Puruśa ka Balidān: Sabhī Vastuon kī Utpatti

Slok 3 aur 4 ke paśchāt Purūśāsūkta apane ghyān ko Purūśā ke gunon kī or se Purūśā ke balidān ke ūpar kendrit karata hai. Slok 6 aur 7 is par apane dhyān ko is tarīke se lagāta hai. (Sanskrti ka bhāśāntaran aur Purūśā ke ūpar mere bahut se vichār Josap Padanījerakāra dvāra rachit pustak Prāchīn Vedon mein Masīh (346 prśthon kī, 2007 mein likhī huī) nāmak pustak ke adhyayan se āe hain.)

Purūśāsūkta mein ślok 6-7

Sanskṛti kā Angrejī Lipyantaraṇ Sansṛti kā Hindī Bhāśātanran
Yatpurusena havisa Deva yajnam atanvata Vasanto asyasid ajyam Grisma idhmah saraddhavih Tam Yajnam barhisi prauksan Purusam jatamgratah Tena deva ayajanta Sadhya rsayas ca ye Jab Devataon ne bali ke rūp mein Purūśā ka balidān kiya, tab Vansat pighale hue ghī kī āhuti, Grīśm rtu īndhan, aur Sarad rtu isakī bali thī. Puāl mein bali ke rūp mein ārambh mein utpann hue Purūśā ko unhonne chidak diya. Devataon, Sādhuon aur Reśiyon ne use śhikār kī tarah balidān kar diya.

Yadyapi in ślokon ke sabhī pahalū turant spaśt nahin hote hain, parantu jo kuch yahān par spaśt hai vah yah hai ki isaka dhyān Purūśā ke balidān ke ūpar hai. Prāchīn Vaidik tīkākār Sankarāchāry ne is tarah se tippanī kī thī:

 “Reśiyon – Muniyon aur Devataon ne bali ke śhikār – Purūśā ko – balidān kī vedī ke sāth ek bali kie jāne vāle Yagy Paśu ke rūp mein bāndh liya aur apane manon se yagy mein usakī bhent cadhaī.” RgVed 10.90.7 ke ūpar Sankarāchāry kī Tīka

Slok 8-9 ka ārambh vākyānś “Tasmadyajnatsarvahutah…” se hota hai jisaka arth hai ki usake balidān mein Purūśā ne sab kuch bhent chadha diya jo kuch usake pās tha – usane kuch bhī apane pās na rakh choda. Isane karya ne us prem ko pradaReśit kiya jo usane apane balidān ko dene ke dvāra prakat kiya. Yahī keval vah prem hai jisamen ham svayam ko anyon ko dene ke lie de sakate hain aur apane pās kuch bhī nahin rakh chodate. Yīśu Satsang (Yīśu Masīh) ne Ved Pustak (Baibal) mein kaha hai ki:

 “Isase bada prem kisī ka nahin: ki koī apane mitron ke liye apana prān de” (Yūhanna 15:13).

Yīśu Satsang (Yīśu Masīh) ne yah apane śiśyon se kaha jab vah sveccha se svayam ko krūs ke ūpar jāne ke dvāra apana balidān dene ke lie arpan kar rahe the. Kya Purūśā ke balidān aur Yīśu Satsang ke madhy mein koī sambandh hai? Purūśāsūkta ślok 5 (Jise hamane abhī tak chor diya hai) hamen ek surāg pradān karata hai – parantu yah surāg hamen sarvapratham yah sanket dega ki isamen koī sambandh nahin hai. Yahān par ślok 5 hai

Purūśāsūkta mein ślok 5

Sanskṛti kā Angrejī Lipyantaraṇ Sansṛti kā Hindī Bhāśātanran
Tasmad Viralajayata Virajo adhi Purusah Sa jato atyaricyata Pascadbhumim atho purah Us se – Purūśā ke ek bhāg se – brahmānd ka janm hua tha aur ise Purūśā ka sinhāsan banāya gaya aur vah Sarvavyāpī ban gaya.

Purūśāsūkta ke anusār, Purūśā ka balidān samay ke ārambh mein kar diya gaya tha aur isake parināmasvarūp brahmānd kī srśti haī. Is prakār yah balidān prthvī par nahin kiya ja sakata hai kyonki yah balidān aisa tha jisake dvāra prthvī nikal kar āī thī. Slok 13 spaśt dikhāta hai ki yah srśti Purūśā ke balidān ke parināmasvarūp utpann huī hai. Yah kahata hai ki:

Purūśāsūkta mein ślok 13

Sanskṛti kā Angrejī Lipyantaraṇ Sansṛti kā Hindī Bhāśātanran
Candrama manaso jatas Caksoh suryo ajayata Mukhad Indra sca Agnisca Pranad Vayur ajayata Chandrama ka janm usake man se hua tha. Sūry usakī ānkh se nikal kar āya. Bijalī, Varśa aur Agni usake munh se utpann hue. Usakī śvās se Vāyu ka janm hua tha.

Ved pustak (Baibal) kī gahan samajh mein, yah sab kuch spaśt ho jāta hai. Ham is spaśtata ke ārambh ko tab dekhate hain jab ham Reśi (bhaviśyadvakta) Mīka ke rachanaon ko padhate hain. Vah Isa Pūrv 750 ke āsapās raha aur Yīśu Masīh (Yīśu Satsang) ke āgaman se 750 varśon tak rahate hue usane usake āgaman ko us śahar ke ūpar dhyān dete hue dekh liya jisamen usaka janm hona tha. Usane aise likha hai ki:

He Baitalaham Eprāta,

Yadi tū aisa chota hai

Ki Yahūda ke hajāron mein gina nahin jāta,

Taubhī tujh mein se mere liye ek Purūś nikalega,

Jo Israeliyon mein prabhuta karanevāla hoga;

Aur usaka nikalana prāchīnakāl se,

Varan anādi kāl se hota āya hai. (Mīka 5:2)

Mīka ne bhaviśyadvānī kī thī ki prabhuta karane vāla (ya Masīh) Baitalaham ke śahar se nikal kar āega. 750 varśon ke paśchāt Yīśu Masīh (Yīśu Satsang) ne is darśan kī pūrnata mein is śahar mein janm liya. Saty ke khojī aksar apane āścahry ko Mīka ke is darśan ke is pahalū ke ūpar kendrit karate hain. Kuch bhī ho, main is samay hamāre dhyān ko is āne vāle ke udgamon ke vivaran ke ūpar kendrit karana cāhata hūn. Mīka bhaviśy mein āne vāle kī bhaviśyadvānī kī ghośana karata hai, parantu vah kahata hai ki is āne vāle ka udgam atīt kī gaharaī mein hai. Usaka ‘nikalana prāchīnakāl se varan anādi kāl se hota āya hai.’ Is āne vāle ka udgam usake Prthvī par pragat hone se pūrvatithi ka hai! ‘Prāchīnakāl se…’ ke lie kitanī atīt mein jāna hoga? Yah anādi kāl ke dinon tak chala jāta hai. Ved pustak (Baibal) mein die hue saty gyān ke any vachan ise āge spaśt kar dete hain. Kulussiyon 1:15 mein Reśi Paulus (jisane ise lagabhag 50 Isvī San mein likha tha) ne Yīśu ke bāre mein aisī ghośana kī ki:

 Vah to adrśy Parameśvar ka pratirūp aur sārī srśti mein pahilautha hai (Kulussiyon 1:15)

Yīśu ko ‘adrśy Parameśvar ka pratirūp’ aur ‘sārī srśti mein pahilautha hone’ kī ghośana kī gaī hai. Dūsare śabdon mein, yadyapi Yīśu ka dehadhāran arthāt avatār lena itihās mein satīk samay (Isa Pūrv 4 – 30 Isvī San) mein hua tha, vah kisī bhī vastu kī srśti se pahale – yahān tak ki atīt mein anantakāl se astitv mein tha. Usane aisa isalie kiya kyonki Parameśvar (Prajāpati) sadaiv atīt ke anantakāl se astitv mein hai, aur usaka pratirūp hone ke kāran Yīśu (Yīśu Satsang) bhī sadaiv se astitv mein tha.

Jagat kī Srśti se Pahale kiya hua Balidān – Sab Vastuon kī Utpati

Parantu na keval vah atīt ke anantakāl se astitv mein hai, apitu Reśi (bhaviśyadvakta) Yūhanna ne Svarg ke ek darśan mein is Yīśu (Yīśu Satsang) ka varnan is tarah se kiya hai:

“… Memna jo jagat kī utpati ke samay se ghāt hua hai.” (Prakāśitavāky 13:8)

Kya yah ek virodhābhās nahin hai? Kya Yīśu (Yīśu Satsang) ko 30 Isvī San mein ghāt nahin kiya gaya tha? Yadi vah tab ghāt kiya gaya tha, tab vah kaise jagat kī utpati ke samay bhī ghāt kiya ja sakata hai? Is virodhābhās mein hī ham dekhate hain ki Purūśāsūkta aur Ved Pustak (Baibal) ek hī bāt ka vivaran de rahe hain. Hamane dekha ki Purūśāsūkta ka ślok 6 kahata hai ki Purūśā ka balidān ārambh tha. Joseph Padanījerakāra apane dvāra rachit Prāchīn Vedon mein Masīh nāmak pustak mein sanket dete hain ki Purūśāsūkta ke ūpar sanskrti kī tīka hamen batātī hai ki Purūśā ka ārambh mein hua balidān ‘Parameśvar ke hday mein’ tha (usane isaka anuvād sanskrti ke ‘Manasayagam’ ke arth se kiya hai). Vah sāth hī Sanskrti ke vidvān N J Sinde ka uddharan deta hai jo yah kahate hain ki ārambh mein hue yah balidān “mānasik ya pratīkātmak” raha tha (N J Sinde dvāra likhit pustak ‘Vaidik Sāhity mein Purūśāsūkta’ (Sanśodhit 10-90) (Pūna Viśvavidyālay, ke Sanskrt ke ucch Adhyayan Kendr Dvāra Prakāśit)1965.

Is tarah se ab Purūśāsūkta ka rahasy spaśt ho jāta hai. Purūśā Parameśvar aur Parameśvar ka pratirūp, atīt ke anantakāl se tha. Vah kisī bhī vastu ke hone se pahale se tha. Vah sabhī vastuon mein pahilautha tha. Parameśvar, apane Sarvagyān mein, pahale se hī jānata tha ki manuśy kī srśti ke lie ek balidān kī āvaśyakata hogī. Is balidān mein us sab kī āvaśyakata hogī jisaka prabandh vah – Purūśā ke dehadhāran arthāt avatār ke mādhyam se is jagat mein pāpon kī śuddhata ya śodhan ko balidān ke rūp mein pūra karega. Is samay Parameśvar ko yah nirnay lena tha ki vah brahmānd tatha mānav jāti kī rachana kare ya nahin. Is nirnay mein Purūśā ne svayam ke sveccha se balidān hone ka nirnay liya, aur is tarah se srśti kī rachana huī. Is tarah se, mānasik rūp mein, ya Parameśvar ke hrday mein, Purūśā “jagat kī srśti ke samay se ghāt kiya” hua tha jaisa ki Ved Pustak (Baibal) ghośana karatī hai.

