūnṭh….tatpaśchāt ēka śākhā

Yaśāyāh nē chētāvanī dī thī ki is vṛkṣ kō śīghr hī kāṭatē huē, isē ēk mṛt ṭhūnṭh kē rūp mēn chōḍ diyā jāēgā. Yahān par diyā gayā hai ki usanē kaisē is vṛkṣ kō chitrita kiyā jō parivartit hōtē huē ēka ṭhūnṭh aur śākhā kī pahēlī bana gayā :

“Tab Yiśai kē ṭhūnṭh mēn sē ēk ḍālī phūṭ nikalēgī aur usakī jaḍa mēn sē ēka śākhā nikalakar phalavant hōgī. Yahōvā ātmā, buddhi aur samajh kā ātmā, yukti aur parākram kā ātmā, aur jñān aur Yahōvā kē bhaya kā ātmā — us par ṭhaharā rahēgā.” (Yaśāyāh 11:1-2)

Yaśāyāh nē chētāvanī dī ki rājavanś ēk din mṛt ṭhūnṭh kī jaisē hō jāēgā
Yaśāyāh nē chētāvanī dī ki rājavanś ēk din mṛt ṭhūnṭh kī jaisē hō jāēgā

Is ‘vṛkṣ’ kā kāṭ diyā jānā lagabhaga 600 īsā pūrv, Yaśāyāh kē 150 varṣōn paśchāt ghaṭit huā, jab Bēbīlōn nē Yarūśalēm par vijay prāpt karatē huē, iskē lōgōn aur rājā kō Bēbīlōn khīnchatē huē bandhuvāī mēn lē gaē (ūpar dī huī samayrēkhā mēn lāl rang vālā samaykāl). Issē Yahūdiyōn kī bandhuvāī ārambha huī – jismēn sē kuch Bhārat mēn nirvāsit hō gaē thē. Yiśai rājā Dāūd kā pitā thā, aur is kāraṇ vaha Dāūd vanśīy rājavanś kā mūl yā ṭhūnṭh thā. “Yiśai kī ṭhūnṭh” is kāraṇ bikhar gaē Dāūd kē rājavanś kā ēka rūpk thā. Sāvitrī aur Satyavān kī kahānī mēn, ēk rājā kā mṛt putr – Satyavān milatā hai. Bhaviṣydvāṇī mēn rājāōn kē rājavanś kī rājakīy rēkhā kā ant ēk ṭhūnṭh mēn jākar mṛtyu jāēgā aur rājavanś svayan mēn hī mar jāēgā.

Sākhā: ānē vālē “us” kē rūp mēn ēka Dāūd kī buddhimānī sē hai

Yiśai kē mṛt ṭhūnṭh mēn ḍālī kā phūṭ nikalanā
Yiśai kē mṛt ṭhūnṭh mēn ḍālī kā phūṭ nikalanā

Parantu bhaviṣydvāṇī nē bhaviṣy mēn ēk baragad kē vṛkṣ kē sāth juḍaē huē chitr kō rājāōn kē rūp mēn kāṭ ḍālē jānē kī tulanā mēn kahīn dūr āgē taka dēkhā. Jab baragad kā bīj jīvan ārambh karatē hain, tō vē aksar any vṛkṣōn kē ṭhūnṭhōn kē ūpar karatē hain. Thūnṭh ankurit hōnē vālē baragad kē vṛkṣ kā pōṣaṇ karatā hai. Parantu ēk bār jab baragad kē bījagaṇan kī sthāpanā hō jātī hai, tab yah pōṣit karanē vālī ṭhūnṭh kahīn adhik vṛddhi kar jātā hai aur kahīṃ adhik lambī āyu kē jīvan kō vyatīt karatā hai. Is ṭhūnṭh kō Yaśāyāh nē pahalē sē hī ēka naē ṭhūnṭh kē rūp mēn iskī jaḍa sē akunrit hōtē huē – ēk śākhā sē ēk baragad kē vṛkṣ mēn parivartit hōtē huē dēkha liyā thā. Yaśāyāh nē is chitr kā upayōga kiyā aur iskī bhaviṣydvāṇī kī thī ki ēk din bhaviṣy mēn ēk ṭhūnṭh, jisē ēk śākhā kē rūp mēn jānā jāēgā, ēk mṛt ṭhūnṭh mēn pragaṭ hō jāēgī, ṭhīk vaisē hī jaisē baragaṭ kī śākhāēn vṛkṣ kī śākhāōn mēn hī phūṭ nikalatī hain. Is śākhā kō “us” kah kar uddhṛt kiyā gayā hai, is tarah Yaśāyāh ēk viśēṣ vyakti kē liē bāt kar rahā hai, jō rājavanś kē naṣṭ kar diē jānē kē paśchāt Dāūd kī rājakīy rēkhā mēn nikal kar ātā hai. Is vyakti kē pās jñān, sāmarthy aur aisī buddhi kī aisī kṣamatā hōgī ki mānō yah Paramēśvar kā ātmā hī iskē ūpar vās kar rahā hōgā.

