Mere bāre mein : Ek gande-amīr rasie… ‘ur ek tapasvī pavitr vyakti se jis gyān ko mainne pāya

RagOSarvapratham mere bāre mein kuch mūl jānakāriyān…Mera nām Rāganar hai. Yah Svīdiś nām hai parantu main Canāda mein rahata hūn. Main vivāhit hūn aur hamāre pās ek ladaka hai. Mainne Torānton Mahāvidyālay, Nyū Braūnaśvik Mahāvidyālay aur Akādiya Mahāvidyālay se śikśa prāpt kī hai.

Mera pālan pośan ek madhyam-vargīy vyavasāyī parivār mein hua. Ham mūl rūp se Svīden se Canāda mein tab ākar base the jab main javān tha, aur isalie mera pālan pośan videśon ke kaī deśon mein rahate hue hua jaise – Aljīrīya, Garmanī aur Kaimarūn aur ant mein Mahāvidyālay ke adhyayan ke lie vāpas Canāda mein āne ke dvāra. Merī Mān ka janm Bhārat mein hua tha aur vah vahīn palī badhī thī. Vah dhārāpravāh Hindī bolatī hai. Jab main bada ho raha tha, tab vah mujhe chitron ko dikhāte hue bhinn devī devataon ke bāre mein batātī thī jinhen usane ek pustak ke rūp mein ekatr kī huī thī. Is tarah se jab mera pālan pośan Paśchim ke deśon mein ho raha tha aur tab bād mein ek Muslim deś mein bhī, mujhe mere parivār ke dvāra Hindū dharm kī jānakārī dī gaī. Itana kuch hone par bhī, pratyek vyakti kī tarah main bhī (aur ab bhī) pūrnata ke jīvan ka anubhav karana chāhata tha – aisa jīvan jisakī viśeśata any logon ke prati sanyuktata ke sāth – santoś, śānti ka bhāv ho aur jisamen arth aur uddeśy ho.

Vividhata se bhare hue in samājon mein rahate hue – jahān vibhinn dharm ke sāth sāth dharmanirapekśata– aur ek utsuk pāthak hone ke kāran, main aise vibhinn drśtikonon ke sāth avagat hua ki antim saty kya hai aur pūrnata ke jīvan ko prāpt karane ke lie kya kiya jāta hai. Jo kuch mainne avalokan kiya vah yah tha ki yadyapi mere pās (aur adhikānś Paśchim mein rahane vāle logon ke pās) abhūtapūrv dhan sampatti, praudyogikī aur in lakśyon ko prāpt karane ke lie avasar the, parantu virodhābhās yah tha ki pūrnata se bhara hua jīvan isakī tulana mein dūr kī bāt thī. Mainne dekha ki pichalī Pīdhiyon kī tulana mein sambandh asthaī aur upayog ke paśchāt phenk dene vāle the. ‘Tīvr Pratiyogita’ jaise śabdon se varnit kiya jāta hai ham kaise jīvan ko yāpan karate hain. Mainne suna hai ki yadi hamen thoda sa aur jyāda mil jae to ham lakśy ko prāpt kar lenge. Parantu kitana adhik prāpt kiya jae? Aur kitana adhik kya prāpti kiya jae? Dhan? Vaigyānik gyān? Praudyogikī? Sukh?

Ek javān vyakti ke rūp mein mainne ek gusse ko mahasūs kiya hai jo aspaśt baichenī ke rūp mein varnit kī ja sakatī hai. Kyonki mere Pita jī Aphrīka mein ek pravāsī parāmarśadāta the, isalie main kaī dhanī, śikśit aur sampann Paśchimī yuvaon ke sāth ghumata rahata tha. Parantu hamen manoranjan dene vālī thodī sī bāton ke sāth jīvan vahān bahut hī saral tha. Is lie mere mitr aur main us din ka svapn lete the jab ham hamāre apane deśon mein vāpas lautenge aur Tī.Vī., acche bhojan, avasaron aur Paśchimī jīvan kī sugamata ke tarīke ka ānand lenge – aur tab ham ‘santuśt’ ho jaege. Parantu jab kabhī bhī main Canāda ya Yūrop kī yātra karata tha, tab thodī sī prasannata ke paśchāt baichenī vāpas laut ātī thī. Parantu isase bhī jyāda durbhāgy kī bāt, mainne yah bhī dhyān diya jo log vahān rahate the yah unamen sadaiv ke lie banī huī thī. Unake pās chāhe kuch bhī kyon na tha (aur unake pās kisī bhī māpadand mein bahut adhik tha), unamen aur adhik pāne kī chāhat sadaiv banī rahatī thī. Mainne socha ki main ise tab prāpt kar lūnga jab mere pās ek prasiddh premika hogī. Aur kuch samay ke lie aisa jān pada ki isane mere bhītar kuch bhar diya tha, parantu kuch mahīne ke paśchāt baichenī phir vāpas laut ātī thī. Mainne socha jab main Haī Skūl se pās ho jaūnga tab main ise ‘prāpt’ kar lūnga… kyonki tab mujhe kār chalāne ka laīsens mil jaega aur main ghumane phirane lagūnga… tab merī khoj pūrī ho jaegī. Ab kyonki main praudh ho chuka hūn, main logon ko sevānivrtti kī bāt santuśti kī tikat ke rūp mein karate hue sunata hūn. Kya aisa hai? Kya ham hamāre sāre jīvan ko ek ke paśchāt dūsarī bāt kī prāpti ke pīche daudate hue, yah sochate hue kho dete hain, ki kināre ke pās padī huī agalī vastu kī prāpti hamen ise de degī, aur tab… amāre jīvan hī samāpt ho jāte hain? Ka yah sab kuch vyarth nahin jān padata hai!

