Abrāham kē dvārā ārambh kī gaī: Sabhī samayō aur sabhī lōgōn kē liē tīrthayātrā

Kaṭārāgāmā Mahōtsav kē liē kī jānē vālī tīrthyātrā (pada-yātrā) Bhārat sē bāhar bhī hōtī hai.  Yah tīrthyātrā Bhagavān Murugan (Bhagavān Kaṭārāgāmā, Kārtikēya yā Skand) kī yād mēn kī jātī hai, jab vah apanē Mātā-Pitā (Shiv aur Pārvatī) kē Himālay vālē ghar kō chōḍtē huē, Srī Lankā kī sthānīy laḍakī Vallī kē pyār kē liē yātrā karatē hain.  Unakē prēm aur vivāha kō Srī Lankā kē Kaṭārāgāmā mandir mēn Kaṭārāgāmā Pīrāhērā Mahōtsava kē rūp mēn yād kiyā jātā hai.

Kaṭārāgāmā kī yātrā kō pūrā karanē kē liē bhaktōn kō kabhī-kabhī tyōhār sē 45 din pahalē tīrthyātrā ārambh karanī paḍtī hai.  Yuddha kē dēvatā Bhagavān Murugan kī yād mēn, kaī lōg ēk bhālā sāth lēkar jātē hain, jabaki vē is tīrthyātrā kē mādhyam sē ēk gāt surakṣit sthān kō chōḍ dētē hain aur agāt sthān mēn jānē kā khatarā mōl lētē hain.

Naē Chandramā vālē din tīrthayātrī Kaṭārāgāmā Mahōtsav kō ārambh karanē kē liē Kaṭāragāmā pahāḍaī tak chaḍhtē huē apanī tīrthyātrā kō pūrā karatē hain.  14 din pratyēk rātri Vallī kē mandir tak ēk Pīrāhērā arthāt jalūs kē rūp mēn Murugan kī mūrti pahunchāyī jātī jātī hai.  Pūrṇimā sē pahalē kī subah charamōtkarṣ ēk samārōh jal-grahaṇ dvārā apni uchai par pahunchatā hai, jisamēn Murugan kī mūrti kō Mēṇik Gangā nadī mēn ḍubōyā jātā hai aur isakē pavitr jal kō śraddhāluōn par uṇḍēlā jātā hai.

Is tyauhāra kā ēk any ākarṣaṇ āg sē sē hōkar nikalanē vālā samārōha hai, jahān śraddhālu dhadhakatē huē garm kōēlē kī āg sē gujaratē hain, jō aviśvasanīy rūp sē tatvōn kē prati unakī vijayī hōnē kē viśvās kā pradarśan karatā hai.

Vibhinna bhāṣāōn, dharmōn aur jātiyōn kē lōgōn kē dvārā kī jānē vālī is vārṣik tīrthyātrā mēn unhēn unakē viśvās kē liē mārgadarśan, āśīrvād, changāī, aur jānch kē liē ye tīrthyātrā unhe ēk kar dētī hai. Is sambandh mēn vē Abrāham kē dvārā 4000 varṣōn pahalē nirdhārit paddhati kā pālan karatē hain.  Vah ēk aisī tīrthyātrā par chal paḍā thā, jō na kēval kaī mahīnō tak chalī, apitu jīvan paryant chalatī rahī.  Usakī tīrthyātrā kā prabhāv 4000 varṣōn paśchāt bhī āpakē jīvan aur mērē jīvan par paḍatā hai.  Usakī tīrthyātrā kī śart mēn usē apanē Paramēśvar mēn viśvās kō vyakt karanā, aur ēk pavitr parvat par ēk aviśvasanīy balidān kō chaḍhāē jānē kē dvārā pradarśit karanā thā.  Isanē samudr kō dō-phāḍ karatē huē aur āg mēn sē gujaratē huē ēk Rāṣṭr kō janm diyā – isakē bād isakā prabhāv pūrē Dakṣiṇ Eśiyā par paḍaā.  Usakī tīrthyātrā kaisē ārambh huī kī samajh āj hamārē svayaṃ kē gān kē liē āśīṣ aur mārgadarśan kō pradān karatī hai.  Isasē pahalē ki ham Abrāham kī tīrthyātrā kī khōj karēn, hamēn Vēd Pustaka arthāt Bāibal sē kuch prasang milatē hain, jō usakī tīrthyātrā kō lipibaddh karatā hai.