Ek pōṣit karanē vālī śākhā sē baragad kā vṛkṣ vṛddhi karatā huā. Sīghr hī iskī aur adhik śākhāēn aur jaḍaēn phūṭ nikalēngī.
Ek pōṣit karanē vālī śākhā sē baragad kā vṛkṣ vṛddhi karatā huā. Sīghr hī iskī aur adhik śākhāēn aur jaḍaēn phūṭ nikalēngī.

Paurāṇik kathāōn mēn baragad kā vṛkṣ kaī śatābdiyōn taka amaratā kā pratīk mānā jātā rahā hai. Iskī kalpit jaḍaēn atirikt śākhāēn banānē vālī miṭṭī mēn vṛddhi karatī hain. Yah dīrghāyu kā pratīk hai aur is prakār īśvarīy sṛṣṭikartā kā pratinidhitv karatā hai. Yaśāyāh kē dvārā 750 īsā pūrv mēn is śākhā kō dēkh liyā gayā thā, jismēn isī tarah kē īśvarīy guṇ hōṃgē aur yah rājavanśīy “ṭhūnṭh” kē lupt hōnē kē paśchāt lambī āyu tak jīvit rahēgā.

Yirmayāh aur śākhā

Rṣi-bhaviṣydvaktā Yaśāyāh nē ēk mārg-sūchaka stambh khaḍaā kiyā thā, tāki lōg bhaviṣy kī pragaṭ hōtī huī ghaṭanāōn kō samajha sakēn. Parantu yah kaī cinhōn mēn usakē dvārā diyā huā ēk chinh thā. Yirmayāh, Yaśāyāh sē 150 varṣōn pūrv, lagabhag 600 īsā pūrv mēn, tab rahā jab Dāūd kē rājavanś kō usakī ānkhōn kē sāmanē naṣṭ kar diyā gayā thā, usanē aisā likhā hai:

Yahōvā kī yah bhī vāṇī hai : dēkh aisē din ātē hain jab main Dāūd kē kul mēn ēka dharmī ankur ugāūngā, aur vah rājā banakar buddhi sē rājy karēgā, aur apanē dēś mēn nyāy aur dharm sē prabhutā karēgā. Usakē dinōn mēn Yahūdī bachē rahēngē, aur Isrāēlī lōg niḍar basē rahēngē. Aur Yahōvā usakā nām: Yahōvā hamārī dhārmikatā rakhēgā.” (Yirmayāh 23:5-6)

Yirmayāh nē Yaśāyāh dvārā pradatt Dāūd vanśīy rājavanś kē śākhā  kē chitr kō aur adhik vistārit kiyā hai. Yah śākhā ēk rājā bhī hōgī. Parantu yah Dāūd vanśīy pahalē jaisē rājāōn kī tarah nahī hōgī, jinhēn ṭhūnṭh tak kāṭā ḍālā gayā thā.