Sulaimān ka Gyān

In varśon ke madhy mein, is baichenī ke kāran jo mainne mujh mein aur mere chāron or dekhī, Sulaimān ke lekhon ne mujh par gahara prabhāv dāla. Sulaimān, apane buddhi ke lie prāchīn Israel mein prasiddh Rāja hua hai, jisane Baibal (Ved Pustak) ke Purāne Niyam mein kaī pustakon ko, Isa Pūrv 950 ke ās pās likha hai. Apanī pustak Sabhopadeśak mein, vah is na bachane vālī baichenī ka vivaran deta hai, jisaka vah anubhav kar raha tha. Usane likha

“Mainne apane man se kaha, ‘chal, main tujh ko ānand se jānhcūnga; isaliye ānandit aur magan ho’ …Main apane prān ko dākhamadhu pīne se kis prakār bahalaūn aur kaise mūrkhata ko thāme rahūn, jab tak mālūm na karūn ki vah accha kām kaun sa hai jise manuśy apane jīvan bhar karata rahe. Mainne bade bade kām kie: mainne apane liye ghar banava lie aur apane liye dākh kī bāriyān lagavaī; mainne

apane liye bāriyān aur bāg lagava lie, aur unamen bhānti bhānti ke phaladaī vrkś lagae. Mainne apane liye kund khudava lie ki unase vah van sīncha jae jisamen paudhe lagae jāte the. Mainne dās aur dāsiyān mol līn, au mere ghar mein dās bhī utpann hue; aur jitane mujh se pahile… the usane kahīn adhik Gāy- Bail aur Bhed – Bakariyon ka main svāmī tha. Mainne Chāndī aur Sona aur Rājaon aur Prānton ke bahumūly padārthon ka bhī sangrah kiya; mainne apane liye gavaiyon aur gānevāliyon ko rakha, aur bahut sī kāminiyān bhī – jinase manuśy sukh pāte hain, apanī kar līn. Is prakār main apane se pahale ke sab… se adhik mahān aur dhanādhy ho gaya; taubhī merī buddhi thikāne rahī. Aur jitanī vastuon ke dekhane kī mainne lālasa kī, un sabhon ko dekhane se main na rūka; mainne apana man kisī prakār ka ānand bhogane se na roka kyonki mera man mere sab pariśram ke kāran ānandit hua; aur mere sab pariśram se mujhe yahī bhāg mila” (Sabhopadeśak 2:1-10).

Dhan, prasiddhi, gyān, pariyojanaen, striyān, ānand, rājy, naukarī, śarāb… Sulaimān ke pās sab kuch -hamāre aur usake apane dinon mein kisī se bhī badhakar tha. Ainstīn kī buddhi, Bil Gets ka dhan, Paśchimī philmī jagat ke hīro ka sāmājik/yaun sambandhī jīvan, sāth hī śāhī vanśāvalī jaise Briten ke Rājakīy Gharāne ke Prins Wiliyam ka hai – sab kuch usake pās mein the. Isakī tulana mein kaun is sanyojan ko hara sakata tha? Aap sochate honge is tarah ke sabhī log santuśt rahe honge. Parantu vah aise niśkarś nikālata hai:

“… Vyarth hī vyarth! Vyarth hī vyarth!” Upadeśak ka yah vacan hai. ‘Sab kuch vyarth hai!… Mainne… apana man lagāya ki jo kuch sūry ke nīche kiya jāta hai, usaka bhed buddhi se soch sochakar mālūm karūn; yah bade du:kh ka kām hai jo Parameśvar ne manuśyon ke liye thaharāya hai ki ve us mein lagen! Mainne sab kāmon ko dekha jo sūry ke nīche kie jāte hain; dekho, ve vyarth aur māno vāyu ko pakadana hai.” (Sabhopadeśak 1:1-14)

