Rshi Abraaham Kē Balidaan Ka Chinh

Hamanē dēkha ki kaisē Abraaham kō, bahut pahalē, jaatiyōn kēē pratigya dēē gaēē. Yahōōdēē aur Arab kē lōg aaj Abraaham sē hēē nikal kar aaē hain, is kaaran ham jaanatē hain ki pratigya sachchēē thaharēē aur yah ki vah itihaas mēin ēk mahatvapōōrn vyakti hai. Kyōnki Abraaham nē is pratigya kē ōōpar bharōsa kiya isaliē usē dhaarmikata dēē gaēē – usanē Mōksh kō praapt kar liya parantu kisēē kathōr parishram kē dvaara apitu usanē bas kēval isē kisēē ēk mupht upahaar kēē tarah pa liya tha.

Kuchh samay kē pashchaat, Abraaham nē lambē samay sē pratiksha kiē ja rahē putr Isahaak (jisamēn sē Yahōōdēē apanē pōōrvajōn kō nikal kar aaya hua paatē hain) kō praapt kar liya. Isahaak ēk naujavaan purōōsh ban gaya. Parantu tab Paramēshvar nē Abraaham kēē naatakēēy tarēēkē sē jaanch kēē. Aap isakē pōōrē vrtaant kō yahaan par padh sakatē hain aur tab is rahasyamayēē jaanch kē arthōn kē mukhy tathyōn kō khōlanē kē liē aagē badh sakatē hain – jō hamaarēē is baat mēin sahaayata karata hai ki kaisē hamaarē liē dhaarmikata kō dēnē kē liē ada kiya jaēga.

Abraaham kēē Jaanch

Is jaanch ka aarambh Paramēshvar kē dvaara ēk naatakēēy aadēsh kō diē jaanē kē dvaara hōta hai:

Paramēshvar nē kaha, “Apanē putr kō arthaat apanē ēkalautē putr – Isahaak kō – jis sē tōō prēm rakhata hai, sang lēkar Mōriyyaah dēsh mēin chala ja aur vahaan usakō ēk pahaad kē ōōpar jō main tujhē bataōōnga hōmabali karakē chadha.” (Utpatti 22: 2)

Abraaham, aadēsh kē aagyaapaalan mēin ‘agalē sabērē tadakē’ utha aur tēēn din kēē yaatra kē pashchaat vē us pahaad par pahunch gaē. Tab

9Jab vē us sthaan kō jisē Paramēshvar nē usakō bataaya tha pahunchē; tab Abraaham nē vahaan vēdēē banaakar lakadēē kō chun chunakar rakha, aur apanē putr Isahaak kō baandh kar vēdēē par kēē lakadēē kē ōōpar rakh diya. 10Phir Abraaham nē haath badhaakar chhurēē kō lē liya ki apanē putr kō bali karē. (Utpatti 22: 9-10)

Abraaham aadēsh kēē aagyaapaalan kiē jaanē kē liē tatpar tha. Parantu tab kuchh ullēkhanēēy ghatana ghat gaēē:

11Tab Yahōva Paramēshvar kē dōōt nē svarg sē usakō pukaar kē kaha, “Hē Abraaham! Abraaham hē!”

Usanē kaha, “Dēkh, main yahaan par hōōn. ”

12Usanē kaha, “Us ladakē par haath mat badha, aur na usasē kuchh kar; kyōnki tōō nē jō mujh sē apanē putr, varan apanē ēkalautē kō bhēē nahin rakh chhōda; isasē main ab jaan gaya ki tōō Paramēshvar ka bhay maanata hai.”

13Tab Abraaham nē aankhēn uthaēēn, aur kya dēkha ki usakē pēēchhē ēk Mēdha apanē sēēngōn sē ēk jhaadēē mēin phansa hua hai; at: Abraaham nē ja kē us Mēdhē kō liya, aur apanē putr kē sthaan par usē hōmabali karakē chadhaaya. (Utpatti 22: 11-13)

Antim kshanōn mēin Isahaak mrtyu sē bach gaya aur Abraaham nē ēk nar Mēdhē kō dēkha aur usakēē apēksha usē balidaan kiya. Paramēshvar nē ēk Mēmnē ka prabandh kiya tha aur Mēmnē nē Isahaak ka sthaan lē liya.

