Mūsa kē Phasah kē Parv mēin chinh aur Yīśu

Hamanē dēkh liya hai ki kaisē Rśi Abrāham kē dvāra usakē putr isahāk ka balidān Yīśu kē balidān kī ōr sankēt kar raha tha. Abrāham kī mrtyu kē paśchāt, usakē putr Isahāk kē vanśaj, jinhēn ab Israēlī kah kar pukāra jāta hai, ēk badī sankhya kē lōg ban gaē thē parantu sāth hī vē Misr mēin dās arthāt gulām ban gaē thē.

Phasah ka Parv

Ab ham ēk badē hī nātakīy sangharś mēin ā jātē hain jō ēk vyakti jisē Mūsa kaha jāta hai, kē dvāra kēndrit hai aur jisaka ullēkh Ibrānī Vēd Baibal kī Nirgaman nāmak pustak mēin milata hai. Isaka nām aisa isaliē hai kyōnki isamēn yah vrtānt milata hai ki kaisē Mūsa Abrāham kē 500 varśōn kē paśchāt, lagabhag 1500 Isa Pūrv mēin Israēliyōn kē Misr kē dāsatv sē bāhar nikāl kar lāya. Mūsa ko srśtikarta Paramēśvar (Prajāpati) kē dvāra āgya dī gaī thī ki vah Misr kē Phiraun (śāsak) ka sāmana karē aur isaka parinām Mūsa aur Phiraun kī icchaōn mēin pratispardha kē rūp mēin nikala. Is pratispardha nē Misr kē virōdh mēin das vipattiyōn ya apadaōn kō bhī utpann kiya. Parantu Phiraun Misriyōn kō chōd dēnē kē liē sahamat nahī hua isaliē Paramēśvar 10vīn aur antim vipatti unakē ūpar lānē par tha. Aap 10vīn vipatti kē pūrē vrtānt kō is link par yahān Nirgaman mēin padh sakatē hain kyōnki yah nīchē diē gaē vivaran mēin āpakī sahāyata karēga.

Paramēśvar kē dvāra 10vīn vipatti kī āgya yah thī ki mrtyu ka dūt (ātma) Misr kē pratyēk ghar kē āgē sē nikalēga. Us dēś kī pūrī bhūmi par ēk viśēś rātri mēin pratyēk pahilautha un lōgōn kē gharōn kō chōdakar mar jaēga jahān par ēk Mēmnē ka balidān kiya gaya hai aur isakē lahū kō us ghar kē dvār kī caukhatōn par lagāya hua hai. Phiraun ka vināś usakē putr aur usakē sinhāsan kē uttarādhikārī kē maranē sē hōta hai, yadi vah āgya ka pālan nahin karata aur Mēmnē kē lahū kō dvār par nahin lagāta hai. Aur Misr ka pratyēk ghar pahilauthē putr kō khō dēga yadi vē Mēmnē ka balidān nahin karatē aur usakē lahū kō caukhatōn kē ūpar nahin lagātē hain. Is tarah sē Misr rāśtrīy sankat ka sāmana karata hai.

Parantu vē ghar jahān par ēk Mēmnē ka balidān kiya gaya tha aur usakē lahū kō caukhatōn kē ūpar lagāya gaya tha kē liē yah pratigya dī gaī thī aisa pratyēk ghar surakśit rahēga. Mrtyu kē dūt nē us ghar kō chōd diya. Is tarah sē is din kō Phasah kah kar pukāra gaya (kyōnki mrtyu nē un sabhī gharōn kō chōd diya tha jahān par dvārōn par lahū kō lagāya gaya tha).

Phasah ka chinh

Ab jinhōnnē is kahānī kō suna, unhone yah mān liya ki dvārōn par laga hua lahū ka niśān mrtyu kē dūt kē liē niśān tha. Parantu 3500 varśōn pahalē likhē huē vrtānt mēin sē jigyāsa bharē huē vivaran kē ūpar dhyān dēn.

Paramēśvar nē Mūsa sē kaha…”… Main Yahōva hūn. Jin gharōn mēin tum rahatē hō un par [Phasah kē Mēmnē ka] vah lahū tumhārē liē chinh thaharēga; arthāt main us lahū kō dēkhakar tum kō chōd jaūnga. (Nirgaman 12:13)

Yadyapi Paramēśvar dvār kē ūpar lahū kō dēkh raha tha, aur jab vah usē dēkhata hai tō mrtyu usakē ghar kō chōd dēgī, lahū Paramēśvar kē liē chinh nahin tha. Yah badī hī spaśtata sē kahata hai, ki lahū ‘āpakē liē ēk chinh’ – arthāt lōgōn kē liē chinh tha. Yah sāth hī ham sabhōn kē liē bhī chinh hai jō is vrtānt kō padhatē hain. Parantu kaisē yah ēk chinh hai? Eek mahatvapūrn surāg yah hai ki is ghatana kē ghatit hō jānē kē paśchāt Paramēśvar nē unhēn yah āgya dī:

Is kāran vah din tumhārī pīdhiyōn mēin sada kī vidhi jānakar māna jaē. Jab tum us dēś mēin pravēś karō…. Tab yah kām kiya karana… Yah Paramēśvar kē liē Phasah ka balidān hōga (Nirgaman 12:17, 24, 27)

Jewish man with lamb at Passover
Phasah kē Parv par Mēmnē kē sāth ēk Yahūdī vyakti

Yahūdī Israēliyōn kō pratyēk varś kē usī din Phasah ka Parv mānanē kī āgya dī gaī thī. Yahūdī panchāng, Chandrama ādhārit panchāng hōnē kē kāran, paśchimī panchāng sē thōda sa bhinn hai, yadi āp isaka ānkalan paśchimī panchāng kē anusār karēn tō āp paēngē ki varś mēin dinōn kī ginatī pratyēk varś parivartit hōtī hī jātī hai. Parantu āj kē din bhī, lagabhag 3500 varśōn kē paśchāt, Yahūdī lōg nirantar Phasah kē Parv arthāt tyōhār kō pratyēk varś usī din dī huī āgya ka pālan karatē huē is ghatana kī smrti mēin manātē hain.

Phasah ka chinh Prabhu Yīśu kī ōr sankēt kar raha hai

Aur Itihās mēin is Parv kī khōj karatē huē ham kuch asādhāran bātōn kō nōt kar sakatē hain. Aap isē Susamāchārōn mēin bhī dhyān sē nōt kar sakatē hain jahān par yah Yīśu kē pakadē aur jānchē jānē (pratham Phasah kī vipatti kē 1500 varśōn kō paśchāt) kē vivaranōn kō ullēkh karata hai:

“Tab vē Yīśu kō…. Rōmī rājyapāl [Pīlātus] kē kilē lē gaē… Parantu vē āp kilē kē bhītar nahin gaē tāki aśuddh na hōn parantu Phasah kha sakēn“… [Pīlātus] nē [Yahūdī aguvōn sē] kaha  “…par tumhārī yah rīti hai ki main Phasah kē samay mēin tumhārē liyē ēk vyakti kō chōd dūn. Atah kya tum chāhatē hō ki main tumhārē liyē ‘Yahūdiyōn kē Rāja’ kō chōd dūn “tab unhōnnē phir chilla kar kaha, “Isē nahin…” (Yūhanna 18:28, 39-40)

Dūsarē śabdōn mēin, Yīśu kō pakad liya gaya tha aur kūsrīkaran kē liē Yahūdī panchāng kē anusār thīk Phasah kē din hī bhēja gaya tha. Yīśu kō dī huī padaviyōn mēin sē ēk yah thī

Dūsarē din Yūhanna nē Yīśu kō apanī ōr ātē dēkhakar kaha, “Dēkhō, yah Paramēśvar ka Mēmna hai jō jagat ka pāp utha lē jāta hai. Yah vahī hai jisakē viśay mēin mainnē kaha tha, ēk purūś mērē pīchē āta hai jō mujh sē śrēśth hai, kyōnki vah mujh sē pahalē tha” (Yūhanna 1: 29-30)

Yahān par ham dēkhatē hain ki kaisē Phasah ka nātak hamārē liē ēk chinh hai. Yīśu, ‘Paramēśvar kē Mēmnē’ kō varś kē thīk usī din krūsit (arthāt balidān) kiya gaya tha jab sabhī Yahūdī pratham Phasah kē smaran mēin Mēmnē ka balidān kar rahē thē jō 1500 varśōn pahalē ghatit huī tha. Yah dō chuttiyōn kē vārśik samay kī vyākhya karatē hain jō pratyēk varś – samānāntar rūp mēin ghatit hōtī hai jis par hamamēn sē thōdē hī dhyān dētē hain aur yahān tak ki bahut hī thōdē pūchatē hain ki ‘kyōn’ aisa ghatit hōta hai? Yahūdiyōn ka Phasah ka Parv pratyēk varś lagabhag usī samay ghatit hōta hai jab Masīhiyōn ka Estar ka Parv āta hai – apanē panchāng kō jānchēn. (Pratyēk 19vēn varś kē ēk mahīnē mēin vichalan Yahūdiyōn kē panchāng kē Chandr-ādhārit līp varś kē cakr kē kāran hōta hai). Isaliē hī Estar āgē kī ōr badh jāta hai kyōnki yah Phasah kē ūpar ādhārit hai aur Phasah ka samay Yahūdī panchāng kē dvāra nirdhārit hōta hai jō varś kī garana paśchimī panchāng sē bhinn rūp mēin karata hai.

Flag_of_India
Bhārat ka ēk chinh

Ab ēk minat kē liē yah vichār karēn ‘chinh’ kya karatē hain. Aap kuch chinhōn kō nīchē yahān par dēkh sakatē hain.