“…. tab main ne phir se apane hāthon ke sab kāmon ko, aur apane sab pariśram ko dekha, to kya dekha ki sab kuch vyarth aur vāyu ko pakadana hai, aur sansār mein koī lābh nahin… tab main apane man mein us sāre pariśram ke viśay jo main ne dharatī par kiya tha nirāś hua, yah bhī vyarth aur bahut hī bura hai. Manuśy jo dharatī par man laga lagākar pariśram karata hai usase usako kya lābh hota hai?… yah bhī vyarth hī hai.” (Sabhopadeśak 2:11-23)

Aaśāvād jaisī koī bāt hī nahin! Sreśth Gīt mein, kavitaon mein se ek mein, vah apane kāmukata se bhare hue, garm-joś prem sambandh ka vivaran deta hai – aisī bāt jo ki jīvan-paryant santuśti dene kī sambhāvana sabase adhik ābhās detī hai. Parantu ant mein, is prem sambandh ne bhī usake koī banī rahane vālī santuśti pradān nahin kī jaisa ki ham Sabhopadeśak kī Pustak se jānate hain. Anand, dhan, kāry, tarakkī, garmajośī se bhara hue prem jo use antat: santuśti pradān karata, ko usake dvāra ek māya ya chal hī dikhāya gaya hai.

Ab jab kabhī bhī main apane chāron or dekhata hūn, chāhe apane mitron mein ya samāj mein, Sulaimān kī tarah aisa jān padata hai ki pūrnata ke jīvan kī khoj hī vah hai jese die jāne ka prastāv aur prayās chāron or diya ja raha hai. Parantu usane mujhe pahale se hī bata diya hai ki vah in mārgon se ise prāpt nahin kar saka hai. Isalie mainne yah anubhūti kī hai ki main ise yahān prāpt nahin kar paūnga aur mujhe mārg rahit yātra kī or dekhane kī āvaśyakata hai.

In viśayon ke sāth hī main jīvan ke ek any pahalū ke lie bhī chintit tha. Isane Sulaimān ko bhī pareśān rakha.

“Kyonki jaisī manuśyon kī vaisī hī paśuon kī bhī daśa hotī hai; donon kī vahī daśa hotī hai, jaise ek marata vaise hī dūsara bhī marata hai. Sabhon kī svāns ek sī hai, aur manuśy paśu se kuch badhakar nahin; sab kuch vyarth hī hai. Sab ek sthān mein jāte hain; sab mittī se bane hain, aur sab mittī mein phir mil jāte hain. Kya manuśy ka prān ūpar kī or chadhata hai aur paśuon ka prān nīche kī or jākar mittī mein mil jāta hai? Yah kaun jānata hai?” (Sabhopadeśak 3:19-21)

Sab bāten sabhon ko ek samān hotī hain – dharmī ho ya duśt, bhale, śuddh ya aśuddh, yagy karane aur na karane vāle, sabhon kī daśa ek hī sī hotī hai. Jaisī bhale manuśy kī daśa, vaisī hī pāpī kī daśa; jaisī śapath khāne vāle kī daśa, vaisī hī usakī jo śapath khāne se darata hai. Jo kuch sūry ke nīche kiya jāta hai usamen yah ek doś hai ki sab logon kī ek sī daśa hotī hai… usake bād ve mare huon mein ja milate hain. Usako parantu jo sab jīvaton mein hai, use āśa hai, kyonki jīvat kutta mare hue sinh se badhakar hai! Kyonki jīvate to itana jānate hain – ki ve marenge, parantu mare hue kuch bhī nahin jānate, aur na unako kuch aur badala mil sakata hai, kyonki unaka smaran mit gaya hai.” (Sabhopadeśak 9:2-5)

Sulaimān ke prāchīn lekhon ne mujhe bhītar se hila diya aur mujhe uttaron kī khoj karane ke lie majbūr kar diya. Jīvan, mrtyu, amaratv, aur arth ke bāre mein praśn mere bhītar bhar gae. Haī Skūl ke antim varś mein hamen sāhity (kavita, gīt, laghu kathaen ādi) ke ek Sau lekhon ko gadyāvalī ke rūp mein sankalit karane ke lie grhakāry diya gaya. Merī gadyāvalī ke adhikānś bhāg ne inhīn viśayon ka adhyayan kiya aur isane mujhe kaī any logon ko milane aur sunane ka avasar pradān kiya jo isī tarah ke praśnon ke sāth pareśān the. Aur unase milane ke lie – mainne sabhī tarah ke yugon, śaikśanik prśthabhūmiyon, bhinn dārśanik jīvan śailiyon, dharmon aur śailiyon se chunāv kiya. Roling stons dvāra rachit Santuśti, Pink Phloid dvāra rachit Samay, aur Sailī dvāra rachit Aujaimendais, Samūel Kolori, Dablyū Ec Aūden, Seksapiyar aur isī tarah ke any log isamen sammilit the.