Bhavishy kēē ōr dēkhatē huē: Balidaan

Abraaham tab us sthaan ka naam rakhata hai. Dhyaan dēn ki vah kya naam rakhata hai.

Abraaham nē us sthaan ka naam ‘Yahōva Paramēshvar prabandh karēga’. Isakē anusaar aaj tak bhēē kaha jaata hai ki “Yahōva kē pahaad par upaay kiya jaēga.” (Utpatti 22:14)

Abraaham nē usaka naam ‘Yahōva Paramēshvar prabandh karēga’ kah kar rakha. Yahaan par ēk prashn hai. Yah naam bhōōt kaal, vartamaan kaal ya bhavishy kaal kis mēin likha hua hai? Kya yah spasht rōōp sē bhavishy kaal mēin hai. Aur aagē aanē vaalēē tippanēē aur bhēē adhik spasht rōōp sē duharaatēē hai “… Isaka upaay kiya jaēga.” Yah bhēē bhavishy kaal mēin likha hua hai – is tarah sē yah bhēē bhavishy kēē ōr dēkh raha hai. Parantu naam rakhanē ka yah kaary Isahaak kē sthaan par Mēmnē (ēk nar Bhēd) kē balidaan kē pashchaat hua hai. Adhikaansh lōg yah sōchatē hain ki jab Abraaham, us sthaan ka naam rakh raha tha, tab vah us jhaadēē mēin phansē huē aur apanē putr kē sthaan par balidaan kiē jaanē vaalē Mēdhē kēē ōr sankēt kar raha tha. Parantu ab tak tō vah pahalē hēē balidaan kar diya gaya aur jala diya ja chuka tha. Yadi Abraaham Mēdhē kē baarē mēin sōch raha tha – jō pahalē sē balidaan kar diya, mar chuka aur jala diya gaya tha – tab tō usanē us sthaan ka naam ‘Yahōva Paramēshvar nē prabandh kiya hai’, karakē rakha hōta, arthaat bhōōt kaal vaaky mēin . ‘Aur tippanēē aisēē likhēē gaēē hōtēē aur aaj tak bhēē yah kaha jaata hai ki “Yahōva Paramēshvar kē pahaad par upaay kiya gaya tha.’” Parantu Abraaham nē spasht rōōp sē isē bhavishy kaal mēin likha hai aur isaliē vah yah nahin sōch raha tha ki vah pahalē sē mar chuka hai aur usanē Mēdhē ka balidaan kar diya hai. Vah kuchh bhinn tarah kēē baat sē aatm jaagrt hua tha. Usakē paas bhavishy kē baarē mēin kuchh aatmabōdh thē. parantu vē kya thē?

Jahaan par balidaan kēē ghatana ghatit huēē

Us pahaad kō smaran rakhēn jahaan par Abraaham kō is balidaan kō chadhaanē kē liē bhēja gaya tha:

Tab Paramēshvar nē kaha, “apanē putr kō arthaat apanē ēkalautē putr Isahaak kō jis sē tōō prēm rakhata hai, sang lēkar Mōriyyaah dēsh mēin chala ja …” (Vachan 2)

Is tarah sē yah ‘Mōriyyaah’ mēin ghatit hua. Yah kahaan par hai? Yadyapi yah Abraaham kē dinōn mēin (2000 Eēsa Pōōrv) jangalēē kshētr tha, parantu ēk hajaar varshōn (1000 Eēsa Pōōrv) kē pashchaat Raaja Daōōd nē yahaan par Yarōōshalēm nagar kēē sthaapana kēē thēē aur usakē putr Sulaimaan nē yahaan par pahalē mandir ka nirmaan kiya tha. Ham isē baad mēin puraanē niyam kēē aitihaasik pustakōn mēin padhatē hain:

Tab Sulaimaan nē Yarōōshalēm mēin Mōriyyaah naamak pahaad par usēē sthaan mēin Yahōva Paramēshvar ka bhavan banaana aarambh kiya, jisē usakē pita Daōōd nē darshan paakar taiyaar kiya tha. (2 Itihaas 3: 1)

Dōōsarē shabdōn mēin, Abraaham kē dinōn mēin (4000 Eēsa Pōōrv) ‘Mōriyyaah ka pahaad’ jangal mēin ēk sunasaan pahaadēē tha parantu 1000 varshōn kē pashchaat Daōōd aur Sulaimaan kē dvaara yah Israēliyōn kē liē ēk kēndrēēy nagar ban gaya jahaan par unhōnnē Srshtikarta ka mandir ka nirmaan kiya. Aur aaj kē din tak bhēē isē Yahōōdēē lōgōn ka ēk pavitr sthaan aur Israēl kēē Raajadhaanēē maana jaata hai.