 

Signs
Vyāvasāyik vhinh hamēn Maikdōnāldas aur Naīk kō sōchanē kē liē majabūr karatē hain

Jhanda ya Dhvaj Bhārat ka chinh ya pratīk hai. Ham kēval ēk Nānragī aur ēk Harī pattī kō hī āyatākār rūp mēin nahin ‘dēkhatē’ hain. Nahin, jab bhī ham Jhandē kō dēkhatē hain, ham Bhārat kō sōchatē hain. ‘Sunaharī mēharābēn’ hamēn Maikdōnāldas kō sōchanē kē bārē mēin majabūr karatī hain. Tēnīs khilādī Nādal kē sir par bandhī huī pattī par diya hua chinh ‘√’ Naīk kē liē sōchanē par majabūr karata hai. Naīk chāhata hai ki ham unakē bārē mēin sōchēn jab bhī ham Nādal kē sir par bandhī pattī par diē huē chinh kō dēkhatē hain. Dūsarē śabdōn mēin, chinh hamārē manōn kē liē aisē sankēt hain jō hamārī sōch kō icchit kī huī vastu kī ōr nirdēśit karatē hain.

Ibrānī Vēd kē Nirgaman mēin diē huē Phasah ka vrtānt spaśt rūp sē yah kahata hai ki chinh lōgōn kē liē diya gaya tha, na ki srśtikarta Paramēśvar kē liē (Yadyapi vah abhī bhī lahū kī ōr dēkhaga aur yadi vah isē un gharōn par dēkhata hai tō unhēn chōd dēga). Kisī bhī diē huē chinh kī tarah, jab ham Phasah kī ōr dēkhatē hain tō vah hamārē manōn kī sōch sē kya iccha rakhata hai? Mēmnē kē balidān ka ullēkhanīy samay vahī din tha jis din Yīśu ka balidān hua tha, isaliē yah Yīśu kē balidān kī ōr ēk sankēt karanē vāla hōna chāhiē.

Yah hamare manōn mēin usī tarah sē kāry karata hai jaisa mainnē nīchē diē ārēkh mēin dikhāya hai. chinh vahān par Yīśu kē balidān kī ōr sankēt karanē kē liē diya gaya tha.

passover-and-jesus
Phasah kē prati Yīśu kē balidān ka usī samay mēin ghatit hōna ēk chinh tha

Pratham Phasah kē samay Mēmnōn ka balidān hua tha aur lahū kō lagāya gaya tha tāki lōg bachaē ja sakēn. Aur isī prakār, yah chinh Yīśu kī ōr hamēn yah batānē kē liē sankēt kar raha hai ki, Paramēśvar ka Mēmna mrtyu kē liē balidān hōnē kē liē diya gaya tha aur usaka lahū bahāya gaya tāki ham jīvan kō prāpta kar sakēn.

Hamanē Abrāham kē chinh lēkh mēin dēkha tha jis sthān par Abrāham kī parīkśa usakē putr kō Mōriyyāh pahād kē ūpar balidān dēnē kē dvāra kī gaī thī. Vahīn par ēk Mēmnē kō marana tha tāki Abrāham ka putr jīvit rah sakē. Mōriyyāh pahād

The Sign of Abraham was pointing to the location
Abrāham ka Chinh us sthān kī ōr sankēt kar raha tha

thīk vahī sthān tha jahān par Yīśu ka balidān hua tha. Yah chinh hamēn us sthān kī ōr sankēt karatē huē usakī mrtyu kē arth kō ‘dēkhanē’ kē liē diya gaya tha. Phasah mēin ham ēk ōr sūchak kō varś kē thīk usī din kō Yīśu kē balidān kī ōr sankēt karata hua pātē hain. Eek bār phir sē Mēmnē kē balidān ka upayōg – yah dikhānē kē liē kiya gaya hai ki yah Yīśu kē balidān kī ōr sankēt karatī huī – ghatana ka ēk sanyōg mātr nahin hai. Dō bhinn tarīkōn sē (sthān kē dvāra aur samay kē dvāra) pavitr Ibrānī Vēdōn mēin diē huē dō ati mahatvapūrn tyōhār Yīśu kē balidān kī ōr spaśt sankēt karatē hain. Main Itihās mēin kisī bhī any vyakti kē bārē mēin nahin sōch sakata hūn jisakī mrtyu kī pratichāya is tarah sē nātakīy tarīkē mēin is tarah kī samānataōn kē sāth dī gaī hō. Kya āp sōch sakatē hain?

Yah chinh isaliē diē gaē hain ki ham us par āśvast hō sakēn ki Yīśu ka balidān vāsvat mēin Paramēśvar kī ōr sē yōjanābaddh aur thaharāya hua tha. Yah udāharan kē rūp mēin diya hua hai tāki ham yah kalpana kar sakēn ki kaisē Yīśu ka balidān hamēn mrtyu sē bachāta hai aur pāp sē śuddh karata hai -Paramēśvar kī ōr sē un sabhōn kō diya hua upahār hai jisē sabhī prāpt kar sakatē hain.