Ek bār jab – yahān tak ki samay ke ārambh hone se pahale – nirnay le liya gaya –Parameśvar (Prajāpati – sārī srśti ke prabhu) ne samay, brahmānd tatha mānav jāti kī srśti ko rach diya. Is tarah se Purūśā ke sveccha se hone vāle balidān ‘brahmānd kī rachana’ (śalok 5), Chandrama, Sūry, Bijalī aur Varśa (ślok 13), aur yahān tak ki svayam samay ke ārambh hone (ślok 6 mein ullikhit Vasant, Grīśm aur Sarad rtu kī rachana) ka kārak ban gaya. Purūśā hī in sabhī ka pahilautha tha.

 Ve ‘Devatāgan kaun hain jinhonne Purūśā ka Balidān kiya tha?

Parantu ek pahelī abhī bhī anasulajhī bākī hai. Purūśāsūkta ślok 6 kahata hai ki ‘devatāganon’ (devon) ne Purūśā ka balidān kiya tha? Yah devatāgan kaun hain? Ved Pustak (Baibal) isakī vyākhya karatī hai. Daūd nāmak ek Reśi ne Isa Pūrv 1000 varśon pahale ek pavitr stutigān mein likha hai jo yah prakāśit karata hai ki kaise Parameśvar (Prajāpati) ne purūśon aur striyon ke lie bola:

“Main ne kaha tha, ‘tum “Iś‍var” ho; aur sab ke sab Parama Pradhān ke putr ho.’” (Bhajan Sanhita 82:6)

1000 varśon paśchāt Yīśu Satsang (Yīśu Masīh) ne Reśi Daūd dvāra rachit is pavitr stutigān ke ūpar yah kahate hue tippanī dī ki:

Yīśu ne unhen uttar diya, “kya tumhārī vyavastha mein nahin likha hai, ‘mainne kaha, tum Iś‍var ho?’ 35 Yadi usane unhen Iś‍var kaha jinake pās Parameśvar ka vachan pahuncha – aur Pavitraśāstr kī bāt asaty nahin ho sakatī – 36 To jise Pita ne pavitr thaharākar jagat mein bheja hai, tum usake viśay mein kya kahate ho?” (Yūhanna 10:34-36)

Yīśu Satsang (Yīśu Masīh) puśti karate hain ki Reśi Daūd ne Saty Pavitraśāstr mein śabdāvalī devata arthāt ‘Iś‍var’ ka upayog kiya hai. Unhonne aisa kin arthon mein kiya hai? Ham dekhate hain ki Ved Pustak (Baibal) kī srśti ke vivaran mein ham ‘Parameśvar ke svarūp’ mein srje gae hain (Utpatti 1:27). Isī bhāv mein kadāchit hamen devata ya ‘Iīśvar’ ke rūp mein māna ja sakata hai kyonki ham Parameśvar ke svarūp mein srje gae hain. Parantu Ved pustak (Baibal) isakī vyākhya āge karatī hai. Yah ghośana karatī hai ki vah jo Purūśā ke is balidān ko svīkār karate hain unhen:

Jaisa usane hamen jagat kī utpati se pahale usamen chun liya ki ham usake nikat prem mein pavitr aur nirdoś hon. Aur apanī iccha ke bhale abhiprāy ke anusār hamen apane liye pahale se thaharāya ki Yīśu Masīh ke dvāra ham usake lepālak Putr hon (Iphisiyon 1:4-5)

Jab jagat kī srśti se pūrv hī Prajāpati-Purūśā ne Purūśā ke balidān ko ek pūrn balidān ke rūp mein āhuti dene ke lie nirnay le liya tha, tab Parameśvar ne usake logon ko bhī chun liya tha. Usane unaka chunāv kis kāry ke lie kiya tha? Yah badī spaśtata se kahata hai ki usane hamāra chunāv apane ‘Putr hone ke lie kiya tha.

Dūsare śabdon mein, Ved pustak (Baibal) ghośana karatī hai ki purūś aur striyon ka chunāv tab kiya gaya jab Parameśvar ne svayam ko pūrn balidān mein āhuti dene ke lie chunana tay kiya tāki vah usake balidān ke dvāra Parameśvar kī santān ban jae. In arthon mein hamen ‘Iś‍var’ ya devata kaha gaya hai. Yah un logon ke lie saty hai (Jaisa ki Yīśu Satsang ūpar ghośana karate hain) jinake lie Parameśvar ka vacan āya– arthāt unake lie jo usake vachan ko grahan karate hain. Aur inhī arthon mein yah bhaviśy kī Iś‍var kī santān kī āvaśkayata thī jisane Purūśā ke balidān ko vivaś kiya. Jaisa ki Purūśāsūkta ślok 6 kahata hai ki ‘Jab Devataon ne bali ke rūp mein Purūśā ka balidān kiya.’ Purūśā ka balidān hamāra śodhan tha.

Purūśā ka Balidān – Svarg ka Mārg

Is tarah se ham prāchīn Purūśāsūkta aur Ved Pustak mein prakāśit die hue gyān mein Parameśvar kī yojana ko dekhate hain. Yah ek vismit karane vālī yojana hai – aisī jisakī kalpana nahin kī ja sakatī hai. Yah hamāre lie bahut hī mahatvapūrn hai kyonki jaise Purūśāsūkta 16ven ślok mein sār sahit samāpt hota hai ki:

Sanskṛti kā Angrejī Lipyantaraṇ Sansṛti kā Hindī Bhāśātanran
Yajnena yajnamajayanta Devastani dharmani prathamanyasan Teha nakam mahimanah sacanta Yatra purve sadhyah santidevah Devataon ne Purūśā ko Yagyapaśu ke rūp mein bali kar diya. Yah sabase pratham sthāpit siddhānt hai. Isake mādhyam se Reśiyon ne Svarg kī prāpti kī.

Ek ‘Reśi’ ek buddhimān vyakti hota hai. Aur Svarg kī prāpti ke lie tarasana vāstav mein ek buddhimānī kī bāt hai. Yah hamārī pahunch se pare nahin hai. Yah asambhav nahin hai. Yah keval sabase adhik tapasvī pavitr logon ke lie hī nahin hai jo apane charam anuśāsan aur dhyān ke mādhyam se mokś kī prāpti karna chahte hain. Yah keval Gurūon ke lie nahin hai. Isake viparīt yah ek aisa mārg hai jise svayam Purūśā ne Yīśu Masīh (Yīśu Satsang) ke rūp mein apane dehadhāran arthāt avatār ke dvāra prabandh kiya hai.

Purūśā ka Balidān – Svarg ke lie any koī Mārg nahin

Sacchaī to yah hai ki isaka prabandh na keval hamāre lie kiya gaya apitu Purūśāsūkta ślok 15 aur 16 ke madhy mein Sankarāchāry kī Sanskrti kī tīka aise kahatī hai ki:

Sanskṛti kā Angrejī Lipyantaraṇ Sansṛti kā Hindī Bhāśātanran
Tameva vidvanamrta iha bhavati Nanyah panta ayanaya vedyate Is tarah, vah jo ise jānata hai mrtyuhīnata kī sthiti mein pahunchane ke lie sakśam ho jāta hai. Yahān tak pahunchane ke lie kisī any mārg kī pahachān nahin kī gaī hai

Anant Jīvan (mrtyuhīnata) tak pahunchane ke lie kisī any mārg kī pahacān nahin kī gaī hai! Niśchit rūp se is viśay ka adhyayan thoda adhik acche se karana buddhi kī bāt hai. Abhī tak mainne Ved Pustak (Baibal) ke chāron or adhyayan yah dikhāne ke lie kiya hai ki yah kaise Parameśvar, manuśy aur vāstavikata kī ek vyāpak katha ko batalāta hai jo Purūśāsūkta mein kahī huī katha ke sāth gūnjatī hai. Parantu mainne vistār ya kram mein is katha ko nahin dekha hai. Ise sīkhana bahut adhik bāt hai, bahut adhik Reśi aur stutigān aur siddhānt hain jinhen prakāśit kiya gaya hai. Is uddeśy ke sāth, main āpako nimantran dena chāhata hūn ki mere sāth Ved Pustakon ko aur adhik vistār ke sāth, ārambh se śurū karate hue, srśti ke bāre mein sīkhate hue adhyayan karen, ki aisa kya hua ki Purūśā ke balidān kī āvaśyakata padī, us jagat ke sāth kya hua jisake kāran Manu (Ved Pustak mein Nūh) ka jal pralay āya aur kaise jātiyon ne sīkha aur sanrakśit rakha ki ek pūrn balidān hoga jo mrtyu se unhen chutakāra dega aur Svarg mein Anant Jīvan pradān karega. Niśchit hī sīkhane aur isake lie jīvan yāpan karane ke lie yah koī yogy bāt hai.

Baibil ki shuruat mein hi vada dekhen

Slok 3 evam 4 – Puruśa ka Dehadhāran

Puruśasūkt ślok 2 se āge nimn bāton ke sāth jārī rahata hai. (Sanskrti ka bhāśāntaran aur Purūśa ke ūpar mere bahut se vichār Josap Padanījerakāra dvāra rachit pustak Prāchīn Vedon mein Masīh (346 prśthon kī, 2007 mein likhī huī) nāmak pustak ke adhyayan se āe hain.)

Sanskṛti Angrejī Lipyantaraṇ Sansṛti Hindī Bhāśātanran
Etavan asya mahima ato jyayamsca PurusahPado-asya visva bh u tani tripad asyamrtm diviTripad urdhva udait purusah padou-asyeha a bhavat punah tato visvannvi akramat sasananasane abhi Srśti mein Purūśa kī mahima – usakī mahima ati pratāpayogy hai. Vah is srśti se bhī bahut adhik mahān hai. Purūśa [usake vyaktitatv] ka ek chauthaī bhāg is jagat mein hai. Usaka tīn chauthaī bhāg abhī bhī svarg kī anantata mein vās kar raha hai. Purūśa svayam kī tīn cauthaiyon ke sāth ūpar kī or utha hai. Usakī ek chauthaī ka janm yahān hua tha. Jisase usane sabhī jīvit prāniyon mein jīvan ka vistār kiya hai.

Yahān par aisī kalpana ka prayog hua hai jise samajhana kathin hai. Parantu phir bhī, yah spaśt hai ki ye ślok Purūśa kī mahānata aur pratāp ke bāre mein bāt kar rahe hain. Yah bahut spaśt kahata hai ki vah apanī srśti kī tulana mein adhik mahān hai. Ham yah bhī samajh sakate hain ki is jagat mein usakī mahānata ka keval ek hī bhāg pragat hua hai. Parantu sāth hī yah is jagat mein usake dehadhāran arthāt avataran kī bhī bāt karata hai – aise jagat ke logon se jahān main aur āp rahate hain (‘Usakī ek chauthaī ka janm yahān hua tha’). Is tarah se jab Parameśvar ne dehadhāran kiya to is jagat mein usakī mahima ka keval ek bhāg hī pragat hua. Jab usane janm liya to usane svayam ko is tarah se śūny kar diya. Yah ślok 2 mein Purūśa ne – svayam ko das ungaliyon mein sīmit kar diya ke varnan ke anurūp hai.