Yēēshu – Yēsōō Satsang – aur Abraaham ka Balidaan

Ab Yēēshu kēē padaviyōn kē baarē mēin sōchēn. Yēēshu sē sambandhit bahut sēē padaviyaan hain. Kadaachit sabasē adhik jaanēē-pahachaanēē padavēē Masēēh kēē hai. Parantu usē ēk any padavēē bhēē dēē gaēē hai jō ki ati mahatvapōōrn hai. Ham isē Yōōhanna kē Susamaachaar mēin dēkhatē hain jahaan par Yōōhanna Bapatisma dēnē vaala usakē vishay mēin aisa kahata hai:

Dōōsarē din usanē (arthaat Yōōhanna Bapatisma dēnē vaala) Yēēshu (arthaat Yēsōō Satsangēē) kō apanēē ōr aatē dēkhakar kaha, “Dēkhō, yah Paramēshvar ka Mēmna hai jō jagat kē paap utha lē jaata hai. Yah vahēē hai jisakē vishay mēin mainnē kaha tha, ‘ēk Purōōsh mērē pēēchhē aata hai jō mujh sē shrēshth hai, kyōnki vah mujh sē pahalē tha.’” (Yōōhanna 1: 29-30)

Dōōsarē shabdōn mēin, Yēēshu kō ‘Paramēshvar ka Mēmna’ kē rōōp mēin jaana jaata tha. Ab Yēēshu kē jēēvan kē ant kē ōōpar dhyaan dēn. Usē kahaan par pakada aur krōōsit kiya gaya? Yah Yarōōshalēm mēin hua tha (jisē hamanē = ‘Mōriyyaah pahaad’ kē rōōp mēin aisē dēkha hai). Isē bilkul hēē spasht shabdōn mēin usakē pakadē jaanē kē samay par kaha gaya hai:

Aur [Pilaatus] yah jaanakar ki vah Hērōdēs kēē riyaasat ka hai, usē Hērōdēs kē paas bhēj diya, kyōnki un dinōn mēin vah bhēē Yarōōshalēm mēin tha. (Lōōka 23:7)

Yēēshu ka pakada jaana, usakēē jaanch aur krōōsēēkaran Yarōōshalēm (= Mōriyyaah pahaad) mēin ghatit huē. Nēēchē dēē gaēē samayarēkha un ghatanaōn kō darshaatēē hai jō Mōriyyaah pahaad kē ōōpar ghatit huēē.

 Mōriyyaah pahaad kē ōōpar ghatit huēē mukhy ghatanaēn
Mōriyyaah pahaad kē ōōpar ghatit huēē mukhy ghatanaēn (= Yarōōshalēm)

Aaiē ab punh Abraaham kē baarē mēin sōchēn. Kyōn usanē us sthaan ka naam bhavishy kaal kē vaaky ‘Yahōva Paramēshvar upaay karēga’ sē rakha? Kaisē vah yah jaan sakata hai ki bhavishy mēin kisēē aisēē baat ka ‘prabandh’ kiya jaēga jō atyadhik nikatata sē vaisē hēē ghatit hōgēē jaisa ki usanē Mōriyyaah pahaad par kiya tha? Isakē baarē mēin sōchēn – usakēē parēēksha mēin Isahaak (usaka putr) antim kshanōn mēin mrtyu sē bacha liya gaya tha kyōnki ēk Mēmna usakē sthaan par balidaan hō gaya tha. Dō hajaar varshōn pashchaat, Yēēshu kō Paramēshvar ka Mēmna kah kar pukaara gaya hai aur usē usēē sthaan kē ōōpar balidaan kiya gaya! Kaisē Abraaham yah jaan paaya ki yahēē vah sthaan hōga? Vah kēval isē is tarah sē hēē jaan sakata tha aur kuchh ghatit hōnē vaala tha, kēē bhavishyadvaanēē kar sakata tha jō ki ullēkhanēēy hō jab usē svayan Srshtikarta Paramēshvar, Prajaapati kēē ōr sē aatmajaagrti praapt na huēē hō.