Gurū Saīn Bāba ka Gyān

Jab main Injīniyaring ka vidyārthī tha, to mere prophesaron mein ek Bangalor mein rahane vāle Gurū Srī Saīn Bāba ke bhakt the aur usane mujhe unakī kaī pustaken padhane ke lie dī, jinhen mainne badī utsukata ke sāth padha. Aur jab mainne unake upadeśon ko padha to mainne pāya ki mera naitik vivek keval unakī naitik śikśaon ke sāth hī sahamat tha. Yahān par usakī pustakon ka kuch anś hai jise mainne mere lie likh liya tha.

“Aur dharm kya hai? Jo kuch āp upadeś dete hain use abhyās mein lāna, jo kuch āp kahate hain use vaise hī karana jaise kaha ja raha hai, upadeś ko mānate hue aur ise abhyās mein lāte hue . Bhale karmon ko kamāna, dharm kī lālasa karana; Parameśvar ke bhay mein jīvan yāpan karana, Parameśvar tak pahunchane ke lie jīvan yāpan karana: yahī dharm hai” Saty Saīn Bāba bolate hain 4, pr. 339.

“Vāstav mein āpaka kartavy kya hai?”…

• Sabase pahale apane Māta Pita kī prem aur ādar aur krtagyata ke sāth seva karanī .

• Dūsara, saty bolana aur bhale karmon mein vyavahār karana .

• Tīsara, jab kabhī āpake pās kuch samay bache, tab Prabhu ke nām ko vah jis bhī rūp mein āpake man mein hai, duharāte rahana.

• Chautha, dūsare ke bāre mein bura bolane mein lipt na hona ya dūsaron kī kamajoriyon kī khoj karane ka prayās nahin karana.

• Aur ant mein, kisī bhī rūp mein anyon ko du:kh nahin pahunchāna” Saty Saīn Bāba bolate hain 4, pr. 348-349.

“Jo koī apane anhakār ko apane adhīn kar leta hai, apanī svārthī icchaon par jay prāpt kar leta hai, apanī vahaśī bhāvanaon aur āvegon ko naśt kar deta hai, aur apane śarīr ko prem karane kī svābhāvik pravrtti ka daman karata hai, vah niśchit hī dharm ke path par agrasar hai” Dharm Vāhinī, pr. 4

Jab mainne Saīn Bāba ke upadeśon ka adhyayan kiya to main ise do tarīkon se kiya. Pratham, mainne yah dekhane ke lie kiya ki is pavitr Hindū vyakti ne jo śikśa dī thī vah vāstav mein acchī thī. Kya main usake sāth jo kuch usane kaha tha ki yah accha aur saty hai, ke sāth sahamat tha ki vah sach mein accha aur saty tha? Mainne pahachān liya ki jo kuch usane in upadeśon mein kaha tha vah accha, vāstav mein accha tha. Ye ve śikśaen thīn jisake anusār mujhe jīvan yāpan karana chāhie tha. Main āpako bhī nimantran deta hūn āp in śikśaon ka adhyayan yah karane ke lie karen ki āpako in upadeśon ke anusār jīvan yāpan karana chāhie ya nahin.

Parantu yahī vah sthān tha jahān mere sāmane ek badī samasya uth khadī huī. Aur yah samasya upadeśon mein nahin thī, apitu mujh mein thī. Kyonki jab mainne inhen lāgū karane ka prayās kiya, chāhe main in śikśaon ko kitana bhī adhik kyon na praśansa karata tha aur inake anusār jīvan yāpan karane kī kitana bhī kyon na prayās karata tha, mainne pāya ki main nirantar isake anusār jīvan yāpan nahin kar pa raha hūn. Main nirantar in acche ādarśon ko pālan karane mein asaphal ho raha tha.