Sāth hī yah jis tarah se Ved Pustak (Baibal) mein Nāsarī ke Yīśu ke dehadhāran arthāt avatār ke varnan ke anurūp bhī hai. Yah usake lie aisa kaha gaya hai ki:

Mera dhyey yah hai ki…unake manon mein śānti ho aur ve prem se āpas mein gathe rahen, aur ve pūrī samajh ka sāra dhan prāpt karen, aur Parameśvar Pita ke bhed ko arthāt Masīh ko pahachān len. Jisamen buddhi aur gyān ke sāre bhandār chipe hue hain. (Kulussiyon 2:2-3)

Is tarah se Parameśvar ka dehadhāran arthāt avataran Masīh tha parantu isaka pragatīkaran bahut adhik mātra mein ‘chipa’ hua tha. Yah kaise ‘chipa’ hua tha? Isakī vyākhya āge dī gaī hai:

Jaisa Masīh Yīśu ka svabhāv tha vaisa hī tumhāra bhī svabhāv ho:

6 Jisane, Parameśvar ke svarūp mein hokar bhī

Parameśvar ke tuly hone ko apane vaś mein

rakhane kī vastu na samajha;

7 Varan apane āp ko aisa śūny kar diya,

aur dās ka svarūp dhāran kiya,

aur manuśy kī samānata mein ho gaya.

8 Aur manuśy ke rūp mein pragat hokar apane

āp ko dīn kiya,

aur yahān tak āgyākārī raha ki mrtyu –

hān, krūs kī mrtyu bhī sah lī!

is kāran Parameśvar ne usako ati mahān bhī kiya,

aur usako vah nām diya jo sab nāmon mein śrenth hai, (Philippiyon 2:5-9)

Is tarah se apane dehadhāran arthāt avataran mein Yīśu ne ‘svayam ko śūny’ kar diya aur us sthiti mein svayam ko balidān dene ke lie taiyār kiya. Usane apanī mahima ka keval ānśik hī prakat kiya, thīk vaise hī jaise purūśāsūkta kahata hai. Aisa usake āne vāle balidān ke kāran hua. Purūśāsūkta isī viśay ka anusaran karata hai kyonki in ślokon ke paścāt yah Purūśa kī ānśik mahima se usake balidān ke ūpar dhyān kendrit karane ke varnan kī or mud jāta hai. Ise ham hamāre agalī post arthāt lekh mein dekhenge.

Slok 2 – Puruśa Amaratv ka Prabhu hai

Hamne Purūśāsūkta ke pratham ślok mein dekha ki Purūśa ka vivaran acchī tarah se Sarv-Gyānī, Sarv-Sāmarthī aur Sarv-Vyāpī ke rūp mein varnit kiya gaya tha. Tab hamane yah praśn pūcha tha ki kya yah Purūśa Yīśu Satsang (Yīśu Masīh) ho sakata hai ya nahin aur is praśn ko dhyān mein rakhate hue Purūśāsūkta ke mādhyam se adhyayan kī yātra ka ārambh kiya tha. Is tarah se ham Purūśāsūkta ke dūsare śalok tak ā pahunche hain jo nirantar Purūśa nāmak is vyakti ka varnan bahut hī asāmāny śabdon mein karata chala jāta hai. Yahān par sanskrti aur usaka hindī bhāśāntaran diya hua hai. (Sanskrti ka bhāśāntaran aur Purūśa ke ūpar mere bahut se vichār Josap Padanījerakāra dvāra rachit pustak Prāchīn Vedon mein Masīh (346 prśthon kī, 2007 mein likhī huī) nāmak pustak ke adhyayan se āe hain.)

Purūśāsūkta ka dūsara śalok
Sanskṛti kā Angrejī Lipyantaraṇ Sansṛti kā Hindī Bhāśātanran
Purusa evedam sarvam yadbhutam yacca bhavyam utamrtatvasyesano yadannenatirohati Purūśa hī pūrn brahmānd hai, jo kuch hai aur jo kuch hoga. Aur vah Amaratv ka prabhu hai, jise vah bhojan [prākrtik padārth] rahit prabandh karata hai

Purūśa kī Yogyataen

Purūśa brahmānd (antarikś aur padārth kī pūrī sīma) mein sarvocch hai aur samay ka prabhu hai (jo kuch hai aur jo kuch hoga) sāth hī sāth vah ‘Amaratv ka prabhu’ – arthāt Anant Jīvan hai. Hindu Paurānik Kathaon mein bahut se devatāgan pae jāte hain, parantu kisī ko bhī is tarah kī anant yogyataen nahin dī gaī hain.

Yah aisī vismit karane vāle preranādāyak gun hain jo keval ek sacce Parameśvar – svayam srśti ke prabhu se hī sambandhit ho sakate hain. Yah Rgved ka Prajāpati hoga (Ibrānī Purāne Niyam ke Yahovah ka paryāyavāchī). Is prakār, yah vyakti Purūśa, hī keval is ek Parameśvar–sārī srśti ke prabhu ka dehadhārī arthāt avatār ho sakata hai.

Parantu hamāre lie isase bhī adhik prāsangik yah hai ki yah Purūśa hamāre lie Amaratv (Anant Jīvan) ka prabandh karata hai. Vah aisa prākrtik padārth ka upayog karate hue nahin karata, arthāt vah Anant Jīvan dene ya pradān karane ke lie brahmānd kī prākrtik prakriyaon ya prākrtik padārth/urja ka upayog nahin karata hai. Ham sabhī mrtyu aur karm ke abhiśāp ke adhīn hain. Yah hamāre astitv kī nirarthakata hai jisase ham chutakāra pāne kī lālasa rakhate hain aur jisake lie ham pūja, pavitr snān aur any tapasvī prathaon ko karane vāle kathin kāryon ko karate hain. Yadi yahān par thodī sī bhī sambhāvana hai ki yah saty hai aur yah ki Purūśa ke pās donon arthāt Amaratv ko pradān karane kī iccha aur sāmarthy hai, to yah buddhimānī hoga ki kam se kam isake bāre mein adhik jānakārī prāpt kar lī jae.

Ved Pustak (Baibal) ke Reśion ke sāth tulana

Is bāt ko dhyān mein rakhate hue āie mānavīy itihās kī sabase prāchīn pavitr rachanaon mein se ek ke ūpar dhyān den. Yah Ibrānī Niyam (jise Baibal ka Purāna Niyam ya Ved Pustak kah kar pukāra jāta hai) mein paī jātī hai. Rgved kī tarah hī, yah pustak vibhinn Reśiyon kī devavāniyon, stutigān, itihās aur bhaviśyadvāniyon ka ek sangrah hai, yadyapi jinhonne unhen bahut pahale hī likh diya tha, vah itihās ke vibhinn yugon mein rahe aur likha. Is tarah se Purāna Niyam vichāron ka ek sarvottam sangrah ya vibhinn preranāpradatt rachanaon ka pustakālay ek pustak ke rūp mein sankalit hai. In Reśiyon kī adhikānś rachanaen Ibrānī mein thīn aur is prakār yah mahān Reśi Abrāham ke vanśaj the jo lagabhag 2000 Isa Pūrv rahe. Parantu phir bhī, ek rachana aisī hai, jise Reśi Ayyūb ke dvāra likha gaya tha jo Abrāham se bhī bahut pahale rahe the. Unake rahane ke samay tak Ibrānī jāti utpann nahin huī. Ve jinhonne Ayyūb ka adhyayan kiya hai yah anumān lagāte hain ki vah lagabhag 2200 Isa Pūrv, arthāt 4000 varśon pahale rahe the.

… Ayyūb kī pustak mein

Apanī pavitr pustak, jise Ayyūb ke nām se pukāra jāta hai, ham nimn vachan ko usake sāthiyon ko kahate hue sunate hain:

Mujhe to niścay hai ki mera chudānevāla jīvit hai,

Aur vah ant mein prthvī par khada hoga.

Aur apanī khāl ke is prakār naśt ho jāne ke bād bhī,

Main śarīr mein hokar Parameśvar ka darśan paūnga.

Usaka darśan main āp apanī ānkhon se

apane liye karūnga – aur koī dūsara nahin.

Yadyapi mera hrday andar hī andar chūr chūr bhī ho jae! (Ayyūb 19:25-27)

Ayyūb ek āne vāle chudānevāle arthāt ‘uddhārak’ kī bāt karata hai. Ham jānate hain ki Ayyūb bhaviśy kī or dekhata hai kyonki uddhārak prthvī ke ūpar khada ‘hoga’ (arthāt bhaviśy kāl mein). Parantu yah uddhārak vartamān kāl mein bhī rahata hai – yadyapi prthvī ke ūpar nahin. Is kāran yah uddhārak, Purūśāsūkta ke is ślok mein Purūśa kī tarah hī, samay ka prabhu hai kyonki usaka astitv hamārī tarah samay ke sāth bandha hua nahin hai.

Ayyūb tab ghośana karata hai ki ‘apanī khāl ke is prakār naśt ho jāne ke bād,’ (arthāt apanī mrtyu ke paśchāt) vah use (is uddhārak ko) dekhega aur usī samay vah ‘Parameśvar ko dekhata’ hai. Dūsare śabdon mein āne vāla yah uddhārak Parameśvar ka dehadhāran arthāt avatār hai, thīk vaise hī jaise Purūśa Prajāpati ka dehadhāran hai. Parantu kaise Ayyūb use apanī mrtyu ke paśchāt dekh sakata hai? Aur is bāt ko suniśchit karane ke lie ham is bāt anajān na rah jaen ki Ayyūb yah ghośana karata hai ki ‘mere svayam kī ānkhon se – main aur koī aur nahin’ jagat par khade hue is chudānevāle ko dekhega. Isakī keval ek hī vyākhya hai ki is uddhārak ne Ayyūb ko Amaratv pradān kiya hai aur vah us din kī apekśa kar raha hai jab chudānevāla, jo Parameśvar hai, jagat ke ūpar chalega aur usane Ayyūb ko Amaratv pradān kiya hai tāki vah bhī phir se Prthvī ke ūpar chale aur chudānevāle ko apanī svayam kī ānkhon se dekhe. Is din kī apekśa ne use itana adhik mantr mugdh kar diya hai ki usaka hrday andar hī andar chūr chūr ho jāta hai. Yah vah mantr hai jisane use parivartit kar diya tha.