Eēshvarēēy man prakaashit hua hai

Yah aisa hai maanō ki vahaan par aisa man tha jisanē in dōnōn ghatanaōn kō apanē sthaan kē kaaran aapas mēin sambaddh kar diya hai yadyapi yah dōnōn itihaas kē 2000 varshōn mēin ēk dōōsarē sē prthak hain.

Abraaham ka balidaan ēk chinh tha - jō aagē 2000 varshōn kēē ōr - hamēn Yēēshu kē balidaan kē baarē mēin sōchanē kē liē sankēt dē raha tha.
Abraaham ka balidaan ēk chinh tha – jō aagē 2000 varshōn kēē ōr – hamēn Yēēshu kē balidaan kē baarē mēin sōchanē kē liē sankēt dē raha tha.

Uparōkt chitr yah darshaata hai ki kaisē pahalē kēē ghatana (Abraaham ka balidaan) baad kēē ghatana (Yēēshu kē balidaan) kēē ōr sankēt karatēē hai aur isakēē rachana hamēn is baad vaalēē ghatana kō smaran dilaanē kē liē kēē gaēē thēē. Yah pramaanit karata hai ki yah man (Srshtikarta Paramēshvar) ham par svayan kō hajaarōn varshōn mēin ghatit huēē prthak ghatanaōn kō sanyōjit karatē huē prakaashit kar raha hai. Yah ēk chinh hai jisē Paramēshvar nē Abraaham kē dvaara bōla.

Aapakē aur mērē liē Shubh Sandēsh

Yah vrtaant hamaarē liē aur adhik vyaktigat kaaranōn sē bahut mahatvapōōrn hai. Saar mēin yah kahana, ki Paramēshvar nē Abraaham kē liē yah ghōshana kēē:

“… Aur prthvēē kēē saarēē jaatiyaan apanē kō tērē vansh kē kaaran dhany maanēngēē: kyōnki tōō nē mērēē baat maanēē hai.” (Utpatti 22:18)

Kya aap is ‘Prthvēē kēē sabhēē jaatiyōn’ mēin ēk sē sambandhit nahin hain – yah baat kōēē arth nahin rakhatēē ki aap chaahē kisēē bhēē bhaasha, dharm, shiksha, umr, ling ya sampannata sē kyōn na sambaddh hōn? Ab yah ēk aisēē pratigya hai jisē vishēsh rōōp sē aapakō diya gaya hai! Aur dhyaan dēn yah pratigya kya hai – yah svayan Paramēshvar kēē ōr sē ēk aashēēsh hai! Yah kēval Yahudiyōn kē liē nahin hai, apitu is Sansaar kē sabhēē lōgōn kē liē hai.

Yah ‘aashēēsh’ kaisē dēē gaēē hai? Shabd vansh yahaan par ēkavachan hai. Yah kaēē santaanōn ya lōgōn mēin vanshōn kē rōōp mēin nahin diya gaya hai, parantu yah ēkavachan mēin diya gaya hai jaisē yah ‘vah’ mēin hōta hai. Yah kaēē lōgōn ya lōgōn kē samōōh kē dvaara nahin hai jaisa ki ‘vē’ mēin hōta hai. Yah itihaas kē aarambh mēin dēē huēē pratigya kē aksharansh samaantar hai, jab ‘vah’ Ibraanēē Vēdōn mēin varnit sarp kēē ‘aidēē kō dasēga’ aur saath hēē Purōōshaasōōkta mēin diē huē (‘vah’ arthaat) Purōōsha kē balidaan kēē pratigya kē saamaantar bhēē hai. Is chinh kē saath vahēē sthaan– arthaat Mōriyyaah pahaad (= Yarōōshalēm) – kēē bhavishadvaanēē in praachēēn pratigyaōn ka aur adhik vistaar dētē huē kēē gaēē hai. Abraaham kē balidaan kē naatak ka varnan hamēn yah samajhanē mēin sahaayata karata hai ki kaisē is aashēēsh kō diya gaya hai, aur kaisē dhaarmikata kēē kēēmat kō ada kiya jaēga.

Paramēshvar kēē aashēēsh kō kaisē praapt kiya jaata hai?