Aisa jān padata tha ki mujhe do mārgon mein se ek ko cunana hai. Vah mārg jise Sulaimān ke dvāra prastut kiya gaya hai, jisake pīche sāmānyat: pūra sansār chalata hai, svayam ke lie jīte hue, apane lie isake arthon, ānand ya ādarśon ko rachana karate hue, aisa tha jise mujhe chunana tha. Parantu main jānata tha ki Sulaimān ke lie ant accha nahin tha – na hi adhikānś ke lie hota hai jinhen mainne dekha tha jo is path par chale the. Santuśti asthaī aur chal ke samān thī. Jis path ko Saīn Bāba ne prastut kiya hai vah asambhav hai, kadāchit us jaise Gurū ke lie na ho, parantu mere jaise ek ‘sāmāny’ vyakti ke lie yah asambhav thī. Nirantar in ādarśon ke pīche chalate rahane se main svatantrata ko prāpt nahin kar sakata tha – yah dāsatv tha.

Susamāchār – Vichār karane ke lie taiyār hai

Mere adhyayan aur khoj mein mainne Yīśu (Yīśu satsang) kī śikśaon aur upadeśon ko jaise Baibal ādhārit Susamāchāron (Ved Pustak) mein varnit hai, padha hai. Nīche die hue Yīśu ke kathan ne mujhe ākarśit kar liya

“…ṃain isaliye āya ki ve jīvan paen aur bahutāyat ka jīvan paen” (Yūhanna 10:10)

“He sab pariśram karanevālo aur bojh se dabe hue logo, mere pās āo; main tumhen viśrām dūnga. Mera jūa apane ūpar utha lo, aur mujh se sīkho; kyonki main namr aur man mein dīn hūn: aur tum apane man mein viśrām paoge kyonki mera jūa sahaj aur mera bojh halaka hai.” (Mattī 11:28-30)

Mujhamen yah bāt āī, ki ho sakata hai, yah sambhav ho ki yahān par uttar ho jo kadāchit any mārgon ke ant ko sambodhit kar raha ho. Kul milākar, Susamāchār (jo mere lie kam-ya-jyāda parantu arthahīn dhārmik śabd tha) ka śābdik arth vāstav mein śubh sandeś tha? Ya kya yah phir kam-ya-jyāda parantu koī jhūthī śikśa thī? Isaka uttar pāne ke lie mujhe pata tha ki mujhe do mārgon kī yātra karane kī āvaśyakata thī. Pratham, mujhe Susamāchār kī samajh kī jānakārī ko prāpt karana ārambh karana tha. Dūsara, main kaī bhinn dhārmik Sanskrtiyon mein raha, kaī bhinn logon se mila aur lekhakon ko padha tha jinakī isake prati kaī āpattiyān thīn aur Baibal ādhārit Susamāchār ke virodh mein kaī virodhī vichār the. Ye acchī jānakārī rakhane vāle aur buddhimān log the. Mujhe Susamāchār ke sambandh mein – sāth hī sāth any dharm siddhānton ke lie bhī – aur in mānyataon kī jānch ke lie viśvāsī ke śuddh ādhār ko vikasit karane kī āvaśyakata thī. Mujhe Susamāchār ke bāre mein ālocganātmak tarīke se, buddhihīn ālochana se pare hokar sochane kī āvaśyakata thī.

Yah ek vāstavik bhāv hai jab ek vyakti is tarah yātra ka ārambh karata hai jisamen vah kabhī bhī pūrn rūp se gantavy tak nahin pahunch pāta hai, parantu mainne yah niśchit hī pata laga liya ki Susamāchār in viśayon ke uttar ko pradān karate hain. Isaka pūrn uddeśy hī inhen – ek pūrn jīvan, mrtyu, śāśvatakāl, aur vyavahārik sarokāron ko jaise hamāre pārivārik sambandh mein prem, doś, bhay aur kśama ko sambodhit karana hai. Susamāchār dāva karate hain ki yah ek aisī nīnv hai jisake ūpar ham hamāre jīvanon ko nirmit kar sakate hain. Ho sakata hai ki ek vyakti jarūrī na ho ki Susamāchār dvāra pradān kie hue uttaron ko pasand kar le, ho sakata hai ki ek vyakti isake sāth sahamat na ho ya isamen viśvās na kare, parantu yah dekhate hue ki yah manuśy ke sabhī praśnon ko sambodhit karata hain yah mūrkhata kī bāt hogī ki koī isase sūchit hue bina hī dūr rah jae.

Mainne sāth hī yah sīkha ki Susamāchār ne usī samay mujhe bahut adhik pareśān bhī kar diya tha. Aise samay mein jab bahut sī bāten ārāmadāyak jīvan yāpan karane ke lie hamen pralobhit karatī hain, Susamāchār ke prati tarkarahit hokar sunn kar detī hain, ne mere man, hrday, prān aur sāmarthy ko chunautī de dī ki yadyapi yah jīvan ka prastāv detī hain, parantu yah ek āsān jīvan ka prastāv nahin detī hai. Yadi āp Susamāchār par dhyān dene ke lie vichār karate hue samay nikālate hain to āp bhī aisa pa sakate hain.