Manuṣya kī samasyā – Paramēśvar kī yōjanā

Hamane hamāre pichale lekhamen yah dekha ki manuśy ne Srśtikarta Prajāpati kī ārādhana ko Tāron aur Grahon kī ārādhana karate hue dūśit kar diya tha. Is kāran Prajāpati ne Manu/Nūh ke tīn putron (Jo jal pralay se bach gae the) ke vanśajon ko unakī bhāśaon ke dvāra alag karate hue pūrī Prthvī mein bikhara diya tha. Isaliye hī āj bahut sī jātiyān bhāśa ke kāran ek dūsare se bhinn hain. Manuśy ke bīte hue itihās kī gūnj ko 7 dinon ke Panchāgon mein dekha ja sakata hai jise āj pūre Sansār mein aur us bade Jal-Pralay kī smrti ko bhinn rūpon mein smaran rakhane ke lie upayog kiya jāta hai.

Prajāpati ne itihās ke ārambh mein hī pratigya kar dī thī ki ek siddh vyakti ke balidān ke dvāra Vidvān log Amaratv ko prāpt karenge. Yah balidān ek pūrnata ke rūp mein kāry karega jo hamen mātr hamāre bāharī taur se śuddh karane kī apekśa āntarik rūp se śuddh karega. Tathāpi, Srśtikarta kī dūśit ho gaī ārādhana ke sāth, bikharī huī ye naī sthāpit jātiyān is ārambhik pratigya ko bhūl gaīn. Ise keval āj ke samay kuch hī sroton ke mādhyam se smaran kiya jāta hai jisamen prāchīn Rg Ved aur Ved Pustak – Baibal sammilit hai.

Is tarah se Prajāpati ne ek yojana ko banāya. Yah yojana kuch aisī nahin thī jisakī main aur āp yah apekśa karate kyonki yah (hamen) bahut hī chotī aur vastuon ko parivartit karane ke lie amahatvapūrn jān pad sakatī hai. Parantu yahī vah yojana thī jisaka usane chunāv kiya. Is yojana mein lagabhag 2000 Isa Pūrv (arthāt 4000 varśon pahale) ek vyakti kī bulāhat aur usaka parivār aur usako aur usake vanśajon ko āśīś dene kī pratigya yadi vah us āśīś ko prāpt karana chunata hai, sammilit hai. Yahān nīche batāya gaya hai ki kaise Baibal is virtānt ka varnan karatī hai.

Abrāham ko dī huī pratigya

Yahova Parameśvar ne Abrām se kaha, “Apane deś, aur apane kutumbiyon, aur apane pita ke ghar ko chodakar us deś mein chala ja jo main tujhe dikhaūnga.

“Main tujhase ek badī jāti banaūnga, aur tujhe āśīś dūnga, aur tera nām bada karūnga, aur tū āśīś ka mūl hoga. Aur jo tujhe āśīrvād den, unhen main āśīś dūnga; aur jo tujhe kose, use main śāp dūnga; bhūmandal ke sāre kul tere dvāra āśīś paenge.”