Thēēk vaisē hēē jaisē ēk Mēdhē nē Isahaak kō mrtyu sē usakē sthaan par balidaan hōtē huē bacha liya, thēēk vaisē hēē Paramēshvar ka Mēmna, apanēē balidaanaatmak mrtyu kē dvaara, hamēn mrtyu kēē saamarthy aur isakē jurmaanē sē bachaata hai. Baibal yah ghōshana karatēē hai

… Paap kēē majadōōrēē tō mrtyu hai (Rōmiyōn 6:23)

Yah ēk aur tarēēka hai jisakē dvaara yah kaha jaata hai ki jin paapōn kō ham karatē hain vah aisē karmōn kō utpann karatē hain jinaka parinaam mrtyu hai. Parantu mrtyu kō Mēmnē nē Isahaak kē sthaan par balidaan hōtē huē ada kar diya. Abraaham aur Isahaak kō tō bas svēēkaar karana tha. Vah isakē yōgy nahin tha aur na hēē hō sakata tha. Parantu vah isē ēk upahaar kē rōōp mēin svēēkaar kar sakata tha. Yahēē vaastav mēin vah baat hai ki usanē kaisē Mōksh kō praapt kiya.

Yah hamēn us paddhati kō dikhaatēē hai jisaka hamēn anusaran karana chaahiē. Yēēshu ‘Paramēshvar ka Mēmna tha jō jagat kē paapōn kō utha lē jaata hai’. Isamēn aapakē svayan kē paap bhēē sammilit hain. Is tarah sē Yēēshu, jō Mēmna hai, aapakē paapōn kō ‘utha lē jaanē’ ka prastaav dēta hai kyōnki usanē kēēmat kō ada kar diya hai. Aap isakē yōgy nahin hain parantu aap isē upahaar kē rōōp mēin pa sakatē hain. Yēēshu sē praarthana kēējiē, jō purōōsha hai, aur usasē kahēn ki vah aapakē paapōn kō apanē ōōpar lē lē. Usaka balidaan usakē is saamarthy kō pradaan karata hai. Ham isē isaliē jaanatē hain kyōnki yah sanyōg sē Mōriyyaah pahaad kē ōōpar Abraaham kē dvaara balidaan kiē huē ullēkhanēēy vrtaant kēē pratichhaaya tha, thēēk usēē sthaan kēē jahaan 2000 varshōn pashchaat isaka ‘prabandh Yēēshu kē dvaara’ kiya gaya tha.

Arambh se hī – Mokś kī Pratigya

Mere pichale kuch lekhon mein mainne yah dekha ki kaise usakī ārambhik rachī huī avastha se pāp mein gir kar manuśy patit ho gaya. Parantu Baibal (Ved Pustak) ek aisī yojana ko āge badhātī hai jo Parameśvar ke pās ārambh se hī tha. Yah yojana ek aisī pratigya ke ūpar ādhārit hai jise tab nirgat kiya gaya tha aur yahī vah yojana hai jo Purūśāsūkta mein bhī gūnjatī rahata hai.

Baibal – ek Vāstavik Pustakālay

Is pratigya kī viśeśata kī sarāhana karane ke lie hamen Baibal ke bāre mein kuch mūl sacchaiyon ko jānana āvaśyak hai. Yadyapi yah ek pustak hai, aur ham ise isī rūp mein sochate hain, yah ek chalit pustakālay hai aisa sochana vāstav mein aur adhik satīk hoga hai. Aisa isalie kyonki yah pustakon ka ek sangrah, jo ki vibhinn paristhitiyon se āne vāle lekhakon ke dvāra, lagabhag 1500 varśon se adhik lambī avadhi ke madhy mein likhī gaī hai. Aaj yah pustaken ek hī pustak – Baibal mein ikatthī kar dī gaī hain. Yahī ek tathy Baibal ko sansār kī mahān pustakon mein Rgved kī tarah viśeś bana deta hai. Vibhinn tarah ke lekhakon ke hone ke atirikt, Baibal kī vibhinn pustaken kathanon, udaghośanaon aur bhaviśyadvāniyon kī bhī ghośana karatī hai jinhen bād ke lekhak ādhārit hue hain. Yadi Baibal keval ek hī lekhak, ya lekhakon ke samūh ke dvāra jo ek dūsare ko jānate hon likhī gaī hotī, to yah koī viśeś yogyata nahin rakhatī. Parantu saikadon aur yahān tak ki hajāron varśon ke antarāl par, vibhinn tarah kī sabhyataon mein, bhāśaon mein, sāmājik tāne bāne, aur sāhityik śailiyon kī prthakata ke kāran ek dūsare se bhinn the – tathāpi unake sandeśon aur bhaviśyadvāniyon ko mūl rūp se unake paśchāt āne vāle lekhakon ke dvāra ya Baibal se bāhar ke pramānit itihās ke tathyon ke dvāra pūrn huī hain. Yahī vah kāran jo Baibal ko pūrn rūp se ek bhinn star ke ūpar viśeś bana deta hai – aur yah jānakārī hamen isake sandeś ko prerit karanī chāhie. Purāne Niyam (kī ve pustaken jo Yīśu ke āne se pahale likhī gaīn) kī pustakon kī vidyamān pāndulipiyon ka lekhanakāry 200 Isa pūrv pahale tha, is kāran Baibal ke mūlapāth kī nīnv, sansār kī any prāchīn pustakon se kahīn adhik uttam hai.