Jabase mainne Susamāchār ka anusaran karane ke lie apanī yātra ka ārambh kiya hai, mujhe pūre Bhārat mein aur yahān tak ki Nepāl mein kāry aur yātra karane ka avasar mila hai. Van sambandhī merī Injīniyaring mujhe kaī sthānon par, vibhinn sah-karmiyon ke sāth le gaī hai. Is sandarbhon mein main bātachīt karane ke lie yogy ho saka hūn aur aur adhik ātm bodh ko mainne prāpt kiya hai ki Susamāchār Vaidik sandarbh mein kitanī adhik prāsangik, saty aur arthapūrn hai. Main āśa karata hūn ki āp bhī aisa

Kumbh melā mahotsav: Pāp kā burā samāchār aur hamārī śuddhtā kī āvaśyakatā ko dikhā rahā hai

Mānavīy itihās men janasamūh kā ek sabase baḍaā rūp men ikaṭṭhā honā is varṣ 2013 men ghaṭit huā– Kumbh mele kā tyohār 12 varṣon men keval eka hī bār manāyā jātā hai. Chaukā dene vālī sankhyā men 10 karoḍ log 55 dinon ke tyohār ko manāne ke lie Gangā nadī ke kināron par Ilāhābād śahar men pahunch gae, jisamen se 1 karoḍ ne to Gangā men tyohār ke ārambh hone ke pahale hī din snān kar liyā thā.

kumbh mela image
Lākhon kī sankhyā men Kuṃbh ke mele men śraddhālu

En. Dī. Tī. Vī. ke anusār, āyojakon ne Pharavarī 15 ko snān ke antim din men 2 karoḍ logon ke dvārā snān kie jāne kā anumān lagāyā thā. Main Ilāhābāda āyā hūn aur main yah kalpanā nahīn kar sakatā hūn ki kaise itane sāre loga lākhon kī sankhyā men eka dam se binā kisī kāryon ko rokate hue vahān par ekatr ho sakate hain. Bī. Bī. Sī. ne riporṭ dī ki in logon kī rojamarrā kī āvaśyakatāon kī pūrti ke lie chikitsakon aur śauchālayon jaisī vastuon ko ikaṭṭhā karane ke lie bhārī prayāson ko kiyā gayā thā.Kumbh mele men logon kī itanī adhik sankhyā ne sālānā Makkā ke lie Haj ko jāne vāle tīrth yātriyon kī sankhyā jaise ki Musalamāno kī kul sankhyā – 2012 men keval 31 lākh thī, ko ṭhiganā sā kar diyā.

Is kāraṇ kyon 10 karoḍ logon ko 120 arab Rūpaye Gangā nadī men snān karane ke lie kharch karane paḍae? Nepāl se āne vāle ek śraddhālu ne Bī. Bī. Sī. ko aisā batāyā ki

“Maiṃne apane pāpon ko dho liyā hai.”

Rāyaṭars Samāchār Ejensī riporṭ detī hai ki,

77 varṣīy ghumakkaḍ tapasvī Svāmī Sankarānand Sarasvatī, jo ṭhaṇḍ men khaḍaā nangā kām̐p rahe the, ne aise kahā ki,”Maine is aur pahale ke jīvan ke apane sāre pāpon ko dho liyā hai,”

En. Dī. Tī. Vī. hamen batātā hai ki

Bhaktagaṇ, jo yah viśvās karate hain ki pavitr jal men ḍubakī lagāne se unake pāp śuddh ho jāte hain,

Pichale varṣ 2001 ke tyohār men maine Bī. Bī. Sī. ke dvārā tab ke lie hue sākṣātkār par dhyān diyā thā ki tīrth yātrī Mohan Sharmā ne aise batāyā thā ki “Jin pāpon ko hamane utpann kiyā hai vah yahān par dhul jāte hain.”

‘Pāp’ kī viśvavyāpī bhāvanā

Dūsare śabdon men, lākhon kī sankhyā men log dhan ko kharch karenge, bhīḍ se bharī huī ṭreno men yātrā karenge, bhīḍ bhāḍa se bharī huī paristhitiyon kā sāmanā kareṃge aur apane pāpon ke ‘dhul jāne ke lie’ Gangā nadī men jākar snān karenge. Isase pahale ki ham yah dekhen ki yah śraddhālu kyā kar rahe hain, āie ham us samasyā par dhyān den jo ki unhonne svayaṃ hī apane jīvan men pahachān kī hai jo ki – Pāp hai.