…Aur Yaśāyāh

Ibrānī Reśi ne āne vāle ek vyakti ke viśay mein bhī bola hai jisaka vivaran bahut adhik Ayyūb ke chudānevāle aur Purūśa ke is vivaran ke jaisa dikhaī deta hai. Yaśāyāh ek aisa Reśi hai jo lagabhag 750 Isa Pūrv raha. Usane bahut se vachanon ko Iśvarīy prerana se likha. Vah ab āne vāle is vyakti ka varnan karata hai:

Taubhī sankat bhara andhakār jāta rahega. Pahale to usane Jabūlūn aur Naptālī ke deśon ka apamān kiya parantu antim dinon mein tāl kī or Yaradan ke pār kī anyajātiyon ke Galīl ko mahima dega –

2 Jo log andhiyāre mein chal rahe the

unhonne bada ujiyāla dekha;

Aur jo log ghor andhakār se bhare hue mrtyu ke deś mein rahate the,

un par jyoti camakī…

6 Kyonki hamāre liye ek bālak utpann hua,

hamen ek Putr diya gaya hai;

Aur usaka Nām

adbhut yukti karanevāla, Parākramī Parameśvar

anantakāl ka Pita, śānti ka Rājakumār rakha jaega. (Yaśāyāh 9:1-2, 6)

Dūsare śabdon mein, Reśi Yaśāyāh ek Putr ke janm ko pahale se dekh raha tha aur usakī bhaviśyadvānī kar raha tha aur is Putr ko ‘Parākramī Parameśvar… kah kar pukāra jaega’. Yah samāchār viśeśakar un logon ke lie sahāyatāpūrn tha jo ‘ghor andhakār se bhare hue mrtyu ke deś mein rahate the’. Isaka kya arth hai? Hamāra jīvan is bāt ko jānate hue yāpan hota hai ki ham apanī āne vālī mrtyu aur un karmon se jo hamāre ūpar śāsan karate hain, se bach nahin sakate hain. Isalie ham vāstav mein mrtyu kī chāya mein jīvan yāpan karate hain. Is tarah se āne vāle is Putr ko Parākramī Parameśvar kah kar pukāra jaega, jo ham logon ke lie bada ujiyāla ya āśa hogī jo apanī ānevālī mrtyu kī chāya mein jīvan yāpan karate hain.

… Aur Mīka

Ek aur Reśi jo Yaśāyāh (750 Isa Pūrv) ke samay mein hī rahe the, ne bhī āne vāle vyakti ke bāre mein Iśvarīy vachan ko kaha hai. Usane likha hai ki:

he Baitalaham Eprāta,

yadi tū aisa chota hai ki yahūda ke hajāron mein gina nahin jāta,

Taubhī tujh mein se mere liye ek Purūś nikalega,

Jo Israeliyon mein prabhuta karane vāla hoga;

Aur usaka nikalana prāchīnakāl se,

Varan anādi kāl se hota āya hai. (Mīka 5:2)

Mīka ne kaha ki ek vyakti Eprāta kśetr ke Baitalaham nāmak śahar se nikal kar āega, jahān par Yahūda ka gotr (arthāt Yahūdī log) rahata tha. Is vyakti ke lie sabase anūtha yah hai ki yadyapi yah itihās mein ek niśchit samay par Baitalaham se ‘nikal kar āega,’ parantu vah apane mūl mein pūrv se hī samay ke ārambh se astitv mein tha. Is prakār Purūśāsūkta ke ślok 2 aur Ayyūb ke ānevāle chudānevāle kī tarah, yah vyakti bhī hamārī tarah samay ke bandhan mein bandha hua nahin hoga. Vah samay ka prabhu hoga. Yah Iśvarīy yogyata hai, na ki mānavīy, aur is tarah se vah sabhī ek hī vyakti ko udadhrt kar rahe hain.

Yīśu Satsang (Yīśu Masīh) mein pūrn hona

Parantu yah vyakti kaun hai? Mīka isake lie hamen ek mahatvapūrn aitihāsik surāg deta hai. Aane vāla vyakti Baitalaham se āega. Baitalaham ek vāstavik śahar hai jo ki hajāron varśon se āj tak astitv mein hai jise āj ke samay israel/West baink ke nām se pukāra jāna jāta hai. Aap isako Googal kī Prthvī par pa sakate aur mānachitr par dekh sakate hain. Yah ek bada śahar nahin hai, aur na hī kabhī raha hai. Parantu yah sansār mein prasiddh hai aur vārśik vaiśvik samāchāron mein bana rahata hai. Kyon? Kyonki yah Yīśu Masīh (ya Yīśu Satsang) ka janm sthān hai. Yah vah śahar hai jahān par usane lagabhag 2000 varśon pahale janm liya tha. Yaśāyāh hamen ek aur surāg ko deta hai kyonki vah kahata hai ki yah vyakti Galīl ke ūpar prabhāv dālega’ur yadyapi Yīśu Satsang (Yīśu Masīh) ne Baitalaham (jaisa kī Mīka ne pahale se hī dekh liya tha) mein janm liya tha, vah Galīl mein pala badha aur ek śikśak ke rūp mein usane vahān seva kī, jaisa ki Yaśāyāh ne pahile se hī bhaviśyadvānī kar dī thī. Baitalaham usaka janmasthān hone ke kāran aur Galīl usakī sevakaī ka sthān hone ke kāran Yīśu Satsang (Yīśu Masīh) ke jīvan ke sabase adhik jāne jāne vāle do sthān hain. Is tarah se ham yahān vibhinn Reśiyon ke dvāra kī gaī bhaviśyadvāniyon ko dekhate hain jo Yīśu Masīh (Yīśu Satsang) mein pūrn ho jātī hain. Kahīn aisa to nahin ki Yīśu hī vah Purūśa/Chudānevāla/Sāsak ho jise in prāchīn Reśiyon ne pahale se dekh liya tha? Is praśn ka yah uttar aisī kunjī ho sakatī hai jo is bāt ko khol detī hai ki kaise ham jo ‘mrtyu kī chāya’ (aur karmon) mein rah rahe hain ko Amaratv pradān kiya ja sakata hai, is bāt par hamārī soc niśchit hī hamāre samay mein vichārayogy hai. Is kāran ham apanī khojabīn ko jārī rakhenge jab ham Purūśāsūkta ke adhyayan ke mādhyam se aur āge badhate hain aur Ibrānī Ved Pustakon ke Reśiyon se isakī tulana karenge.

Purūśāsūkta Par Dhyān Dena – Pūrūśa kī Stuti ka Bhajan

Kadāchit Rgved kī sabase prasiddh kavita ya prārthana Purūśāsūkta (Purūśa Suktam) hai. Yah 90ven adhyāy aur 10ven mandal mein paī jātī hai. Yah ek viśeś vyakti –Purūś (jise Purūśa ke nām se pukāra jāta hai) ke lie gāya gaya gīt hai. Kyonki yah Rgved mein pāya jāta hai, isalie yah sansār ka sabase prāchīn mantr hai, is kāran is ka adhyayan yah dekhane ke lie lābhaprad hai ki ham kaise mukti ya mokś (gyānoday) ke tarīke ko sīkh sakate hain.

Ab Purūśa kaun hai? Vaidik Granth hamen batāte hain ki:

“Purūśa aur Prajāpati ek aur ek hī vyakti hai.” (Sanskrt mein Purusohi Prajapati)  Mādhyandinī Satapath Brāhman VII. 4:1.156

Upaniśad isī soch ko jārī rakhate hue kahate hain ki

“Purūśa sabhī bāton mein sarvaśreśth hai. Kuch bhī [koī bhī] Purūśa se śreśth nahin hai. Vahī ant hai aur ucchatam lakśy hai” (Avykat Purusah parah.  Purusanna param kincitsa kastha sa para gati) Kathopaniśad 3:11

“aur vāstav mein sarvocch Purūśa avyakt se pare hai…vah jo use jānata hai vah mukt ho jāta hai aur amaratv ko prāpt kar leta hai (Avyakat u parah Purusa … yajna tva mucyate Janturamtatvam ca gacchati) Kathopaniśad 6:8

Is tarah se Purūśa Prajāpati (Sārī srśti ka Prabhu) hai. Parantu, kadāchit isase bhī adhik mahatvapūrn sīdhe use jānana hai jo āpako aur mujhe prabhāvit karata hai. Upaniśad kahata hai ki:

“anant jīvan ka (Purūśa ko chorkar) any koī mārg nahin hai” (Nanyahpantha vidyate – ayanaya) Svetāśvataropaniśad 3:8

Is kāran ham Purūśāsūkta, Rgved ke bhajan ka adhyayan karenge, jo Purūśa ka vivaran dete hain. aur jab ham aisa karate hain, to main kadāchit ek vilakśan evam anūthe vichār ko hamāre sochane ke lie rakhūnga: Kya Purūśāsūkta mein kaha gaya yah purūś lagabhag 2000 varśon pahale Yīśu Satsang (Nāsarī ke Yīśu) mein dehadhārī hua? Jaisa ki kaha gaya hai, kadāchit yah ek vilakśan dhārana hai, parantu Yīśu Satsang (Nāsarī ka Yīśu) sabhī dharmo mein ek pavitr vyakti ke rūp mein jāna jāta hai aur usane Parameśvar ke dehadhāran arthāt avatār hone ka dāva kiya tha, aur donon arthāt Parameśvar aur Purūśa ka balidān (jaisa ki ham dekhenge) hua, is kāran yah hamen is vichār ke ūpar vichār karane aur isaka pata lagāne ke lie acche kāran deta hai. Sanskrti ka bhāśāntaran aur Purūśa ke ūpar mere bahut se vichār Josap Padanījerakāra dvāra rachit pustak Prāchīn Vedon Mein Masīh (346 prśthon kī, 2007 mein likhī huī) nāmak pustak ke adhyayan se āe hain.

Purūśāsūkta ka Pratham ślok

Sanskrt Lipyantaran Sanskrt ka Hindī Bhāśātanran
Sahasra sirsa-PurusahSahasra ksah sahsrapatSa bhumim visvato v rtvaatyatisthaddasangulam Purūśa ke ek hajār sir, ek hajār ānkhen aur ek hajār pair hain. Srśti ko chahūn or se gherate hue, vah chamakata hai. Aur vah svayam das ungaliyon mein sīmit hai.

Jaisa ki hamane ūpar dekha ki Purūśa hī Prajāpati hai. Prajāpati, jaisa ki yahān vivaran diya gaya, ki use prāchīn Vedon mein aisa Parameśvar māna jāta tha, jisane sab kuch kī rachana kī hai – vah “sārī srśti ka Prabhu” tha.

Purūśāsūkta ke ārambh mein hī ham Purūśa ke ‘ek hajār sir, ek hajār ānkhen aur ek hajār pair hain,’ ko dekhate hain, isaka kya arth hai? ‘Hajār’ ka arth yahān kisī viśeś ginatī kī huī sankhya se nahin hai, apitu isaka arth ‘anginit’ ya ‘sīma se pare’ ke artho se hai. Is tarah se Purūśa ka sīmārahit gyān (‘sir’) hai.

Srśti ko cahūn or se gherate hue, vah chamakata hai. Aur vah svayam das anguliyon mein sīmit hai. Aaj kī bhāśa mein ham kah sakate hain ki vah Sarvagyānī ya sab-kuch jānane vāla hai. Yah Parameśvar (Prajāpati) ka ek gun hai jo keval ek hī aisa hai jise sab-kuch ka pata hai. Sāth hī, Parameśvar dekhata aur sab bāton kī jānakārī bhī rakhata hai. Purūśa kī ‘ek hajār ānkhen’ hain ke kahane ka arth yah hai ki Purūśa Sarvavyāpī hai – vah sab bāton ko jānata hai kyonki vah sabhī sthānon mein upasthit hai. Isī tarah se, ‘ek hajār pair’ – Sarvasāmarthy arthāt Sarvaśaktimatta– asīmit śakti ko prastut karate hain.