Vātika mein Mokś kī Pratigya

Baibal mein Utpatti kī pustak ke ārambh mein hī srśti kī rachana aur patan ke virtānt mein hī hamen is pahalū kī pratichāya spaśtata se dikhaī detī hai. Dūsare śabdon mein, yadyapi ham ise ārambh mein hī dekhate hain, parantu yah ant ko dhyān mein rakhate hue likha gaya tha. Yahān par ham ek pratigya ko dekhate hain jab Parameśvar apane virodhī Saitān ka sāmana karata hai, jo ki buraī ka avatār tha, jo ki Sarp ke rūp mein tha, aur usase ek pahelī mein bāt karate hue thīk isake paśchāt manuśy ko pāp mein patit kar diya

“… aur main (Parameśvar) tere (Saitān) aur is Strī ke bīch mein, aur tere Vanś aur isake Vanś ke bīch mein bair utpann karūnga; vah tere sir ko kuchal dālega aur tū usakī edī ko dasega.” (Utpatti 3:15)

Ise dhyān se padhane ke paśchāt āp dekhenge ki yahān par pānch vibhinn pātron ka ullekh kiya gaya hai aur yah ki yah apane āp mein bhaviśyadvānī hai ki yah āne-vāle-samay (jise bhaviśyasūchak kāl mein upayog hone vāle śabd ga ke duharāv mein dekha ja sakata hai) kī or dekh raha hai. Yah pātr nimn hain:

  1. Parameśvar
  2. Saitān / Sarp
  3. Strī
  4. Strī ka Vanś
  5. Saitān ka Vanś

Aur pahelī yah bhaviśyadvānī karatī hai ki kaise bhaviśy mein yah pātr ek dūsare ke sāth sambandhit honge. Ise nīche dikhalāya gaya hai

offspring diagram
Utpatti mein pratigya kie hue pātron ke madhy ko sambandh ko chitrit kiya gaya hai

Parameśvar isaka prabandh karega ki donon arthāt Saitān aur Strī ke yahān ‘Vanś’ hoga. Vahān par donon ke Vanśon arthāt Strī aur Saitān ke madhy mein ‘bair’ ya ghrna hogī. Saitān Strī ke Vanś kī edī ko dasega jabaki Strī ka Vanś Saitān ke ‘sir ko kucal’ dālega.

Vanś kī katautī- ek ‘Nar’