Srī Satya Sāīn Bābā aur ‘sahī’ aur ‘galat’

Aie isakā adhyayan Hindī Gurū Srī Satya Sāīn Bābā ke upadeśon ko dekhate hue, jisakī soch main sochatā hūm̐ ki sarāhanīy hain. Main inhen nīche likh detā hūm̐. Jab āp inhen paḍhate hain to svayaṃ se pūchen, “ki kyā aise naitik upadeś hain jinake sahāre jīvan yāpan kiyā jā sakatā hai? kyā mujhe inake anusār jīvan yāpan karanā chāhie?”

“Aur dharm kyā hai (hamārā naitik kartavy)? Jo kuch āp upadeś dete hain use abhyās men lānā, jo kuch āp kahate hain use vaise hī karanā jaise kahā jā rahā hai, upadeś ko mānate hue aur ise abhyās men lāte hue. Bhale karmon ko kamānā, dharm kī lālasā karanā; Parameśvar ke bhay men jīvan yāpan karanā, Parameśvar tak pahum̐chane ke lie jīvan yāpan karanā: yahī dharm hai” Satya Sāīn Bābā bolate hain 4, pṛ. 339.

“Vāstav men āpakā kartavy kyā hai?….

  • Sabase pahale apane Mātā Pitā kī prem aur ādar aur kṛtagyatā ke sāth sevā karanī.
  • Dūsarā, saty bolanā aur bhale karmon men vyavahār karanā.
  • Tīsarā, jab kabhī āpake pās kuch samay bache, tab Prabhu ke nām ko vah jis bhī rūp men āpake man men hai, duharāte rahanā.
  • Chauthā, dūsare ke bāre men burā bolane men lipt na honā yā dūsaron kī kamajoriyon kī khoj karane kā prayās nahīn karanā.
  • Aur ant men, kisī bhī rūp men anyon ko dukh nahīn pahunchānā” Satya Sāīn Bābā bolate hain 4, pṛ. 348-349.

“Jo koī apane anhakār ko apane adhīn kar letā hai, apanī svārthī icchāon par jay prāpt kar letā hai, apanī vahaśī bhāvanāon aur āvegon ko naṣṭ kar detā hai, aur apane śarīr ko prem karane kī svābhāvik pravṛtti kā daman karatā hai, vah niśchit hī dharm ke path par agrasar hai” Dharm Vāhinī, pṛ. 4

Jab maiṃne ise paḍhaā to pāyā ki ye ve upadeś hain jinake anusār mujhe jīvan yāpan – keval ek sādhāraṇ naitik kartavy ke rūp men karanā cāhie. Parantu kyā āp vāstav men inake ūpar jīvan yāpan kar rahe hain? kyā āpane (aur maine) kabhī inake prati sochā hai? Us samaya kyā hogā yadi in upadeśon ko pālan karane men chūk jāen aur inake anusār jīvan yāpan na kar pāen. Satya Sāīn Bābā is praśn kā uttar nimn tarīke se upadeś dete hue jārī rakhate hain ki

“Sāmāny rūp men, main mīṭhā bolatā hūm̐, parantu anuśāsan ke viṣay men, main kisī bhī tarah kī koī riyāyat denā svīkār nahīn karūngā…main kaṭhor anuśāsan ke ūpar jor dūngā. Main kisī bhī tarah se āpake star ke anurūp kaṭhoratā ko kam nahīṃ karūngā,” Satya Sāīn bolate hain 2, pṛ. 186.

kaṭhoratā kā star ṭhīk hai – yadi āp sadaiv śarton ko pūrā karate hain. Parantu yadi āpa ise pūrī nahīn karate hain? Tab yahī vah sthān hai jahān par tab “Pāp” kī avadhāraṇā ā jātī hai. Jab main naitik lakṣy ko pūrā karane se chūk jātā hūn, yā jise main jānatā hūm̐ ki ise pūrā karanā cāhie, ko pūrā karane men asaphal ho jātā hūm̐ tab main Pāp karatā hūm̐ aur main ek pāpī hūm̐. Kabhī bhī yah sunanā pasand nahīn karegā ki vah eka ‘Pāpī’ hai – yah kuch aisī bāt hai jo āpako asahaj aur doṣī ṭhaharātī hai, aur sacchāī to yah hai ki ham bahut adhik mānasik aur bhāvanātmak urjā ko in vichāron ko yuktisangat tarīke se haṭā dene ke prayās men kharch kar dete hain. Kadāchit ham Satya Sāīn Bābā ke alāvā kisī any śikṣak kī or dekhane lagate hain, parantu yadi vah ek ‘acchā’ śikṣak hai, to usake naitik upadeś bahut adhik vaise hī – pālan karane ke lie kaṭhoratā se bhare hue honge.