Is tarah se ham Purūśāsūkta ke ārambh mein hī dekhate hain ki Purūśa ko Sarvagyānī, Sarvavyāpī aur Sarvasāmarthī vyakti ke rūp mein parichit karāya gaya hai. Parameśvar ka dehadhāran arthāt avatār hī keval is tarah ka vyakti ho sakata hai. Taubhī, yah ślok yah kahate hue samāpt hota hai ki ‘usane svayam ko das anguliyon mein sīmit kiya hai.’ Isaka kya arth hai?  Ek dehadhārī vyakti hone ke nāte, Purūśa ne svayam ko aisa śūny kar diya ki usane apanī īśvarīy śaktiyon ko chor diya aur ek sāmāny mānav ke svarūp mein – ‘das anguliyon’ jitana sīmit kar diya. Is tarah se, yadyapi Purūśa īśvar tha, īś‍varatv ke sabhī gunon ke hone par bhī, usane svayam ke dehadhāran mein, svayam ko manuśy kī samānata mein kar liya.

Ved Pustak (Baibal), jab Yīśu Satsang (Nāsarī ke Yīśu) ke lie bolatī hai to isī vichār ko akśaraś vyakt karatī hai. Vah kahatī hai ki:

…jaisa Masīh Yīśu ka svabhāv tha vaisa hī tumhāra bhī svabhāv ho:

6 Jisane Parameśvar ke svarūp mein hokar bhī

Parameśvar ke tuly hone ko apane vaś mein

rakhane kī vastu na samajha;

7 Varan apane āp ko aisa śūny kar diya,

aur dās ka svarūp dhāran kiya,

aur manuśy kī samānata mein ho gaya.

8 Aur manuśy ke rūp mein pragat hokar apane

āp ko dīn kiya,

aur yahān tak āgyākārī raha ki mrtyu –

hān, kūsr kī mrtyu bhī sah lī! (Philippiyon 2:5-8)

Aap dekh sakate hain ki Ved Pustak (Baibal) akśaraś vaise hī vichāron – asīmit Parameśvar ka ek sīmit manuśy mein dehadhāran hone – ka upayog karatī hai jaise ki Purūśa ko parichit karāne ke lie Purūśāsūkta mein die gae hain. Parantu Baibal ka yah prasang śīghrata se usake balidān ka vivaran – jaisa ki Purūśāsūkta bhī karega –karane kī or badhata chala jāta hai. Is lie in bhaviśyavāniyon ka pata lagāna kisī bhī us vyakti ke lie sārthak hai jo mokś kī prāpti kī iccha rakhata hai, kyonki, jaisa ki Upaniśadon mein kaha gaya hai ki:

“Anant jīvan ka (Purūśa ko chorkar) any koī mārg nahin hai” (Nanyahpantha vidyate – ayanaya) Svetāśvataropaniśad 3:8

Ham Purūśāsūkta ślok 2 mein yahān jārī rakhenge.

Yīśu ke balidān se kaise śuddhatā ke varadān ko prāpt kiyā jā sakatā hai?

Yīśu sabhī logon ke lie svayan kā balidān dene ke lie āyā. Yahī sandeś prāchīn ‘Rgved’ ke bhajanon men pratichāyā svarūp aur sāth hī sāth Pratigyāon men aur prāchīn Ibrānī Vedo men milatā hai. Yīśu us praśn kā uttar hai jise ham pratyek bār uchārit kī gaī Prarathā snānā (yā Pratāsanā) mantr kī prārthanā ke samay pūchate hain. Aise kaise ho sakatā hai? Bāibal (Ved pustak) karmo kī ek aisī vyavasthā kī ghoṣaṇā karatī hai jo ham sabho ko prabhāvit karatī hai:

Kyonki pāp kī majadūrī to mṛtyu hai…(Romiyon 6:23)

Nīche maine ek udāharaṇ ke dvārā karmo kī vyavasthā ko dikhalāyā hai. “Mṛtyu” kā arth sambandh vicched se hai. Jab hamāre prāṇ hamāre śarīr se alag ho jāte hain to ham śārīrik rūp se mar jāte hain. Isī tarah se ham parameś‍var se ātmik rūp se alag ho jāte hain. Aisā isaliye saty hai kyonki Parameśvar pavitr (pāp rahit) hai.

Kyonki pāp kī majadūrī to mṛtyu hai
Ham Parameśvar se alag hamāre pāpon ke kāraṇ aise hain jaise ki do choṭiyon ke bīch ek khāī hotī hai.

Ham svayaṃ kā chitraṇ aise kar sakate hain jaise ek choṭī par to ham hain aur dūsarī choṭī par Parameśvar svayaṃ hai aur ham is pāp kī athāh khāī se alag kie hue hain.

Yah vicched doṣ aur ḍar ko utpann karatā hai. Isalie ham svābhāvik rūp se ek pul ko nirmit karane kā prayās karate hain jo hame hamārī taraph se (mṛtyu se) Parameśvar kī or le jāe. Ham balidāno ko arpaṇ karate hain, pūjā pāṭh karate hain, tapasyā ko karate hain, tyohāron me bhāgī hote hain, mandiron me jāte hain, kaī tarah kī prārthanāen karate hain aur yahā tak ki ham pāp ko na karane yā kam karane kī kośiśen karate hain. Karmo kī yah sūchī sadkarmon ko prāpt karane ke lie ham men se kaiyon ke lie lambī ho sakatī hai. Samasyā yah hai ki hamāre prayās, sadguṇ, balidān aur tapasyā se bhare hue kāry ādi., yadyapi svayaṃ men bure nahī hain, parantu phir bhī paryāpt nahī hain kyonki jis kīmat kī adāyagī (majadūrī) kī āvaśyakatā hamāre pāpon ke lie hai vah mṛtyu hai. Isakā chitraṇ agale chitr men kiyā gayā hai.

good dharma not enough
Dhārmik sadguṇ – yadyapi acche hain taubhī vah – hamāre aur Parameśvar ke madhy ke sambandh vicched ke pul ko pāṭ nahī sakate hain.

Hamāre dhārmik prayāso ke dvārā ham aise ‘pul’ kā nirmāṇ karate hain jo ki Parameśvar se alag hone vāle mārg ko pāṭane kī kośiś kare. Yadyapi yah burā nahīn hain, taubhī yah hamārī samasyā kā samādhān nahī karatā hai kyonki yah dūsarī taraph pahunchāne men pūrī tarah se saphal nahīn hotā hai. Hamāre prayās paryāpt nahīn hain. Yah kainsar (jisakā ant mṛtyu hī hai) ko keval sāg sabjiyon ko khākar hī ṭhīk karane ke prayās jaisā hī hai. Sāg sabjiyān khānā bahut acchā hai – parantu yah kainsar ko changā nahīn karatā hai. Isake lie āpako pūrī tarah se ek bhinn upachār kī avaśyakatā hai. Ham in prayāson ko ek dhārmik sadguṇo ke ek aise ‘pul’ ke rūp me chitrit kar sakate hain jo ki keval-kuch-dūrī tak hī khāī me jāte hue – hamen phir bhī Parameśvar se alag hī rakhatā hai.

Karmon kī vyavasthā ek burā samāchār hai – yah itanā burā hai ki aksar ham isake bāre me sunanā hī pasand nahīṃ karate hain aur ham aksar apane jīvano ko kaī tarah kī gatividhiyon aur aise bāton se yah āśā karate hue bhar dete hain ki yah vyavasthā chalī jāegī – aur aisā tab tak karate hain jab hamārī paristhitiyon kā bojh hamāre prāṇo ko chāro or se gher letā hai. Parantu Bāibal karmon kī vyavasthā ke sāth ant nahīṃ hotī hai.

Kyonki pāp kī majadūrī to mṛtyu hai parantu… (Romiyon 6:23)

Choṭā sā śabd ‘parantu’ yahān par vyavasthā kī diśā ko dikhalātā hai ki yah ab kisī aur hī taraph, arthāt śubh sandeś – susamāchār kī or jāne ke lie taiyār hai. Yah vaisī karmon kī vyavasthā hai jo mokṣ aur prakāśit hone vāle ek vyakti ke lie ārakṣit kī gaī hai. Is lie ab mokṣ kī vyavasthā kyā hai?

Kyonki pāp kī majadūrī to mṛtyu hai, parantu Parameśvar kā varadān hamāre prabhu Masīha Yīśu me anant jīvan hai (Romiyon 6:23).

Susamāchār kā śubh sandeś yah hai ki Yīśu kī mṛtyu kā balidān Parameśvar aur hamāre madhy kī khāī ko pāṭane vāle pul ke lie paryāpt hai. Ham ise jānate hain kyonki apanī mṛtyu ke tīn din paśchāt Yīśu śārīrik rūp se pun: jī uṭhā, bhautik rūp se punarūtthān ke dvārā vah ek bār phir se jīvit ho uṭhā. Yadyapi kuch log āj Yīśu ke jī uṭhane me aviśvās karanā chunate hain parantu isake virodh me ek śaktiśālī pramāṇ dikhāī detā hai jise is sārvajanik bhāṣaṇ me diyā gayā hai jo ki maine ek Viśvavidyālay me diyā thā (is viḍiyo link ko khole – English).  Prabhu Yīśu nē svarg mēin pravēś kiya aur svayam kī bhēnt Paramēśvar kō chadhaī. Ek arth mēin, usanē aisī pūja arthāt arādhana kō, sabhī lōgōn kē badalē mēin, svayam kī bhēnt chadhātē huē, pāp kē śōdhan kē liē svayam kō arpan karatē huē kiya, jō Paramēśvar kō grahanayōgy hai.

Yīśu vah Purūṣ hai jisane pūrṇ balidān ko diyā. Kyonki vah ek Manuṣy thā isalie vah pul ko banane ke yogy hai jo us khāī ko pāṭ detī hai aur is taraph ke Manuṣy hisse ko chūtā hai aur kyonki vah pūrṇ hai isalie vah Parameśvar kī taraph ke hisse ko bhī chūtā hai. Vah jīvan kā pul hai aur ise nīche is tarah se chitrit kiyā jā sakatā hai

jesus cancels sin
Yīśu vah pul hai jo Parameśvar aur Manuṣy kī madhy kī khāī ko pāṭ detā hai.Usakā balidān hamāre pāpon kī kīmat ko adā karatā hai.

Is bāt me dhyān den ki kaise Yīśu kā balidān hame diyā gayā hai. Yah hamen ek… ‘varadān’ arthāt upahār ke rūp men diyā gayā hai. Is varadān arthāt upahār ke bāre me soche. Yaa mahatvapūrṇ nahī hai ki yah varadān kyā hai, yadi yah vāstav me ek varadān hai to yah aisā hai ki jisake lie āpane kuch kāry nahī kiyā hai aur yah ki āp ise apane sadguṇo ke anusār kamā nahī sakate hain. Yadi āp ise kamā lete hain to yah phir ek upahār ke rūp me nahī rah jātā hai! Isī tarah se āp Yīśu ke balidān ko sadguṇo yā apanī kamāī se kamā nahī sakate hain. Yah āpako varadān arthāt upahār ke rūp meṃ diyā jātā hai.