4 Aur Yahova Parameśvar ke is vachan ke anusār Abrām chala; Lūt bhī usake sang chala; aur jab Abrām hārān deś se nikala us samay vah pachahattar varś ka tha. 5 Is prakār Abrām apanī patnī Sārai, aur apane bhatīje Lūt ko, aur jo dhan unhonne ikattha kiya tha, aur jo prānī unhonne Hārān mein prāpt kie the, sabako lekar kanān deś mein

jāne ko nikal chala; aur ve kanān deś mein ā gae hain…7 Tab Yahova Parameśvar ne Abrām ko darśan dekar kaha, “Yah deś main tere vanś ko dūnga.” Aur usane vahān Yahova Parameśvar ke liye jisane use darśan diya tha, ek Vedī banaī.

Ham mein bahut se log āj ulajhan mein rahate hain ki kya koī aisa vyaktigat Parameśvar hai jo hamārī itanī chinta karata hai ki sīdhe hī hamāre pareśān jīvanon mein āśa dene ke lie hastakśep karata ho. Is virtānt ke mādhyam se ham is vichār kī jānch kar sakate hain kyonki isamen ek vyaktigat pratigya ek viśeś vyakti ke sāth bāndhī gaī hai, jisake bhāgon ko ham satyāpit kar sakate hain. Yah virtānt varnit karata hai ki Yahova Parameśvar ne sīdhe hī Abrāham ke sāth pratigya kī ki, ‘main tere nām ko mahān karūnga.’ Ham 21vīn sadī mein – 4000 varśon ke paśchāt rahate hain – aur Abrām/Abrāham ka nām viśvavyāpī rūp se itihās ke nāmon mein sabase adhik pahachān rakhata hai. Yah pratigya śābdik, aitihāsik aur satyāpit rūp se saty pramānit huī hai.

Baibal kī sabase prāchīn vidyamān prati Mrtak Sāgar ke kundal patr hain jo 200-100 Isa Pūrv mein likhī gaī thīn. Jisaka arth hai ki is pratigya ko likhit svarūp, lekhanakāl ke sabase ārambhik samay mein hī de diya gaya tha. Parantu yahān tak ki 200 Isa Pūrv bhī Abrāham nāmak vyakti aur usaka nām keval alpasankhyak samūh Yahūdī ko chodakar bahut adhik-prasiddh nahin tha. Isalie ham yah puśti kar sakate hain ki usakī pūrnata keval tab āī jab ise navīnatam samayon mein likha gaya. Ek pratigya kī “pūrnata” ke ghatit hone ke paśchāt ise likha jāna is ghatana mein nahin hua hai.

…usakī mahān jāti ke kāranon se

Jo bāt samān rūp se āścaryachakit karatī hai vah yah hai ki Abrāham ne vāstav mein koī ullekhanīy kāry apane jīvan mein kabhī nahin kiya tha – aisa koī kāry jo sāmānyataya ek vyakti ko ‘mahān’ banāta ho. Usane aisa kuch asādhāran lekhanakāry nahin likha (jaise Vyās ne Mahābhārat ko likh kar kiya hai), usane koī dhyān dene vāle bhavan ka nirmān bhī nahin kiya (jaise Sāhanjahān ne Tāj Mahal ko nirmit karake kiya hai), usane kisī aisī prabhāvaśālī sainy kauśal se pūrn sena ka netrtv bhī nahin kiya (jaisa Arjun ne Bhagavad Gīta mein kiya hai), na hī usane rājanaitik rūp se koī netrtv pradān kiya hai (jaise Mahātma Gāndhī ne kiya hai). Usane to yahān tak ek rāja ke rūp mein kisī rājy ka śāsan bhī nahin kiya hai. Usane vāstav mein jangal mein tambū gādane aur prārthana karane ko chodakar aur tab ek putr ko janm dene ke sivāy aur kuch nahin kiya hai.