Bāibal (Ved Pustak) kahatī hai ki ham sabhī pāp ke is bhāv ko mahasūs karate hain, chāhe ham kisī bhī dharm ke kyon na ho yā hamārī śikṣā kā star kaise bhī kyon na ho kyonki pāp kā yah bhāv hamāre vivek se ātā hai. Ved Pustak ise is tarah se vyakt karatī hai

Phira, jab anyajāti log (arthāt gair-yahūdī), jinake pās vyavasthā nahī (Bāibal men dī huī das āgyāen), svabhāv se hī vyavasthā kī bāton par chalate hain, to vyavasthā unake pās na hone par bhī ve apane lie āp hī vyavasthā hain. Ve vyavasthā kī bāten apane apane hṛdayon men likhī huī dikhāte hain aur unake vivek bhī gavāhī dete hain, aur unake vichār paraspar doṣ lagāte yā unhen nirdoṣ ṭhaharāte hain (Romiyon 2:14-15).

Is prakār lākhon kī sankhyā men tīrth yātrī unake apane pāp ko mahasūs karate hain. Thīk usī prakār se jaise ki Ved Pustak (Bāibal) kahatī hai

Saba ne pāp kiyā hai aur Parameśvar kī mahimā se rahit hain (Romiyon 3:23)

Pāp Pratāsanā Mantr men vyakt kiyā gayā hai

Isakī dhāraṇā prasiddh Prarathā Snānā (yā Pratāsanā) Mantr men vyakt kī gaī hai jise maiṃne nīche likhā hai

Main ek pāpī hūm̐. Main pāp kā pariṇām hūm̐. Main pāp men utpanna huā. Merā prāṇ pāp ke adhīn hai. Main sabase baḍaā pāpī hūm̐. He Prabhu jisake pās sundar ānkhen hain, mujhe bachā le, balidān dene vale, He Prabhu.

Susamāchār hamāre pāpon ko ‘dho ḍālatā’ hai

Susamāchār ṭhīk usī viṣay ko sambodhit karatā hai jisakā samādhān yah samarpit tīrthayātrī khoj rahe hain – ki ‘unake pāp dho die jāe.’ Yah un logon ko ek aisī pratiguā detā hai jo apane ‘vastron’ (arthāt unake apane naitik kāryon) ko dho lete hain. Isakī āśīṣ svarg (‘us śahar’) kī ek amaratā (jīvan kā vṛkṣ) se hai.

“Dhany hain ve, jo apane vastr dho lete hain, kyonki unhen jīvan ke vṛkṣ ke pās āne kā adhikār milegā, aur ve phāṭakon se hokar nagar men praveś karenge.” (Prakāśitavāky 22:14)

Kumbh ke mele kā tyohār hamen hamāre pāp kī vāstavikatā ke ‘bure samāchār’ ko dikhātā hai, aur yah is prakār hamen hamārī śuddhtā ko pāne ke lie jāgarūk karanā chāhie. Bhale hī isamen keval ek sadūr saṃbhāvanā hī dikhāī detī ho ki susamāchār kī yah pratigyā ek saty hai, kyonki yah bahut hī mahatvapūrṇ hai, yah niśchit hī adhik gahan rūp men jānch kie jāne ke lie lābhaprad hai.

Yadi āp anant jīvan ko pāne ke lie rūchi rakhate hain, yadi āpa pāp se svatantratā pāne kī icchā rakhate hain tab in bāton kā adhyayan karake dekhanā adhik buddhimānī hogā ki Prajāpati (yā Yahovā) ke bāre men kyā pragaṭ kiyā gayā hai aur kaise aur kyon usane hamāre lie svayam ke balidān ko de diyā tāki ham svarg ko prāpt Karen. Aur Ved hamen asamanjas men hī choḍ nahīn dete hain. Rg Ved Purūṣāsūktā hai jo Prajāpati ke Deh Dhāraṇ aur usake dvārā hamāre lie balidān die jāne kā varṇan karatā hai. Yahān par Purūṣāsūktā ke parichay ko jānane ke lie klik (karen) jo jis tarah se Bāibal (Ved Pustak) Yīśu satsang (Nāsarat ke Yīśu) aur āpake lie mokṣa yā mukti (amaratv) ko lene ke lie balidān kā varṇan karatī hai vaise hī Purūṣa kā vivaraṇ detā hai.