Aur yah upahār kyā hai? Yaha ‘anant jīvan’ hai. Isakā arth yah hai ki jo pāp āpake ūpar mṛtyu ko lāyā vah ab nirast arthāt radd kar diyā gayā hai. Yīśu kā balidān vah pul hai jisake ūpar chal kar āp Parameśvar ke sāth sampark sthāpit kar sakate hain aur jīvan ko – jo sadaiv banā rahegā – prāpt kar sakate hain. Yah varadān arthāt upahār Yīśu ke dvārā diyā gayā hai jo, mṛtako me jī uṭhane ke dvārā, svayaṃ ko ‘prabhu’ ke rūpa me prakaṭ karatā hai.

Is tarah kaise main aur āap jīvan ke is pul ko ‘pār’ karate hain jise Yīśu hame ek varadān ke rūp me detā hai? Ek bār phir se, upahāron ke bāre me soche. Yadi koī āpake pās ātā hai aur āpako ek upahār detā hai aisā upahār jisake lie āpane koī kāry nahī kiyā hai. Parantu is upahār se lābh pāne ke lie āpako isake ‘prāpt’ kar lenā hogā. Jab kabhī bhī kisī ek upahār ko diyā jātā hai to isake do vikalp hote hain. Yā to upahār ko asvīkār kar diyā jāe (“nahī, āpakā dhanyavād”) yā ise svīkār kar liyā jāe (“is upahār ke lie āpakā dhanyavād. Main ise le letā hūm̐”). Is tarah se yah upahār jise Yīśu āpako de rahā hai ko bhī svīkār kar lenā chāhie, Isamen keval sādhāraṇ rūp se ‘viśvās’, isakā ‘adhyayan’, yā ise ‘samajhanā’ mātr hī nahī kiyā jānā chāhie. Isakā cihtraṇ agale chitr me kiyā gayā hai jahān par ham Parameśvar kī or muḍane ke lie pul par ‘chalate’ hain aur usa upahār ko prāpt karate hain jise vah hame dene kā prastāv de rahā hai.

jesus is bridge
Yīśu kā balidān eka aisā upahār hai jise ham me se pratyek ko prāpt kar lene ke lie chun lenā chāhie

Isa lie ab kaise is upahār ko prāpt kiyā jātā hai? Bāibal kahatī hai ki

Jo koī prabhu kā nām legā, vah uddhār pāegā (Romiyon 10:12)

Dhyān den yah pratigyā ‘har kisī’ ke lie hai, na ki kisī viśeṣ dharm, Jāti yā Deś ke lie. Kyonki vah mṛtako me se jī uṭhā hai isalie Yīśu yahān tak ki ab bhī jīvit hai aur vah ‘prabhu’ hai. Isalie yadi āp usako pukārenge to vah sunegā āpako apane jīvan kā upahār degā. Aapako use – usake sāth vārtālāp karate hue – pukāranā chāhie aur usase mānganā chāhie. Kadāchit āpane yah kabhī nahī kiyā hogā. Yahān par diśānirdeś diyā gayā hai jo ki āpako usake sāth vārtālāp karane aur usase prārthanā karane men sahāyatā pradān kar sakatā hai. Yah koī jādū se bharā huā mantr nahī hai. Ye koī viśeṣ śabd nahī hain jo ki sāmarthy dete hain. Yah usakī yogyatā aur usake dvārā hame upahār dene kī icchā ke ūpar bharosā karanā hai.Jab ham us par bharosā karate hain to vah hamārī sunatā hai aur uttar detā hai.Isalie is diśānirdeś kā anusaraṇ karane ke lie svatantratā ko mahasūs karen jab āp ūnchī āvāj me yā apanī ātmā me Yīśu se bāt karate hain aur usake upahār ko prāpt karate hain.

He pyāre prabhu Yīśu, main samajhatā hūm̐ ki mere jīvan ke pāpon ke sāth main Parameśvar se alag hūm̐. Yadyapi maine apanī sarvottam kośiśen kī hain, taubhī merā koī prayās aur balidān is sambandh vicched ko pāṭ nahī sakatā hai. Parantu main samajhatā hūm̐ ki āpakī mṛtyu ek aisā balidān hai jo hamāre sāre pāpon ko dho ḍālatā hai – yahān tak ki mere pāpon ko bhī. Main viśvās karatā hūm̐ ki āp apane balidān ke paśchāt mṛtako me se jī uṭhe is tarah se main jānatā hūm̐ ki āpakā balidān paryāpt hai. Main āpase prārthanā karatā hūm̐ ki mujhe mere pāpon se śuddh karen aur mujhe Parameśvar ke pās le āen tāki main anant jīvan ko prāpt kara sakūn. Main aise jīvan ko nahī cāhatā hūm̐ jo pāp kā gulām ho isalie kṛpyā karake mujhe in pāpon se śuddh karen jinhone mujhe karm bandhan men jakaḍaā huā hai. He prabhu Yīśu, mere lie yah sab kuch karane ke lie aur ab nirantar mujhe mere jīvan men mere prabhu ke rūp men mārgadarśan dete rahane ke lie āpakā dhanyavād.

Divālī aur Prabhu Yīśu

deevaalee roshanee
Divālī roshanī

Pahalī bār jab maine ‘baḍaī nikaṭatā’ ke sāth Divālī kā anubhav us samay kiyā jab mai Bhārat men kāryarat thā. Mai yahān par ek mahīne rahane ke lie āyā thā aur mere rahane ke dino ke ārambh ke dino men Divālī kā tyohār mere chāron taraph manāyā gayā thā. Jo mujhe sabase jyādā smaraṇ hai vah paṭākhe hain – havā dhuen se bharī huī thī aur isase merī ānkhon men thoḍaī sī jalan ho rahī thī. Mere chāron taraph ghaṭit ho rahe utsāh ke sāth main Divālī ke bāre men jānanā cāhatā thā, ki yah kyā hai aur isakā kyā arth hai. Aur main isake prem me paḍa gayā.

‘Jyotiyon yā prakāś ke tyohār’ ne mujhe preraṇā se bhar diyā kyonki main ek viśvāsī hūn, aur Yīśu satsang jise Prabhu Yīśu ke nām se bhī jānā jātā hai, kā anuyāyī hūn. Aura usake sandeś kī mukhy śikṣā yah hai ki usakī jyoti arthāt prakāś hamāre bīch ke andhere ke ūpar vijay ko pā legā. Is tarah se Divālī kā Prabhu Yīśu ke sāth majabūtī kā sampark thā.

Ham men se bahut se log yah jānate hain ki hamāre bīcha ke andhere ke sāth ek samasyā hai. Is lie hī kaī lākhon kī sankhyā men Kumbh mele ke tyohār men bhāg lete hain – kyonki ham men se lākhon yah jānate hain ki hamane pāp kiyā hai aur yah ki hamen inhen dhone aur svayaṃ ko śuddh karane kī āvaśyakatā hai. Isī ke sāth, Prarathā Snānā (yā Pratāsanā) mantr kī prāchīn jānī-pahachānī prārthanā is pāp ko yā hamāre bhītar ke andhere ko svīkār karatī hai.

Main ek pāpī hūn. Main pāp kā pariṇām hūn. Maiṃ pāp men utpann huā. Merā prāṇ pāp ke adhīn hai. Main sabase baḍaā pāpī hūn. He Prabhu jisake pās sundar ānkhen hain, mujhe bachā le, balidān dene vāle he Prabhu.

Parantu andhakār, yā pāp ke hamāre bhītar ke ye sāre vichār, hamen utsāhit nahīn karate hain. sacchāī to yah hai ki ham kaī bār inhen ‘bure samāchāron’ ke rūp me sochate hain. Isī kāraṇ andhakār ke ūpar vijay pātā huā jyoti kā vichār hamen bahut adhik āśā aur harṣ detā hai. Aur isalie, momabattiyon, miṭhāiyon aur paṭākhon ke sāth, Divālī is āśā ko vyakt karatī hai ki prakāś andhakār ke ūpar jay pā letā hai.

Prabhu Yīśu – Sansār me Jyoti

Yahī kuch vāstav me Prabhu Yīśu ne kiyā. Ved pustak (yā Bāibal) men susamāchār Yīśu ko is tarīke se varṇit karate hain:

Aadi me vachan thā, aur vachan Parameśvar ke sāth thā, aur vachan Parameśvar thā. Yahī ādi men Parameśvar ke sāth thā. Sab kuch usī ke dvārā utpann huā, aur jo kuch utpann huā hai; usamen se koī bhī vastu usake binā utpann nahī huī. Usamen jīvan thā aur vah jīvan manuṣyon kī jyoti thī. Jyoti andhakār men chamakatī thī, aur andhakār ne use grahaṇ na kiyā. (Yūhannā 1:1-5)

Is tarah se āp dekhate hain, yah ‘śabd’ us āśā kī pūrṇtā hai jise Divālī vyakt karatī hai. Aur yah āśā Parameśvar kī or se is ‘śabd’ men ātī hai, jisakī Yūhannā ne bād men Prabhu Yīśu ke rūp men pahachān kī. Susamāchār nirantar yah kahatā chalā jātā hai ki

Sacchī jyoti jo har ek manuṣy ko prakāśit karatī hai, jagat men ānevālī thī. Vah jagat men thā, aur jagat usake dvārā utpann huā, aur jagat ne use nahī pahichānā. Vah apane ghar āyā aur usake apanon ne use grahaṇ nahī kiyā. Parantu jitano ne us ko grahaṇ kiyā, usane unhen Parameśvar kī santān hone kā adhikār diyā, arthāt unhe jo usake nām par viś‍vās rakhate hain – ve na to lahū se, na śarīr kī icchā se, na manuṣy kī icchā se, parantu Parameśvar se utpann hue hain. (Yūhannā 1:9-13)

Yah vivaraṇ detā hai ki kaise Prabhu Yīśu ‘har ek ko jyoti’ yā prakāś dene ke lie āyā thā. Kuch log sochate hain ki yah keval kuch hī logon ke ūpar lāgū hotā hai, parantu dhyān den yah kahatā hai ki yah prastāv is ‘sansār’ me rahane vāle ‘har ek’ ke lie hai ki vah ‘Parameśvar kī santān’ ban jāe. Yah aisā prastāv hai ki har ek, kam se kam har ek jo Divālī jaise tyohār me rūchi rakhatā hai, ke bhītar ke andhakār par prakāś vijay pātā hai।

Prabhu Yīśu ke jīvan ko pahale se hī hajāron varṣon pahale bhaviṣyadvāṇī kar diyā gayā thā

Prabhu Yīśu ke bāre me asādhāraṇ yah hai ki usakā dehadhāraṇ yā mānavātaraṇ honā vibhinn tarīkon se aur ārambhik mānavīy itihās kī ghaṭanāon me kaī tarah se pahale hī bhaviṣyadvāṇī kī gaī thī aur sūchit kar diyā gayā thā aur Ibrānī Vedon meṃ isakā ullekh kiyā huā hai. Is lie usake bāre me pahale se likh diyā gayā thā jabaki vah abhī pṛthvī par āyā hī nahī thā. Aur usake dehadhāraṇ ke kaī bhaviṣyadvāṇiyon ko sabase prāchīn Rgved ke bhajano me smaraṇ kiyā gayā hai, jo āne vāle Purūṣā kī stuti karate hain, aur mānavīy itihās kī kuch ārambhik ghaṭanāon kā ullekh karate hain, jaise ki Manu kī jal pralay, vahī vyakti jise kī Bāibal – arthāt Ved pustak –’Nūh’ ke nām se pukāratī hai. Yah prāchīn vivaraṇ logon ke pāpon ke andhakār ko darśāte hain, jabaki Purūṣā, yā Prabhu Yīśu ke āgaman kī āśā kā prastāv dete hain.