Yadi āp usake dinon mein hote hue yah bhaviśyadvānī karate ki kaun haājron varśon ke paśchāt sabase adhik smaran kiya jaega, to āp us samay ke rājaon, senāpatiyon, yoddhaon, ya darabār ke kaviyon ke ūpar śart laga sakate the ki yahī itihās ko mahān banaenge. Parantu un sabhī ke nāmon ko bhūla diya gaya hai – parantu ek vyakti jo badī kathinaī se jangal mein apane parivār ka pālan pośan karane kī kośiś karata raha ko pūre sansār mein smaran kiya jāta hai. Usaka nām isalie mahān hai kyonki ve jātiyān jo usamen se nikal kar āīn ne usake virtānt ko smaran rakha hai – aur tab log aur jātiyān jo usamen se nikal āīn mahān ban gaīn. Yahī akśaranś vaise hī hai jaise bahut pahale pratigya kī gaī thī (“Main tujh mein ek badī jāti banaūnga…Main tera nām mahān karūnga”). Main sochata hūn ki koī bhī abhī tak ke itihās mein itana adhik prasiddh nahin hua hai keval isalie ki usake vanśaj ke log usamen se nikal kar āe hain isakī apekśa kī usane apane jīvan mein bade bade kāryon ko prāpt kiya hai.

…pratigya-karane vāle kī iccha ke mādhyam se

Aur āj jo log Abrāham ke vanś ke hain – Yahūdī – kabhī vāstav mein ek jāti ke rūp mein nahin the jise ham viśeś rūp se badī mahānata ke sāth sambaddh karate hain. Unhonne kabhī bhī Misr ke Pirāmidon – aur niśchit rūp se Tāj Mahal kī tarah badī badī mahān vāstuśilp nirmānon ko nahin kiya, na hī unhonne Yūnāniyon kī tarah Darśan Sāstron ko likha, ya Britiś logon kī tarah dūrasth kśetron ke praśāsan ka bhī prabandh nahin kiya. In sabhī jātiyon ne yah sabhī kāry svayan ko viśv-śakti ke sāmrājyon ke sandarbh mein sthāpit karate hue kie jisane unakī sīmaon ko vyāpak asādhāran sainy-śakti ke kāran bahut dūr tak vistārit kar diya tha – aisa kabhī bhī yahūdiyon ne nahin kiya. Yahūdī logon kī mahānata adhikattar Vyavastha aur Dharm Pustak (Ved Pustak ya Baibal ) ke kāran hain, jise unhonne kuch ullekhanīy logon ke dvāra janm diya; jo unakī jāti mein se nikal kar āe the; aur yah ki ve in haājron varśon mein ek bhinn aur kuch sīma tak viśeś logon ke samūh ke rūp mein bane rahe. Unakī mahānata isalie nahin ki unhonne vāstav mein kuch viśeś kiya hai, apitu isakī apekśa jo kuch unake sāth kiya gaya aur jo kuch unake mādhyam se kiya gaya tha.

Ab āie us kāran ko dekhen jo is pratigya ko āge le kar chalata hai. Vahān par, pūrnatah spaśt rīti se, yah nirantar kahata hai ki, “Main karūnga…” Vah viśeś tarīka jisamen unakī mahānata itihās mein kāry karatī hai ek bār phir se is udaghośana ka aisa ullekhanīy tarīka hai ki yah Srśtikarta hai jo ise pūrn karega na ki is mahān jāti kī kuch antarnihit yogyataen, vijay ya sāmarthy. Dhyān yogy bāt yah hai ki āj ke sansār mein sanchār mādhyam apane bahut adhik dhyān ko Israel , ādhunik Yahūdī jāti kī ghatanaon ke ūpar deta hai. Kya āp nirantar Hangarī, Nārve, Pāpua Nyū Ginī, Bolīviya ya Madhy Aphrīkī Ganarājy jaise deśon ke samāchāron ko sunate hain -jo ki sabhī sansār mein ek hī ākār ke deś hain? Parantu Israel, ek 60 lākh logon ko chota sa deś, nirantar aur niyamit rūp se samāchār mein bana rahata hai.