Abhī tak hamane sīdhe hī mūlapāth se avalokan kiya hai. Ab tark ke lie kuch katautiyān kī jae. kyonki Strī ke ‘Vanś’ ko ‘Nar‚ aur ‘dālega’ kah kar sūcit kiya gaya isase ham jānate hain ki yah ek ekal Nar – ek Purūś hoga. Isase ham kuch sambhav vyākhyaon ko chod sakate hain. Ek ‘Nar’ ke rūp mein Vanś ka hona ek Nārī nahin hai aur is kāran yah ek Strī nahin sakatī hai ho. Ek ‘Nar’ ke rūp mein yah ‘ve’ nahin ho sakate hain, jo yah viśvasanīy dhang se, kadāchit ek samūh ke logon, ya ek nasl, ya ek samūh, ya ek jāti ke sāth ho sakata tha. Vibhinn samayon par aur vibhinn tarīkon se logon ne yah socha hai ki ‘ve’ isaka uttar sakate hain ho. Parantu Vanś logon ka samūh na hokar ek Nar hai chāhe yah ek jāti, ya ek niśchit dharm ke log jaise Hindū, Buddhavādī, Isaī ya Muslim ādi ke lie hī kyon na sūchit kiya gaya hai. ‘Nar’ hone ke rūp mein yah Vanś koī ‘thos’ vastu (ek vyakti ka Vanś hai) bhī nahin hai. Yah is sambhāvana ko bhī samāpt kar detī hai ki Vanś ek viśeś darśan, śikśa, praudyogikī, rājanītik tantr pranālī ya dharm hai. Ek thos vastu kadāchit hī aisī hotī, aur kadāchit hī hamāre sansār kī samasyaon ke uttar ke lie hamāre pansadīda vikalp hote. Ham sochate hain ki hamārī paristhitiyon ko kisī tarah kī koī ‘thos’ vastu thīk kar degī, isalie sabase sarvottam mānavīy vichārak sadiyon se vibhinn rājanītik tantr pranāliyon, śaikśanik tantr pranāliyon, praudyogik tantr pranāliyon aur dhārmik tantr pranāliyon ādi ke prati tark dete āe hain. Parantu is pratigya mein diśāsūchak ek bilkul hī bhinn diśa kī or pūrn rūp se sanket kar raha hai. Parameśvar ke man mein kuch aur hī – arthāt ek ‘Nar’ tha. Aur yah ‘Nar’ Sarp ke sir ko kuchal dalega.

Jo kuch nahin kaha gaya hai usase ek aur dilachasp avalokan nikal kar sāmane āta hai. Parameśvar yah pratigya Purūś se nahin karata jaisī vah Strī ke sāth pratigya karata hai. Yah bahut hī asādhāran bāt hai viśeś kar jab pūrī Baibal aur pūre prāchīn sansār mein Pita ke dvāra Vanś chalane ke ūpar jor diya gaya hai. Sacchaī to yah hai, ki Baibal mein dī huī Vanśāvaliyon ke lie dī gaī ālochanaon mein se ek ālochana ādhunik paśchimī vidvānon kī yah hai ki ve khūn ke us riśte ko andekha kar dete hain jo ki Strī kī or le chalata hai. Yah pāśchāty kī drśti mein ‘laingikavād’ hai kyonki yah keval Purūś ke Vanś ke ūpar hī dhyān deta hai. Parantu is ghatana mein aisī koī pratigya nahin kī gaī hai ki ek santān (ek ‘Nar’) ek Purūś se āegī. Yah keval itana hī kahata hai ki ek santān ya Vanś āega jo keval Strī se hī, Purūś ka nām ka ullekh kie bina ā raha hai.

Manuśy ke patit ho jāne ke paśchāt jab se vah vidyamān hai, main sabhī manuśy ke prati aitihāsik ya mithak rūp se yahī soch sakata hūn, ki ek hī vyakti aisa hai jisakī māta ke hone ka dāva to hai parantu thīk usī samay usaka koī bhī śārīrik pita nahin tha. Yah Yīśu (Yīśu Satsang) tha jisake bāre mein Naya Niyam (is pratigya ke die jāne ke hajāron varśon paśchāt likha gaya) dāva karata hai ki vah ek kunvārī se utpann hua – is kāran ek māta to thī parantu usaka śārīrik pita nahin tha. Kya Yīśu is pahelī mein samay ke ārambh mein hī pratichāya mein dikhaī de raha hai? Yah is ukti ko pūra karata hai ki Vanś ek ‘Nar’ hoga na ki ek ‘Nārī’, ve ‘ya’ koī ‘thos’ vastu. Is drśtikon se, yadi āp is pahelī ko padhen to bahut sī bāten apane sahī ākār mein ā jaengī.

‘Usakī Edī ko dasega’??