Rgved kī bhaviṣyadvāṇiyon me, Pūrūṣā, arthāt Parameśvar kā dehadhāraṇ aur pūrṇ manuṣy ko balidān hone ke lie ā rahā thā. Yah balidān hamāre pāpon ke karmon kī kīmat ko adā karane aur sāth hī yah hamen bhītar se śuddh karane ke lie paryāpt thā. Suddhīkaraṇ aur pūjā pāṭh acche hain, parantu yah hamen keval bāhar tak hī sīmit rakhate hain. Hamen bhītar se śuddh hone ke lie behatar balidān kī āvaśyakatā hai.

Prabhu Yīśu kī Ibrānī Vedon me bhaviṣyadvāṇī kar dī gaī thī

Rgved ke in bhajano ke sāth hī, Ibrānī Vedon ne is āgaman ke bāre me bhaviṣyadvāṇī kī thī. Ibrānī Vedon me mahatvapūrṇ Rṣi Yaśāyāh hain (jo 750 īsā pūrv rahe, dūsare śabdon me Prabhu Yīśu ke is pṛthvī par āne ke 750 varṣon pūrv). Usane unake āgaman ke prati kaī antardṛṣṭiyon ko diyā hai. Usane Divālī kā pūrvānumān lagā liyā thā jab usane Prabhu Yīśu ke bāre men ghoṣaṇā kī:

Jo log andhiyāre men chal rahe the unhone baḍaā ujiyālā dekhā; aur jo log ghor andhakār se bhare hue mṛtyu ke deś men rahate the, un par jyoti chamakī (Yaśāyāh 9:2).

Aisī ghaṭanā kyon ghaṭit hogī? Vah nirantar āge batātā hai:

Kyonki hamāre liye ek bālak utpann huā, hame ek putr diyā gayā hai; aur Prabhutā usake kāndhe par hogī, aur usakā nām adbhut yukti karanevālā parākramī Parameśvar, anantakāl kā Pitā, aur śānti kā Rājakumār rakhā jāegā. (Yaśāyāh 9:6)

Parantu yadyapi usane dehadhāraṇ kiyā, vah hamāre lie ek gulām ban gayā, ki hamārī andhakārmayī āvaśyakatā me hame sahāyatā de.

Niśchay us ne hamāre rogon ko sah liyā aur hamāre hī dukhon ko uṭhā liyā; taubhī ham ne use Parameśvar kā mārā- kūṭā aur durdaśā me paḍaā huā samajhā. Parantu vah hamāre hī aparādhon ke kāraṇ ghāyal kiyā gayā, vah hamāre adharm ke kāmon ke hetu kuchalā gayā; hamārī hī śānti ke liye us par tāḍanā paḍaī ki usake koḍae khāne se hama change ho jāen. Ham to sab ke sab bheḍaon kī samān bhaṭak gae the; ham me se har ek ne apanā apanā mārg liyā; aur Yahovā ne ham sabho ke adharm kā bojh usī par lād diyā. (Yaśāyāh 53:4-6)

Rṣi Yaśāyāh Prabhu Yīśu ke krūsīkaraṇ kā vivaraṇ de rahe hain. Vah aise varṇan karate hain jaise ki yah 750 varṣon pahale ghaṭit huā hai, aur vah sāth hī krūsīkaraṇ kā vivaraṇ is tarah ke balidān ke rūp me karate hain jo ki hame changā karatā hai. Aur yah kāry jisakā prastāv yah gulām degā aisā hogā ki jise use aisā karane ke lie Parameśvar kahegā.

Main tujhe jāti-jāti (gair-Yahūdī) ke liye jyoti ṭhaharāūngā ki merā uddhār pṛthvī kī ek or se dūsarī or tak phail jāe (Yaśāyāh 49:6-7)

Is tarah se āp dekh sakate hain! Yah mere lie hai aur yah āpake lie hai. Yah har ek ke lie hai.

Paulus kā udāharaṇ

Sacchāī to yah hai ki, ek vyakti jisane niśchit hī yah nahī sochā ki Prabhu Yīśu kā balidān usake lie thā vah Paulus thā jisane Yīśu ke nām kā virodh kiyā. Parantu usakā sāmanā Prabhu Yīśu ke sāth huā jisake pariṇām svarūp usane bād me kuch is tarah se likhā

Isaliye ki Parameśvar hī hai, jisane kahā, “andhakār men se jyoti chamake,” aur vahī hamāre hṛdayon me chamakā ki Parameśvar kī mahimā kī pahichān kī jyoti Yīśu Masīh ke chehare se prakāśmān ho. (2 Kurinthiyon 4:6)

Paulus kā Prabhu Yīśu ke sāth vyaktigat sāmanā huā jisake pariṇāmasvarūp jyoti usake ‘hṛday me chamakane’ lagī.

Yīśu kī jyoti ko āpake svayaṃ ke lie anubhav karanā

Isalie andhakār aur pāp se jyoti banane ke lie is ‘uddhāra’ ko pāne ke lie kyā kare jisake bāre me Rṣi Yaśāyāh ne bhaviṣyadvāṇī kī hai, jo Prabhu Yīśu ke pās hai, aur jisakā anubhav Paulus ne kiyā? Paulus is praśn kā uttar apane ek any patr me detā hai jahān par vah aise likhatā hai ki

Kyonki pāp kī majadūrī to mṛtyu hai, parantu Parameśvar kā varadān hamāre Prabhu Masīh Yīśu meṃ anant jīvan hai (Romiyo 6:23)

Dhyān den ki vah kaise kahatā hai ki yah ek ‘varadān’ yā upahār hai. Ek upahār, apanī paribhāṣā se hī kamāyā nahī jā sakatā hai. Koī bas keval āpako yūn hī ek upahār de detā hai jise āpane kamāyā nahī hai jisake lie āpane acche karmo ko nahī kiyā hai. Parantu yah upahār tab taka āpako koī lābh nahī degā, jab tak yah āpakī apanī sampatti, āpake dvārā ‘prāpt’ kar lie jāne ke dvārā nahī ban jātā. Isalie hī Yūhannā, jisakā uddharaṇ maine ārambh me kiyā hai aise likhatā hai ki

Parantu jitano ne use grahaṇ kiyā, usane unhe Parameśvar kī santān hone kā adhikār diyā, arthāt unhen jo usake nām par viś‍vās rakhate hain (Yūhannā 1:12)

Isalie āpako keval bas ise svīkār kar lenā chāhie. Aap ise usase māngane ke dvārā prāpt kar sakate hain jo ki āpako mupht me diyā jātā hai. Kyonki vah jīvit hai isalie āp usase māng sakate hain. Hān, vah āpake pāpon ke lie balidān huā, parantu tīn dinon ke paśchāt vāpas jīvit ho gayā, ṭhīk vaise hī jaise Rṣi Yaśāyāh ne hajaāron varṣon pahale bhaviṣyadvāṇī kar dī thī jab usane dukh uṭhāne vāle sevak ke bāre men likhā thā

Vah apane prāṇo kā dukh uṭhākar use dekhegā aur tṛpt hogā; apane gyān ke dvārā merā dharmī dās bahuteron ko dharmī ṭhaharāegā, aur unake adharm ke kāmon kā bojh āp uṭhā legā (Yaśāyāh 53:11)

Is tarah se Prabhu Yīśu jīvit hai aur āpakī prārthanā ko us samay sun sakatā hai jab āap ise usase karate hain. Aap Prarathā Snānā (yā Pratāsanā) mantr kī prārthanā ko usase kar sakate hain aur vah āpakī sunegā aur bachā legā kyonki usane apane balidān ko āpake lie de diyā hai aur ab usake pās sabhī tarah kā adhikār hai. Yahān ek bār phir se vah prārthanā dī gaī hai jise āap usase kar sakate hain.

Main ek pāpī hūn. Main pāp kā pariṇām hūn. Main pāp me utpann huā. Merā prāṇ pāp ke adhīn hai. Main sabase baḍaā pāpī hūn. He Prabhu jisake pās sundar ānkhen hain, mujhe bachā le, balidān dene vāle he Prabhu.

Aapakā any lekhon ko bhī yahān se paḍhane ke lie svāgat hai. Ye mānavīy itihās se ārambh hote hain aur Sanskṛti aur Ibrānī Vedon me dī huī andhakār se hamen bachāne kī aur jyoti me le āne kī Parameśvar kī is yojanā ko mātr ek upahār ke rūp me dikhāte hain. Jaise jaise mujhe samay milatā hai main aur bhī any lekhon ko inamen joḍatā chalā jāūngā. Yadi āpake pās koī praśn hai to āpakā mujhase sampark karane ke lie svāgat hai.

Is Divālī par, jab āp momabattiyon ko jalāte hain aur upahāron ko ek dūsare ko dete hain, merī prārthanā hai ki āp āntarik jyoti arthāt prakāś ke upahār kā anubhav Prabhu Yīśu kī or se karen jaise Paulus ne anubhav kiyā thā aur kaī varṣon pahale parivartit ho gayā thā aur jisakā dene ke lie āpako bhī prastāv diyā gayā hai. Divālī mubārak ho!

Kumbh melā mahotsav: Pāp kā burā samāchār aur hamārī śuddhtā kī āvaśyakatā ko dikhā rahā hai

Mānavīy itihās men janasamūh kā ek sabase baḍaā rūp men ikaṭṭhā honā is varṣ 2013 men ghaṭit huā– Kumbh mele kā tyohār 12 varṣon men keval eka hī bār manāyā jātā hai. Chaukā dene vālī sankhyā men 10 karoḍ log 55 dinon ke tyohār ko manāne ke lie Gangā nadī ke kināron par Ilāhābād śahar men pahunch gae, jisamen se 1 karoḍ ne to Gangā men tyohār ke ārambh hone ke pahale hī din snān kar liyā thā.

kumbh mela image
Lākhon kī sankhyā men Kuṃbh ke mele men śraddhālu

En. Dī. Tī. Vī. ke anusār, āyojakon ne Pharavarī 15 ko snān ke antim din men 2 karoḍ logon ke dvārā snān kie jāne kā anumān lagāyā thā. Main Ilāhābāda āyā hūn aur main yah kalpanā nahīn kar sakatā hūn ki kaise itane sāre loga lākhon kī sankhyā men eka dam se binā kisī kāryon ko rokate hue vahān par ekatr ho sakate hain. Bī. Bī. Sī. ne riporṭ dī ki in logon kī rojamarrā kī āvaśyakatāon kī pūrti ke lie chikitsakon aur śauchālayon jaisī vastuon ko ikaṭṭhā karane ke lie bhārī prayāson ko kiyā gayā thā.Kumbh mele men logon kī itanī adhik sankhyā ne sālānā Makkā ke lie Haj ko jāne vāle tīrth yātriyon kī sankhyā jaise ki Musalamāno kī kul sankhyā – 2012 men keval 31 lākh thī, ko ṭhiganā sā kar diyā.