Itihās mein ya mānavīy ghatanaon mein aisa kuch bhī antarnihit nahin hai jo is prāchīn pratigya ko thīk vaise hī khol kar rakhane ka kāran bane jaisa ki ise is prāchīn vyakti ke sāth ghośit kiya gaya tha, kyonki usane is pratigya mein viśvās karate hue viśeś path par chalane ko chuna tha. Un sambhāvanaon ko soche jisamen yah pratigya kuch tarīkon se asaphal ho sakatī thī. Parantu isakī apekśa yah khulatī chalī gaī aur nirantar khulatī chalī ja rahī hai, māno ki ise un haājron varśon pahale udaghośit kiya gaya tha. Vāstav mein yah viśay bahut hī majabūt hai kyonki yah pūrn rūp se pratigya-karane vāle kī sāmarthy aur adhikār ke ūpar ādhārit hai ki jisase yah pūrn hua hai.

Vah path jo abhī bhī sansār ko hilāta hai

This map shows the route of Abraham's Journey
Yah nakśa Abrāham kī yātra ke mārg ko darśāta hai

Baibal varnit karatī hai, “Yahova ke vachan ke anusār Abrām chala” (vachan 4). Usane ek mārg ko chun liya, jise nakśe mein darśāya gaya hai jo abhī bhī itihās ko bana raha hai.

Hamāre lie āśīś

Parantu yah yahīn samāpt nahin ho jāta hai kyonki is pratigya ke sāth aur bhī kuch diya hua hai. Aśīś keval Abrāham hī ke lie nahin dī gaī thī kyonki isamen yah bhī kaha gaya hai

“Aur bhūmandal ke sāre kul tere dvāra āśīś paenge” (vachan 4).

Is par mujhe aur āpako dhyān dena chāhie. Chāhe ham Arya, Dravid, Tamil, Nepālī ya kisī bhī jāti ke kyon na hon; chāhe hamārī jāti koī bhī kyon na ho; chāhe hamāra dharm koī bhī kyon na ho, arthāt chāhe Hindū, Muslim, Jain, Sikh ya Isaī; chāhe ham amīr ya garīb, bīmār ya svasth, padhe likhe ya anapadh hī kyon na hon – ‘bhūmandal ke sāre kul’ isamen āp ko aur sāth hī mujhe bhī sammilit kiya jāna cāhie. Is pratigya ka kāryakśetr tab se lekar ab āj tak din tak pratyek jīvit vyakti ko āśīś ke lie sammilit kiya jāna hai – isaka arth hai āp bhī isamen sammilit hain? Kab? Kis tarah kī āśiś? Ise yahān par spaśt rūp se nahin kaha gaya hai parantu yah kuch aisī bāton ko janm deta hai jo āpake sāth mujhe bhī prabhāvit karata hai.

Hamane abhī abhī aitihāsik aur śābdik rūp se yah puśti kī hai ki Abrāham ko dī huī pratigya ka pratham bhāg saty gaya hai ho. Tab hamāre pās kya ek accha kāran nahin hai ki ham pratigya ke us bhāg ke ūpar usake saty hone ke lie bhī viśvās karen jo āpake aur mere lie diya gaya hai? Kyonki yah pratigya saty rūp se viśvavyāpī aur aparivartanaśīl hai. Parantu hamen is pratigya ke saty ko samajhane ke lie – ise kholane kī āvaśyakata hai. Hamen gyānoday kī āvaśyakata hai tāki ham yah samajh saken ki kaise yah pratigya hamen “chū” sakatī hai. Aur ham is gyān ko Abrāham kī yātra ka anusaran karate hue pāte hain. Mokś vah kunjī hai, jisakī prāpti ke ūpar bahut se log bahut adhik kathin mehanat karate hue kāry kar rahe hain, ham par prakāśit kiya gaya hai jab ham nirantar is vilakśan vyakti ke virtānt ka anusaran karate hain.

Leave a Reply

Your email address will not be published. Required fields are marked *