Isaka kya arth hai ki Saitān / Sarp usakī ‘edī ko dasega’? Main ise tab tak samajh nahin pāya jab tak main Aphrīka ke jangalon mein nahin chala gaya. Hamen mote rabad se bane hue jute pahanane padate the yahān tak jab umas se bharī huī garmī hī kyon na hotī thī – kyonki vahān lambī ghās mein Sarp lete rahate the aur hamāre pair ko – arthāt hamārī edī ko das sakate the- aur isase ham mar sakate the. Apane pahale hī din main lagabhag ek Sarp ke ūpar pair rakhane vāla tha aur sambhavatah main isase mar sakata tha. Is pahelī ne mujhe isake arth ko samajha diya tha. Vah ‘Nar’ is Sarp (‘tere sir ko kuchal dālega’) ko mār dega, parantu isake lie use kīmat ada karanī padegī, ho sakata hai ki vah mār (‘usakī edī ko dasega’) diya jae. Yah us vijay kī pratichāya mein dikhaī deta hai jo Yīśu ke balidān ke dvāra prāpt kī gaī.

Sarp ka Vanś?

Parantu usaka dūsara śatru kaun hai, yah Saitān ka Vanś hai? Yadyapi hamāre pās isake bāre mein vistrt rūp se pata lagāne ke lie yahān par sthān nahin hai, parantu uttarottar pustaken ek āne vāle vyakti ke bāre mein bāt karatī hain. Is vivaran ke ūpar dhyān den:

He bhaiyo, ab ham apane Prabhu Yīśu Masīh ke āne, aur usake pās apane ikatthe hone ke viśay mein tum se vinatī karate hain… ki kisī Aatma, ya vachan, ya patrī ke dvāra jo ki mānon hamārī or se ho, yah samajhakar ki Prabhu ka din ā pahunca hai, tumhāra man achānak asthir na ho jae; aur na tum ghabarao. Kisī rīti se kisī ke dhokhe mein na āna kyonki vah din na āega, jab tak dharm ka tyāg na ho le, aur vah Pāp ka Purūś arthāt Vināś ka Putr pragat na ho. Jo virodh karata hai, aur har ek se jo Parameśvar, ya pūjy kahalāta hai, apane āp ko bada thaharāta hai, yahān tak ki vah Parameśvar ke mandir mein baithakar apane āp ko Iśvar thaharāta hai (2 Thissalunīkiyon 2:. 1-4; Paulus ke dvāra Yūnān mein 50 Isvī san mein likha gaya)

Ye uttarottar pustaken spaśtata se us takarāv ke bāre mein ultī ginatī kī bāt karatī hain jo Strī ke Vanś aur Purūś ke Vanś ke madhy mein hone vāle hain. Parantu yah mānavīy itihās ke bilkul ārambh mein hī utpatti mein dī hue is pratigya ke bāre mein pratham bār bhrūn-ke-rūp mein, is vyākhya ke pūrn hone kī pratīkśa mein ullikhit kiya gaya hai. Is tarah se itihās ka charamotkarś, Saitān aur Parameśvar ke madhy mein antim pratiyogata kī ultī ginatī, vātika mein hī bahut pahale ārambh ho chukī hai, jise ārambh mein hī – ārambhik pustakon mein dekha gaya hai.

Mere pahale ke lekhon mein hamane Purūśasūkta ke bhajanon ke ūpar dhyān diya tha. Hamane dekha ki is bhajan mein bhī āne vāle ek Siddh Purūś – Purūśa – kī bāt kī gaī hai, jo ki sāth hī manuśy kī sāmarthy se nahin āega. Yahī manuśy vāstav mein balidān mein de diya jaega. Sacchaī to yah hai ki hamane yah dekha hai ki yah pahale se hī samay ke ārambh mein Parameśvar ke man mein nirdhārit aur niyukt kiya hua tha. Aur ye donon pustaken ek hī vyakti ke bāre mein bāt karatī hain? Main viśvās karata hūn ki ve karatī hain. Vah ek din ek Purūś ke rūp mein dehadhāran karega tāki yahī vyakti balidān mein diya ja sake – jo ki sabhī manuśyon ke lie chāhe vah kisī bhī dharm ka kyon na ho ke lie ek viśvavyāpī āvaśyakata hai. Parantu yah pratigya na keval Rgved aur Baibal ke madhy mein sāmāntar paī jātī hai. Apitu kyonki yah ārambhik mānavīy itihās ka ullekh karatī hain isalie ve sāth hī any sāmāntaron ka bhī ullekh karatī hain jise ham hamārī agalī post arthāt lekh mein dekhenge.