Is kāraṇ kyon 10 karoḍ logon ko 120 arab Rūpaye Gangā nadī men snān karane ke lie kharch karane paḍae? Nepāl se āne vāle ek śraddhālu ne Bī. Bī. Sī. ko aisā batāyā ki

“Maiṃne apane pāpon ko dho liyā hai.”

Rāyaṭars Samāchār Ejensī riporṭ detī hai ki,

77 varṣīy ghumakkaḍ tapasvī Svāmī Sankarānand Sarasvatī, jo ṭhaṇḍ men khaḍaā nangā kām̐p rahe the, ne aise kahā ki,”Maine is aur pahale ke jīvan ke apane sāre pāpon ko dho liyā hai,”

En. Dī. Tī. Vī. hamen batātā hai ki

Bhaktagaṇ, jo yah viśvās karate hain ki pavitr jal men ḍubakī lagāne se unake pāp śuddh ho jāte hain,

Pichale varṣ 2001 ke tyohār men maine Bī. Bī. Sī. ke dvārā tab ke lie hue sākṣātkār par dhyān diyā thā ki tīrth yātrī Mohan Sharmā ne aise batāyā thā ki “Jin pāpon ko hamane utpann kiyā hai vah yahān par dhul jāte hain.”

‘Pāp’ kī viśvavyāpī bhāvanā

Dūsare śabdon men, lākhon kī sankhyā men log dhan ko kharch karenge, bhīḍ se bharī huī ṭreno men yātrā karenge, bhīḍ bhāḍa se bharī huī paristhitiyon kā sāmanā kareṃge aur apane pāpon ke ‘dhul jāne ke lie’ Gangā nadī men jākar snān karenge. Isase pahale ki ham yah dekhen ki yah śraddhālu kyā kar rahe hain, āie ham us samasyā par dhyān den jo ki unhonne svayaṃ hī apane jīvan men pahachān kī hai jo ki – Pāp hai.

Srī Satya Sāīn Bābā aur ‘sahī’ aur ‘galat’

Aie isakā adhyayan Hindī Gurū Srī Satya Sāīn Bābā ke upadeśon ko dekhate hue, jisakī soch main sochatā hūm̐ ki sarāhanīy hain. Main inhen nīche likh detā hūm̐. Jab āp inhen paḍhate hain to svayaṃ se pūchen, “ki kyā aise naitik upadeś hain jinake sahāre jīvan yāpan kiyā jā sakatā hai? kyā mujhe inake anusār jīvan yāpan karanā chāhie?”

“Aur dharm kyā hai (hamārā naitik kartavy)? Jo kuch āp upadeś dete hain use abhyās men lānā, jo kuch āp kahate hain use vaise hī karanā jaise kahā jā rahā hai, upadeś ko mānate hue aur ise abhyās men lāte hue. Bhale karmon ko kamānā, dharm kī lālasā karanā; Parameśvar ke bhay men jīvan yāpan karanā, Parameśvar tak pahum̐chane ke lie jīvan yāpan karanā: yahī dharm hai” Satya Sāīn Bābā bolate hain 4, pṛ. 339.

“Vāstav men āpakā kartavy kyā hai?….

  • Sabase pahale apane Mātā Pitā kī prem aur ādar aur kṛtagyatā ke sāth sevā karanī.
  • Dūsarā, saty bolanā aur bhale karmon men vyavahār karanā.
  • Tīsarā, jab kabhī āpake pās kuch samay bache, tab Prabhu ke nām ko vah jis bhī rūp men āpake man men hai, duharāte rahanā.
  • Chauthā, dūsare ke bāre men burā bolane men lipt na honā yā dūsaron kī kamajoriyon kī khoj karane kā prayās nahīn karanā.
  • Aur ant men, kisī bhī rūp men anyon ko dukh nahīn pahunchānā” Satya Sāīn Bābā bolate hain 4, pṛ. 348-349.

“Jo koī apane anhakār ko apane adhīn kar letā hai, apanī svārthī icchāon par jay prāpt kar letā hai, apanī vahaśī bhāvanāon aur āvegon ko naṣṭ kar detā hai, aur apane śarīr ko prem karane kī svābhāvik pravṛtti kā daman karatā hai, vah niśchit hī dharm ke path par agrasar hai” Dharm Vāhinī, pṛ. 4

Jab maiṃne ise paḍhaā to pāyā ki ye ve upadeś hain jinake anusār mujhe jīvan yāpan – keval ek sādhāraṇ naitik kartavy ke rūp men karanā cāhie. Parantu kyā āp vāstav men inake ūpar jīvan yāpan kar rahe hain? kyā āpane (aur maine) kabhī inake prati sochā hai? Us samaya kyā hogā yadi in upadeśon ko pālan karane men chūk jāen aur inake anusār jīvan yāpan na kar pāen. Satya Sāīn Bābā is praśn kā uttar nimn tarīke se upadeś dete hue jārī rakhate hain ki

“Sāmāny rūp men, main mīṭhā bolatā hūm̐, parantu anuśāsan ke viṣay men, main kisī bhī tarah kī koī riyāyat denā svīkār nahīn karūngā…main kaṭhor anuśāsan ke ūpar jor dūngā. Main kisī bhī tarah se āpake star ke anurūp kaṭhoratā ko kam nahīṃ karūngā,” Satya Sāīn bolate hain 2, pṛ. 186.

kaṭhoratā kā star ṭhīk hai – yadi āp sadaiv śarton ko pūrā karate hain. Parantu yadi āpa ise pūrī nahīn karate hain? Tab yahī vah sthān hai jahān par tab “Pāp” kī avadhāraṇā ā jātī hai. Jab main naitik lakṣy ko pūrā karane se chūk jātā hūn, yā jise main jānatā hūm̐ ki ise pūrā karanā cāhie, ko pūrā karane men asaphal ho jātā hūm̐ tab main Pāp karatā hūm̐ aur main ek pāpī hūm̐. Kabhī bhī yah sunanā pasand nahīn karegā ki vah eka ‘Pāpī’ hai – yah kuch aisī bāt hai jo āpako asahaj aur doṣī ṭhaharātī hai, aur sacchāī to yah hai ki ham bahut adhik mānasik aur bhāvanātmak urjā ko in vichāron ko yuktisangat tarīke se haṭā dene ke prayās men kharch kar dete hain. Kadāchit ham Satya Sāīn Bābā ke alāvā kisī any śikṣak kī or dekhane lagate hain, parantu yadi vah ek ‘acchā’ śikṣak hai, to usake naitik upadeś bahut adhik vaise hī – pālan karane ke lie kaṭhoratā se bhare hue honge.

Bāibal (Ved Pustak) kahatī hai ki ham sabhī pāp ke is bhāv ko mahasūs karate hain, chāhe ham kisī bhī dharm ke kyon na ho yā hamārī śikṣā kā star kaise bhī kyon na ho kyonki pāp kā yah bhāv hamāre vivek se ātā hai. Ved Pustak ise is tarah se vyakt karatī hai

Phira, jab anyajāti log (arthāt gair-yahūdī), jinake pās vyavasthā nahī (Bāibal men dī huī das āgyāen), svabhāv se hī vyavasthā kī bāton par chalate hain, to vyavasthā unake pās na hone par bhī ve apane lie āp hī vyavasthā hain. Ve vyavasthā kī bāten apane apane hṛdayon men likhī huī dikhāte hain aur unake vivek bhī gavāhī dete hain, aur unake vichār paraspar doṣ lagāte yā unhen nirdoṣ ṭhaharāte hain (Romiyon 2:14-15).

Is prakār lākhon kī sankhyā men tīrth yātrī unake apane pāp ko mahasūs karate hain. Thīk usī prakār se jaise ki Ved Pustak (Bāibal) kahatī hai

Saba ne pāp kiyā hai aur Parameśvar kī mahimā se rahit hain (Romiyon 3:23)

Pāp Pratāsanā Mantr men vyakt kiyā gayā hai

Isakī dhāraṇā prasiddh Prarathā Snānā (yā Pratāsanā) Mantr men vyakt kī gaī hai jise maiṃne nīche likhā hai

Main ek pāpī hūm̐. Main pāp kā pariṇām hūm̐. Main pāp men utpanna huā. Merā prāṇ pāp ke adhīn hai. Main sabase baḍaā pāpī hūm̐. He Prabhu jisake pās sundar ānkhen hain, mujhe bachā le, balidān dene vale, He Prabhu.

Susamāchār hamāre pāpon ko ‘dho ḍālatā’ hai

Susamāchār ṭhīk usī viṣay ko sambodhit karatā hai jisakā samādhān yah samarpit tīrthayātrī khoj rahe hain – ki ‘unake pāp dho die jāe.’ Yah un logon ko ek aisī pratiguā detā hai jo apane ‘vastron’ (arthāt unake apane naitik kāryon) ko dho lete hain. Isakī āśīṣ svarg (‘us śahar’) kī ek amaratā (jīvan kā vṛkṣ) se hai.

“Dhany hain ve, jo apane vastr dho lete hain, kyonki unhen jīvan ke vṛkṣ ke pās āne kā adhikār milegā, aur ve phāṭakon se hokar nagar men praveś karenge.” (Prakāśitavāky 22:14)

Kumbh ke mele kā tyohār hamen hamāre pāp kī vāstavikatā ke ‘bure samāchār’ ko dikhātā hai, aur yah is prakār hamen hamārī śuddhtā ko pāne ke lie jāgarūk karanā chāhie. Bhale hī isamen keval ek sadūr saṃbhāvanā hī dikhāī detī ho ki susamāchār kī yah pratigyā ek saty hai, kyonki yah bahut hī mahatvapūrṇ hai, yah niśchit hī adhik gahan rūp men jānch kie jāne ke lie lābhaprad hai.

Yadi āp anant jīvan ko pāne ke lie rūchi rakhate hain, yadi āpa pāp se svatantratā pāne kī icchā rakhate hain tab in bāton kā adhyayan karake dekhanā adhik buddhimānī hogā ki Prajāpati (yā Yahovā) ke bāre men kyā pragaṭ kiyā gayā hai aur kaise aur kyon usane hamāre lie svayam ke balidān ko de diyā tāki ham svarg ko prāpt Karen. Aur Ved hamen asamanjas men hī choḍ nahīn dete hain. Rg Ved Purūṣāsūktā hai jo Prajāpati ke Deh Dhāraṇ aur usake dvārā hamāre lie balidān die jāne kā varṇan karatā hai. Yahān par Purūṣāsūktā ke parichay ko jānane ke lie klik (karen) jo jis tarah se Bāibal (Ved Pustak) Yīśu satsang (Nāsarat ke Yīśu) aur āpake lie mokṣa yā mukti (amaratv) ko lene ke lie balidān kā varṇan karatī hai vaise hī Purūṣa kā vivaraṇ detā hai.