Sākhā : Yahōvā hamārī dhārmikatā

Is śākhā mēn bhinnatā iskē nām mēn dēkhī jā sakatī hai. Usakē pās Paramēśvar kā hī nām (‘Yahōvā’ – Paramēśvar kē liē yahūdiyōn dvārā upayōg hōnē vālā nām) hōgā, is kāraṇ ēk baragad kē vṛkṣ kī tarah is śākhā kō ēk alaukik chitr diyā gayā hai. Vah sāth hī ‘hamārī’ (ham manuṣyōn kī) dhārmikatā  bhī hōgā.

Jab Sāvitrī nē yam kē sāth apanē pati, Satyavān kī mṛt śarīr kē liē vivād kiyā, tab yah usakī dhārmikatā thī, jisnē usē mṛtyu (Yam) kā sāmanā karanē kē liē sāmarthy pradān kī. Parantu, jaisā ki kumbh mēlā nāmk lēkh mēn dhyān diyā gayā hai, hamārī samasyā hamārī bhraṣṭatā aur pāp hai, aur is kāraṇ hamārē pās ‘dhārmikatā’ kī kamī hai. Bāibal hamēn batātī hai ki isliē hamārē pās mṛtyu kā sāmanā karanē kē liē kōī sāmarthy nahī hai. Sacchāī tō yah hai ki ham iskē virūddh asahāy hain… Jiskē pās mṛtyu kī sāmarthy hai – arthāt, Saitān – aur un sabhī kō jō apanī mṛtyu kē ḍar sē apanē sārē jīvan bhar iskī dāsatā mēn jīvan vyatīt karatē hain, vah svatantr kara dē (Ibrāniyōṃ 2:14b-15)

Bāibal mēn Yam kō Saitāna kē rūp mēn darśāyā gayā hai, jiskē pās hamārē ūpar mṛtyu kī sāmarthy pradān kī gaī hai. Sacchāī tō yaha hai, ki ṭhīk vaisē hī jaisē Yam Satyavān kē śarīr kē liē vivād kar rahā thā, Bāibal ēk sthān par śaitān kē dvārā ēk śarīr kē ūpar vivād karanē kē vṛtānt kō pradān ullēkhit karatī hai, jab

… pradhān svargadūt Mīkhāīl nē, jab Saitāna sē Mūsā kē śava kē viṣay mēn vād vivād kiyā, tō usakō burā bhalā kahakē dōṣ lagānē kā sāhas na kiyā par yah kahā, “Prabhu tujhē ḍānṭē!” (Yūhadā 1:9)

Isliē, jabki śaitān kē pās Sāvitrī aur Satyavān kī kahānī mēn Yam kī tarah Mūsā jaisē ēk sajjan bhaviṣydvaktā kē śarīr kē ūpar vivād karanē kā adhikār hai, tab tō usakē pās niśchita rūp sē hamārē pāp aur bhraṣṭatā kē kāraṇ ham par ānē vālī maut – kē ūpar adhikār hai. Yahān tak ki pradhān svargadūt nē yah bhī yah svīkār kiyā kēval Prabhu – sṛṣṭikartā Paramēśvar – kē pās hī mṛtyu kē viṣay mēn Saitān kō ḍānṭanē kā adhikār hai. Aur yahān ‘śākhā’ mēn ēk pratijñā dī gaī hai ki bhaviṣy mēn Prabhu Paramēśvar ham mēn usakī ‘dhārmikatā’ kō rōpit karēgā, tāki ham mṛtyu kē ūpar jay kō prāpta kar sakēṃ. Parantu kaisē? Jakaryāh isī viṣay kē ūpar aur adhik vistār karatē huē āgē kē vṛtānt kō ānē vālī śākhā kē nām kī bhaviṣydvāṇī kō karatē huē pūrā karatā hai, jō ki Sāvitrī aur Satyavān kī mṛtyu (Yam) kē ūpar jay prāpta karatī huī kahānī kē samānāntar hai – jisē hama agalē lēkh mēn dēkhēngē.